ئۇيغۇرلاردا سودىدىكى دورامچىلىق


نەزەر دائىرىنىڭ كەملىكى ، سودىغا ئائىت ئۇچۇرلار ئېرىشىش يولىنىڭ تارلىقىدىنمۇ ئەيتاۋۇر ئۇيغۇرلاردا بىر-بىرىنى دوراپ سودا قىلىش ، دۇكان ئېچىش ھەتتا شىركەت قۇرۇپ مەھسۇلات ئىشلەپچىقىرىشتەك ئىشلارنى دورامچىلىق خائىشى ئىنتايىن ئېغىر ، قىززىق يېرى شۇكى بىز باشقىلارنى دورىمايمىز پەقەت بىر -بىرىمىزنى دورايمىز ، باشقىلار قىلسا كارىمىز يوق ئەمما بىز قىلساق كۆرەلمەيمىز ، ھەسەت قىلىمىز ھەم قوللىمايمىز .يېقىندا بىر شىركەت سۇنى ساپلاشتۇرۇش ئۈسكۈنىسىنى ئىشلەپ چىقىرىپتىكەن ، ئارقىدىنلا بۇنداق ئۈسكۈنە ئىشلەپچىقىرىدىغان شىركەتتىن بىرنەچچىسى بىراقلا قۇرۇلدى .ئۇيغۇرچە ماركىدىكى  DVD ئاپراتىنى ئەڭ دەسلەپ قايسى شىركەت ئىشلەپ چىقاردى بۇنى بىلمىدىم ، ئەمما شۇ چىقىپلا كەينى كەينىدىن ئۇيغۇرچە ماركىىدىكى DVD ئاپراتلىرى چىقىۋەردى ، ھەتتا يىلدا نەچچە ماركىدىكى مەھسۇلات بازارغا كىردى ، شۇنىڭ بىلەن خېرىدارلار بۇنىڭ قايسىسى سۈپەتلىك ،قايسىسى سۈپەتسىز ئىكەنلىكىنى ئايرىيالماي ، ئۇيغۇرلار ئىشلەپ چىقارغان مەھسۇلاتلار ساختا دەيدىغان بولدى ، كىيىن بارا- بارا باشقا ئائىلە ئىلىكتىر سايمانلىرىمۇ تۈركۈم - تۈركۈملەپ بازارغا كىردى يەنە ئوخشاشلا بىريىلنىڭ ئىچىدە نۇرغۇن ماركا بازارغا كىردى . ساغلاملىق مەھسۇلاتلىرى دەپ تېلېۋىزوردا بىر شىركەت ئېلان بەرسە ئارقىدىنلا ساغلاملىق مەھسۇلاتلىرى ئىشلەپ چىقىرىدىغان شىركەتلەر تۈركۈملەپ قۇرۇلدى .گىرىم بۇيۇملىرىمۇ ، كىيىم - كېچەك سودىسىمۇ ئوخشاشلا بولدى . ئۇيغۇرچە ماركىدىكى مەھسۇلاتلارنىڭ كۆپىيىشى ، بازار ئىگەللىشى ناھايىتى ياخشى ئىش ، لىكىن شۇنچە كەڭ بازاردا ھەممىلا ئادەم بىرنەچچە تۈرگە ئېسىلىۋېلىش ئاقىلانىلىك ئەمەس ، بۇ دورامچىلىق خالاس . بىز نىمشقا باشقىلارنى دورىمايمىز ، نىمشقا باشقىلار قانداق مەھسۇلات ئىشلەپ چىقىرىۋاتىدۇ ، بازاردا يەنە قانداق مەھسۇلاتلار سېتىلىۋاتىدۇ بۇنى تەكشۈرۈپ كۆرمەيمىز ، ئۇيغۇرچە ماركىدىكى مەھسۇلات ئىشلەي دىسە بازاردا شۇنچە كۆپ مەھسۇلاتلار تۇرۇپتۇ ، شۇنداق كەڭرى بازار تۇرۇپتۇ ، نىمشقا كاللىمىزنى سىلكىۋىتىپ ، بازار  ئايلىنىپ كۆرمەيمىز . بىرسى ئۇيغۇرچە ماركىدىكى ئاياق ئىشلەپ چىقارغا ،سىز ئۇيغۇرچە ماركىدىكى پايپاق چىقارسىڭىز بولىدىغۇ ؟ ئۇ پايپاق چىقارغا سىز يەنە ئاياق مېيى ياكى پېتەك ئىشلەپ چىقارسىڭىز بولىدىغۇ ؟  نىمشقا ئۇ ئاياق ئىشلەپ چىقىرىپ پۇل تېپىپ كەتتى ، مەن نىمىشقا ئىشلىمەيمەن دىگەننىلا ئويلايمىز ؟  بىرسى چىش پاستىسى ئىشلەپ چىقارسا ، تېلىۋىزوردا كۈندە دېگۈدەك يېڭى ماركىدىكى چىش پاستىسىنىڭ ئېلانىنى كۆرۈمىز ، چاچ سوپۇنىمۇ ، يۈز سوپۇنىمۇ ، كىر سوپۇنىمۇ ھەم شۇنداق . بىرسى قىزىل تۆگە ئىچىملىكى دەپ چىقارسا يەنە بىرسى قىزىل بۇغا دەپ چىقىرىشنىڭ ئورنىغا يېشىل چاي ، قىزىل چاي ، يەنە ... بىرنىمە سۈيى دىگەندەك مەھسۇلاتلارنى ئىشلەپ چىقارساق بولىدىغۇ ؟  يازدا كۈندە دېگۈدەك تۇڭيى ياكى يەنە بىر خەنزۇچە ماركىدىكى يېشىل چاي ئىچىمىز ، ئەمما بىز قۇۋۋەت ئىچىملىكلىرىنى ناھايىتى ئاز ئىچىمىز ....

ھېلىمۇ ئۇيغۇرلار ئارىسىدا ئۇيغۇرچە ماركىدىكى مەھسۇلاتلارغا ئىشەنمەيدىغان ھالەت ئاللابۇرۇن شەكىللىنىپ بولدى ، بۇنى كىم شەكىللەندۈردى ، بىز ئۆزىمىز ، سىز بىلەن مەن شۇنداق شەكىللەندۈرۈپ بولدۇق .چۈنكى مەن سىزنى دورىسام ، ئۇمۇ سىزنى دورىسا ئاخىرىدا پايدا ئالالمىغانلىرىمىز ساختىسىنى ئىشلەيدىغان گەپ شۇ !
بىر-بىرىمىزنى ، ئۆز-ئۆزىمىزنى دورىمايلى ! بازاردا مەھسۇلاتلارنىڭ تۈرى كۆپ ، ئائىلىمىزدىمۇ ھەرخىل مەھسۇلاتلارغا ئورۇن بار ، بىز ھەممە مەھسۇلاتنى ئوخشاشلا ئېلىپ ئىشلىتىمىز ، مەھسۇلاتنىڭ ، سودىنىڭ چوڭ -كىچىكى بولمايدۇ ، بازار ئىگەللىسەك ،بازار ئاچالىساقلا ھەممە مەھسۇلاتلار ئوخشاشلا ئىستىقباللىق مەھسۇلات بولۇپ ، سىزگە زور پايدا ئېلىپ كىلىدۇ .

ئاخىرىدا ئۇيغۇر سودىگەر ، كارخانىچىلارنىڭ ئىشلىرىغا ئۇتۇق تىلەيمەن .

مەنبە : قەلىمىم

تېمىڭىزغا تەشەككۇر ....ئەمىلى مەسلىنى ئوتتۇرغا قويۇپسىز ،،،،ھازىرمۇ ئىسىمدا ،ئەڭ دەسلەپتە ئۇيغۇر كارخانىچىلىرمىز چاچ سۇپۇنى ئىشلەپچىقارغان چاغلاردا بەك خوش بولدۇم ،،،گەرچە بازارغا سېلىنغاندىلا خېلى قىممەت كىرگەن بۇ مەھسۇلاتنى خوشاللىق بىلەن سېتىۋالدىم ،ئەپسۇس ،ئۇيغۇر كارخانىچىلىرمىزنى قوللاش يۇزىسىدىن قىلغان بۇ ئىشىم ئوزۇمنىڭ ئىچى ئاچچىق بۇلۇش ،ئۇمۇتسىزلىنىش بىلەن ئاخىرلاشتى ،بۇ چاچ سۇپۇنى قىممەتلكىگە باقماي سۇپەتسىز چىقىپ قالدى ،،،،ئۇنىڭدىن كىيىنمۇ يەنە سىناپ باقتىم ،ئاخىرى بىراقلا رايىم يېنىپ كەتتى ،يەنىلا بۇرۇنقى ئىشەنچىلىك ،سۇپەتلىك باشقىلار ئىشلەپچىقارغان مەھسۇتلارنى سېتىۋالدىم .....

مەنمۇ ئاتەش رەنا دىگەندەك بولغان تاس قالدىم  چېچىم چۈشۈپ تاز بوپ كەتكىلى

ھېلىمۇ ياخشى ۋاختىدا دورا ئىشلىتىپ ئوڭشىۋالدىم

ئوزىمىز تەتقىق قىلىپ ياسىغان مەسھۇلاتلاردا يۇقارقىدەك ئەھۋال يوق.بۇنداق ئەھۋاللار كوپىنچىسى ئۇيغۇرچىغا تەرجىمە قىلىپ ياسىغان مەسھۇلاتلار. ھازىر شۇندا تېلفۇنلار بەك كوپىيىپ كەتتى . دەسلەپ تەرجىمە قىلغانلار خەلقىمىزگە ئۇيغۇرچە  سېستىمىدىكى تېلفۇن سۇنۇشنى ئويلىغان بولسا كىيىنكىلەر پۇل تېپىشنى ئويلىدى . ماركىسى شەكلى ھەرخىل بولسىمۇ ، ئىقتىدار سىستىمىلىرى ئوخشاش، شۇنىىڭ بىلەن ئويغۇرچە تېلفۇنلار ھەممە تېلفۇندىن ئەرزان. كىشىلەر شۇڭا بۇنداق مەسھۇلاتلارنى ئاسانلىقچە ئالمايدۇ.ئەلۋەتتە بۇلار ئارىسىدىمۇ ياخشىلىرى بار . ئەمما ئۇلارنى قانداق ئايرىغىلى بولسۇن.

تۇنجى ئۇيغۇرچە نامدىكى DVD ئاپراتى بەلكىم تەڭگە تاغ نامىدىكى ئاپرات بولسا كېرەك ، بۇ DVDنى 2000-يىلى سېتىۋالغىنىم ئىسىمدە ، شۇنداق ياخشى چىققان ئىدى ،
گەرچە ئۇيغۇر كارخانلىرىمىز ئىشلەپ چىقىرىۋاتقان مەھسۇلاتلار   باشلىنىشىدا سۈپەتسىز چىققاندەك قىلسىمۇ ، بىراق قوللىشىمىز كېرەك دەپ ئويلايمەن ، چاچ سوپۇنى چېچىڭىزنى چۈشۇرۋەتكەن بولسا ئىككىلەنمەڭ ، ئەرىز قىلىڭ ، ياكى كارخانا بىلەن بىۋاستە ئالاقىلىشىڭ ، ئۇلارغا بىزنىڭ پىكىر تەكلىۋىمىز ھەممىدىن مۇھىم ، بىرىنچى قېتىمدا سۈپەتسىز چىقارغان بولسا ئىستىمالچىنىڭ ئىنكاسىدىن تېخىمۇ تىرىشىدۇ، مەسىلىنى ھەل قىلىشنىڭ غېمىگە چۈشىدۇ ،
ئۇيغۇرنىڭ مەھسۇلاتتى سۈپەتسىز دەپلا ئىنكار قىلىۋەتمەي ، ئازراق زىيان تارتساقمۇ سېتىۋىلىشىمىز كېرەك ، شۇنداق قىلغاندا ئۇلارغا ئىقتىسادى قىممەت يارتىلىپ ، داۋاملىق تېخنىكا يىڭىلاش ، نەزەر دائىرىسىنى كېڭەيتىپ ئىلغارلاردىن ئۆزلەشتۈرۈشكە پايدىلىق بولىشى ئېنىق ،
پول بولمىسا ھىچ نىمە قىلغىلى بولمايدۇ ،
ئۇيغۇرلار ئىشلەپ چىقارغان مەھسۇلاتلارنىڭ كامچىل بولىشى ، ئىستىمالىمىزدىكى بىر بوشلۇق ،
ئۆزىمىزنىڭ ئۆزىمىز قوللىمىساق ھىچ كىم قوللاپ قويمايدۇ ،
ئارقا ئارقىدىن ئوخشاش مەھسۇلاتلارنىڭ چىقىشى ئۇيغۇرنىڭ دورامچىلىقى دىگەن باھاغا ئېرىشسە ئادالەتسىزلىك بولىدۇ ،
مۇشۇنداق دورامچىلىق بولمىسا ، داڭلىق ماركا يارتىدىغان ئىقتىدارلىقلارغا بەيگە مەيدانى يوق بۇلۇپ قالىدۇ ،
بىزمۇ ئوخشا مەھسۇلاتلار ئارىسىدىن ياخشىنى ئىلغاپ سېتىۋالالمايمىز ،.
باشقىلارنىڭمۇ ئوخشاش مەھسۇلاتلىرى ساناقسىز ، پەققەت ماركا ئوخشىمايدۇ ،
ئائىلە ئېلىكتىر سايمانلىرى ساتىدىغان جايلارغا بارسىڭىز ، بىر خىل مەھسۇلاتنىڭ ھەر خىل ماركىسىدىكىلىرىنى كۆرەلەيسىز ،ئۇلار پەققەت ماركىسىغا ئېتىۋار بېرىدۇ ، تىزىملاتقان پاتنىنتىنى قوغدايدۇ ،
پىپىس كولا ، كوكاكولا ھەمىسى بىر كولا ، تەمى رەڭگى پەرىقلەنمەيدۇ ، بىراق ماركىسى ئوخشىمايدۇ ،   ئۇلار شۇنچە يىل دۇنيا سودا سەھنىسىدە پۇت تېرەپ كېلىۋاتىدۇ ، بەلكىم تەكلىماكاننىڭ بۇلۇڭ پۇچقاقلىرىدىمۇ بۇلارنىڭ تاشلاندۇق قۇتىلىرىنى ئۇچراتقىلى بولىدۇ ، سىلەر قاچان ئۇلارنىڭ بىر بىرسىنى دورىدى دىيىشكىنىنى ئاڭلىغان ،

دولىتىمىز ئەڭ چوڭ تاغتۇرا ماللىرىنى ئىشلەپ چىقارغۇچى دولەت .ھەر خىل داڭلىق ماركىدىكى مەھسۇلاتلارنىڭ ساختىسىنى سىز دولىتىمىزدىن تاپالايسىز ، بەزىلىرى ئەسلى مەھسۇلاتقا شۇنچىلىك يىقىنلاشقانكىن قىلچە ئايرىۋالغىلى بولمايدۇ ،

يۇقىرى پەن تېخنىكىدا ئىشلەنگەن ئايپاك يانفۇنلىرىنىڭ ساختىسىمۇ يېڭى ئەسلى نۇسقىسى خەلقئارادا بازارغا سېلىنىپ بولغىچە دولىتىمىزدە تەقلىت قىلىنىپ ئىشلىنىپ تارقاپ بولىۋاتمامدۇ ،
بىراق ئۇيغۇر كارخانچىلىرى تېخى ئەمدى قەدەم ئېلىۋاتىدۇ ،مەيلى دورىسۇن ، مەيلى سۈپەتسىز بولسۇن ، چوققۇم قوللىشىمىز كېرەك ،
چۈنكى ئۇ بىزنىڭ مەھسۇلاتلىرىمىز ،
بەلكىم يىقىن كەلگۈسىدە ئارماندەك خەلقئاراغا يۈزلەنگەن بىر تۈركۈم مەھسۇلاتلار مەيدانغاكېلىشى مۇمكىن ،
ھەر قاندىقىنى قوللاش كېرەك ، ھەر خىل يول بىلەن قوللاش كېرەك ،

لاياقەتسىزلىرى ئۆزلىكىدىن شاللىنىدۇ ، بۇ ھەقىقەت .

ئىنسان،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

بىر ئېغىز گەپ:
ئېسىڭلاردا بولسۇنكى؛ نەچچە يىل جاپا چېكىپ تەتقىقات ئېلىپ بارغان، پاتىنت ھوقوقىغا ئاران ئېرىشكەن داڭلىق زاۋۇتلار  باشقىلار كورۇپكىنى ئۇيغۇرچە لاھيەلەپ ماڭا مەھسۇلات ئىشلەپ بەر دېسە   ھەرگىزمۇ  ئۆزىنىڭ رېتسىپى بىلەن  مەھسۇلات ئىشلەپ بەرمەيدۇ. ئەرزان ساختا مال ئىشلەپ چىقىرىدىغان زاۋۇتلاردا ئىشلەتكەن نەرسىلەر قانچىلىق ئۈنۈم بەرمەكچىتى؟ مۇشۇنچىلىك كىچىك ئىشلارنى چۈشەنمىگەن ساددا ئادەملىرىمىز دەبدەبىلىك ئىلانلارغا ئىشىنىپ نۇرغۇ ئىقتىزادىنى بۇزىۋاتقاندىن باشقا ئەڭ مۇھىمى سالامەتلىكىدىن زىيان تارتىۋاتىدۇ.
  شۇڭا دىققەت قىلىش كېرەككى، مال سېتىۋالغاندا ئىلان قوغلاشماي چوقۇم داڭلىق ماركىلىق ئىشەنچىلىك ماللارنى بىلىپ سېتىۋېلىش كېرەك!

ئۇيغۇر  كارخانىچىلار  ئەڭ  ئالدى  بىلەن  مۇسۇلمانلارنى   ئالدىماسلىقى لازىم  !    ئۇيغۇرلار  ئىشلەپچىقىرىۋاتقان  نۇرغۇن  مەھسۇلاتلارنىڭ  گۆشى  باشقىلارنىڭ  بولسا  تېرىسى  ئۇيغۇرنىڭ  بولىۋاتىدۇ !   ئۇلار  تېرە  كۆچۈرۈش  ئوپراتسېيىسى   قىلىشقا  تولىمۇ  ئۇستا  !

ھازىر مۇشۇ ئۇيغۇرچە ماركىدىكى مەھسۇلاتلارغا تازا ئىشىنەلمەي قېلىۋاتىمەن.

يەھۇدىلار قانداق باش كۆتۈرۈپ چىقالىدى ؟ ئامىرىكا ئىقتىسادىنىڭ كۆپ قىسمى قانداق بولۇپ يەھۇدىلارنىڭ قولىغا مەركەزلىشىپ قالدى؟ قوللاش، ھەمكارلىق بولغانلىقتىن.