تۈندىكى ھىجران
تۈن نىسبىدىن ئاشقىلى نەۋاق،
سېنى ئويلاپ مەن تېخى ئويغاق.
ئۇخلىمايلا كۆرگەن چۈشۈمدىن،
قۇتۇلسامكەن دەيمەن ھەم تېزراق.
كۆز يېشىمدىن نەملەنگەن لىۋىم،
سېغىنماقتا لىۋىڭنى جېنىم.
ھېدىڭ سىڭگەن ئاشۇ ياستۇقتىن،
سۆيگۈ تاراپ كەتكەندۇ بەلكىم.
مۇڭدىشىمەن خىياللىرىمدا،
سۆرىتىڭنى بېسىپ باغرىمغا.
سېغىنغاندا ئېيتقان ناخشاممۇ،
يىغلىغاندەك ئاڭلىنار توۋۋا.
ھىجرانىڭدا تىترىسە تېنىم،
چاقىرىدۇ سېنى تىنىقىم.
ئىشىكىڭنى چېكىدۇ تىنماي،
تۇنجى سۆيۈپ يوقاتقان روھىم.
سەسكىنىمەن تەنھا تۈنلەردىن،
سۆيگۈ تىلەپ يەنە تاڭلاردىن.
ئۈنلىرىڭمۇ ئاڭلانماس ئەمدى،
پىچىرلاشلار سىڭگەن تاملاردىن.
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
