كۈندىلىك خاتىرەمدىن
   ئەسسالام مەن ئۈچۈن تولىمۇ قەدىرلىك بولغان قىزچاق ، ياخشمۇسەن ؟ ( كەچۈر ، سەن دېيىشىمگە يول قويغىن ) تىلىكىم ھەر جايدا بولسا ئامان بولغىن .
   مەن شۇ تاپتا نېمىلەرنى دىيىشىنى بىلمەيۋاتىمەن . شۇنداقتىمۇ سۆزلەۋېرەي ، ھېچ بولمىغاندا مىنى « كاللىسىدىن كېتىپتۇ » دەپ قالارسەن ؟ ! . . .
   ھەقىقەتەن بىر مەزگىل خۇددى لەيلى بىلەن مەجنۇندەك ياخشى ئۆتتۇق ، تەقدىرنىڭ بىزنى ئۇچراشتۇرغىنىغا ھەشقاللا ئېيىتتۇق ، گۈزەل ئەسلىمىلەرنى باشتىن كەچۈردۇق . تىلفۇن جىرىڭلىسا قۇلاق دىڭ بولۇپ كەتتى . كىيىن پارچە – پۇرات ئىشلار تۈپەيلى بەزىدە ۋايساپ ، بەزىدە كۈلۈپ ، بەزىدە دېمىمىز ئىچىمىزگە چۈشۈپ ياشاپ كەلدۇق . بەزىدە ھەممىسى بىر چۈش بولۇپ قالسا دەپ كۆپ رەت تىلىدۇق . لىكىن يۈكسەك پەزىلەتتە تۇرۇپ ئەپۇ قىلىمىدۇق ، بەلكىم مۇھەببەتنىڭ يۈكسەكلىكى ئۇنىڭ ۋىسالدا ئەمەس بەلكى ھىجرانىدا بولسا كىرەك . بىز ئاۋازىمىزدىن ئەكىس سادا چىقارماقچى بولىدۇق بىراق بۇ ئاۋاز قۇمغا سىڭگەندەكلا يوقاپ كەتتى ، ھەي ئۆتمۈش ، ھەي ئۆتكەن كۈنلەر ، ھەي ھېلىقى چاغلار ، ئۇنىڭ بىزگە بېردىغىنى قانداق لەززەت ، پۇشايمانمۇ ياكى سېغىنىش ؟؟؟ ... مىنى ھەجەپ چۈشەنمەي كەلدىڭ . بەزىدە دېمىم ئىچىمگە چۈشۈپ ئويلاپ قالىمەن . ئاشۇ چاغلاردا « سىنى سۆيمەس بولۇپ قالدىم » دىگەن چاغدا ئۆزۈڭنى ئالداپ تۇرغانلىقىڭنى يۈرىكىم سىزىپ تۇرسىمۇ ، زادى نىمىشقا ئالدىڭغا بېرىپ تۇرۇپ « مىنى ياخشى كۆرەمسىز ؟ » دەپ سورىيالمىدىم .
   دۇنيانىڭ سىرى پۈتكۈل قارىمۇ قارشىلىقىنى بىر – بىرىگە تەقەززا قىلىشتىمۇ ؟ . . . بۇ ئەسلىمىلەر مەڭگۈ ساقلىنىپ قالارمۇ ؟ مەن قورقىمەن ، مىنىڭ ئەنسىرەيدىغىنىم بەك جىق ، ھايات مۇساپىسىدە بىر – بىرىمىزنى ئۇنتۇپ كىتىشتىن ، بىپەرۋا ھالەتكە چۈشۈپ قىلىشتىن قورقىمەن .
   بەلكىم سەن جاھىل مىجەزىڭنى تاشلاپ ئەپۇچان بولغان بولساڭ ، مەن گۇمانخۇر مىجەزىمنى ئۆزگەرتىپ ، شاخ چىقارمىغان بولسام ئەشۇ سېغىنىشلىق كۈنلەر داۋاملاشقان بولاتتى . ئاچچىق كەلگەندە ، تاتلىق يوق دەپ ھەممىنى ئىنكار قىلمايتتۇق ، قوشماق يۈرەكلەرنى ئاشقلار ئالبومىغا ئەكرەلەيتتۇق . بىز ھەقىقەتەن بىر – بىرىمىزنى ياخشى كۆرەتتۇق . زىيادە ئويلاش بىزنى ئەقلىمىزدىن ئازدۇردى . بىز قولدا تۇرغان نەرسىنىڭ قەدرىنى بىلمەي قالدۇق ، شۇڭا بىر جان ، بىر تەن ، بىر نىيەتتە بولالمىدۇق . سەن « ئىستەك » كە تولغان يۈرىكىمدىن ساڭا تولۇق بەخىت ھېس قىلدۇرالمىدىم . سەن ماڭا « ساداقەت » گۈللىرىنى قوش قوللاپ تۇتالمىدىڭ ، بىر ئاجىز سۆگەت بولدۇق ، بوران – چاپقۇنلارغا بەرداشلىق بىرەلمىدۇق . ئەجەبا سەۋەنلىك زادى كىمىدە ؟ تەقدىرنىڭ چاقچىقىمۇ يا ؟؟؟ ... راسىت ، بەلكىم ھەممىسى تەقدىرنىڭ ئورۇنلاشتۇرىشى بولسا كىرەك ، « نىمىشقا بىر سىنى كۈتىمەن ، بىر ساڭا مەنسۇپ ، سەندىن ئايرىلسام قانداق قىلارمەن . . . » دەپ ۋەدە قەسەملەرنى بېرىپ تۇرۇپ ھەممىنى ئۆز قولىمىز بىلەن يوق قىلىدۇق ، ئېيتە بۇ ئاجىزلىق بولماي نىمە ؟ ئېيتە ئەجەبا ئارزۇيىمىز بەربات بولۇپ كۆپۈككە ئايلىنارمۇ ؟ ۋەدە قەسەملەر ئېغىزدىلا قالارمۇ ؟ بەلكىم ئىنسان ھاياتىدا ئەستىن چىقارمىغۇدەك بىر قاتار مۇساپىلەرنى باشتىن كەچۈرۈشى زۆرۈر بولسا كىرەك ؟ ! . . .
   بىلمەيمەن ، كۆڭۈل دىگەن ئاجايىپ سەزگۈر بولدىكەن . گەرچە ئىككىمىز ئىككى قوتۇپتا بولساقمۇ ، كۆڭلۈم يەنىلا ئەركىمگە بوي بەرمەي ھەر مىنۇت ساڭا تەلپۈنىدۇ . سىنى بىر كۆرۈش ئىستىكى ھەر قاچان مىنى قىينايدۇ . سىنى كۈندە چۈشۈمگە كىرىسكەن دەيمەن . بىراق ، ئۈمىدىم ئ چۈشۈمگە كىرمىسەڭ كىرمە ، مىنىڭ كۆرڭۈڭ كەلمىسىمۇ ، ھەتتا ئۇنتۇپ كەتسەڭمۇ مەيلى ، بىراق مەن جاراڭلىق ئاۋازىم بىلەن ساڭا دەيمەن : « ھەر جايدا تۇرساڭ ئامان بولغىن » ، بىر ئاللاھغا چىن ئىخلاسىم بىلەن ئىلتىجا قىلمەن ؛ « ئۇنىڭ بەختىنى ، خۇشاللىقىنى بەرگىن ، ئۇ بەختىنى تاپسۇن ، ھاياتتىن قاقاقلاپ كۈلسۈن » ، چىن يۈرەك سۆزۈم بىلەن دەيمەنكى « مەن ئۇنى سۆيىمەن ، ئۇنىڭ بەختى مىنىڭ بەختىم ، ئۇنىڭ خۇشاللىقى مىنىڭ خۇشاللىقىم » . . .
ماڭا كەلسەم ، ھايات مۇشۇنداق بولسا كىرەك ، مەن ياشايمەن ، يىگىتلىك غۇرۇرۇم ، ئىنسانىي پەزىلىتىم بىلەن ياشايمەن . مەندىن خاتىرجەم بول ، سەنلا خالساڭ مەن يەنىلا شۇ مەن ! ئاخىردا ساڭا دەيدىغىنىم :
   قەدىرىڭنى بىل ، قولدىن كەتكەن نەرسە ھەمىشە ئەڭ قىممەتلىك بولىدۇ . شۇڭا قەدىرلەشنى ئۆگىنىۋال ، ۋىجىدانىڭ بىلەن ئىنساندەك ياشا ، خۇشاللىق ئۈچۈن ھەممىدىن ۋاز كەچ . . .
                         خەيىر ئامان بولغىن

يۈرەك دىگەن بىر پارچە قىزىل گۆش بولسىمۇ ئۇنىڭغا مۇجەسسەملەنگىنى ئادەمنىڭ ھېس-تۇيغۇ،مۇھەببەت -نەپرەت،قايغۇ -ھەسرەت.ئۇ يېغلىسا ئادەممۇ بىللە يېغلايدىكەن.ئۇ بىئارام بولسا ئادەممۇ ئوخشاشلا بىئارام بۇلىدىكەن.

بۇنى راستىنلا ئۆزىڭىزنىڭ كۈندىلىك خاتىرىسىدىن ئالغانمۇ؟       

انشااللا ھەممىزنىڭ ئشلىرى ئۇتۇقلۇق بولغاي.

ئۇستىلىق بىلەن يۈرەكنى تىتىرەتكۈدەك يېزىلغان خەت ئىكەن

مۇھەببەت.........
ۋىسالىغا يىتەلمىگەن بىر جۈپلەر.......
تەغدىر................

ياخشى يىزىلىپتۇ............