ساغلاملىقىڭىز ئۈچۈن بىلىۋېلىڭ


كىتاب ئوقۇش دېۋەڭلىكنىڭ ئالدىنى ئالىدۇ

دائىم كىتاب ئوقۇپ بەرگەندە، ياشانغانلاردىكى دېۋەڭلىك كېسىلىنىڭ ئالدىنى ئالغىلى بولىدۇ . چوڭ مېڭىدە بىر مۇستەقىل ئوقۇش نېرۋىسى بار بولۇپ،بۇ نېرۋا دائىم ھەركەتلىنىپ تۇرۇشقا موھتاج،ئەلۋەتتەكىتاب ئوقۇش چوڭ مېڭەۋە باشقا ئەزالارنىڭ ماسلىشىشىغا مۇھتاج، شۇڭا دائىم كىتاب ئوقۇپ بەرگەندە چوڭ مېڭە توختىماستىن ھەركەتلىنىپ، ئادەمنىڭ كەيپىياتىداياخشىلىنىش بولۇپ ، ياشانغاندىكى دېۋەنلىك كېسىلىنىڭ ئالدىنى ئالغىلى بولىدۇ .

كۆزىڭىز تالسا،بىھى يەپ بىرىڭ

كۆز تېلىش ۋىتامىن Aنىڭ زور مىقداردا خورىشىدىن كېلىپ چىقىدۇ ، تەتقىقاتلاردا ئىسپاتلىنىشچە ، بىھى قاتارلىق سېرىق رەڭلىك مېۋىلەر تەركىبىدە كۆپ مىقتاردا كاروتىن بولىدۇ ، يېشىل ۋە سېرىق رەڭلىك كۆكتاتلار تەركىبىدىكى كاروتىن بىلەن سېلىشتۇرغاندا، سېرىق رەڭلىك مېۋىلەر تەركىبىدىكى كاروتىننىڭ ئادەم بەدىنىگە سۈمۈرۈلىشى تېز بولۇپ ، تولۇق ۋىتامىن A غا ئايلىنىدىكەن .
ئۇنىڭدىن باشقا، كەيپىياتىڭىز ناچار چاغدا بانان يەڭ، چۇنكى بانان تاركىبىدە ئوزۇقلۇق مادىلار مول بولۇپلا قالماي ،چارچاشتىن بولغان كەيپىيات ناچارلىشىش ،ئىشتىھاسىزلىق ۋە ئۇيقۇسىزلىقنى ياخشىلايدۇ .


ئىتىتىك مېڭىش ئاياللارغا پايدىلىق


ئىتتىك مېڭىش كىلىماكتىرىيە دەۋىردىكى ئاياللارغاپايدىلىق بولۇپ،ھەر كۇنى يىرىم سائەت ئىتتىك مېڭىپ بەرگەن ئاياللاردا تۇيۇقسىز سەكتە بولۇپ قېلىش ۋە كىلىماكتىرىيە دەۋىردىكى كېسەللىكلەر كۆرۈنەرلىك تۆۋەنلەيدۇ .
تەتقىقاتچىلارنىڭ ئېيتىشىچە ، كىلىماكتىرىيە دەۋىردىكى ئاياللار كۈندە ئىتتىك مېڭىشنى داۋاملاشتۇرغاندا ، كەيپىياتنى ياخشىلاپ، روھىيتىدىكى جىددىيلىكنى تۇگەتكىلى ،ئۇيقۇنى ياخشىلاپ، بىر قىسىم ئەگەشمە كېسەلىكلەرنىڭ ئالدىنى ئالغىلى بولىدىكەن. ھەر كۈنى يېرىم سائەت ئىتتىك مېڭىشنى ئۇزاق مۇددەت داۋاملاشتۇرغاندا، ئۈنۈمى تېخىمۇ ياخشى بولىدىكەن.


كۈندە 15 قېتىم يەر بېغىرلاڭ



تەتقىقاتلاردا ئىسپاتلىنىشچە ، دائىم ئېغىرلىق كۆتۈرۈش ، يەر بېغىرلاش قاتارلىق كۈچ تەلەپ قىلىدىغان ھەركەتلەرنى قىلغاندا ، سۆڭەك ۋە مۇسكۇللارنى چىڭىتىپ قان ئايلىنىشنى ياخشىلاپ، قان بېسىمنى تۆۋەنلەتكىلى بولىدىكەن . كۈندە 15 قېتىم يەر بېغىرلىسا مۇۋاپىق بولىدىكەن.يۈرەك-قان تومۇر كېسەللىكلىرىگە گىرىپتار بولغان بىمارلار ۋە ئوتتۇرا ياش، ياشانغانلار ھەپتىدە ئۈچ قېتىم چېنىقسا بولىدىكەن،چېنىققاندا بېشىنى تۆۋەن قىلىپ ئۇزۇن تۇرماسلىق ، كۈچەپ ھەركەت قىلماسلىق ، قان بېسىمى ئۆرلەپ كېتىشتەك ئەھۋاللارنىڭ يۈز بېرىشىنىڭ ئالدىنى ئېلىشى كېرەككەن .


كۈندە ئۈچ پىيالە چاي ئىچسە، راكنىڭ ئالدىنى ئالىدۇ


ھەر كۈنى ئەتىگەن ، چۈش ۋە كەچتە بىر پىيالىدىن چاي ئىچكەندە يەنى چاينى دەملەپ بەش مىنۇتتىن كېيىن ئىچكەندە ، راك كېسىلىنىڭ ئالدىنى ئالغىلى بولىدۇ . قىزىل چايدا چاي ئامىنۇ كىسلاتاسى بار بولۇپ، ئەقلى ئىقتىدارىنى ئۆستۈرىدۇ، كۆپ ئىچىپ بەرسە، سەكتە ۋە يۈرەك كېسىلىنىڭ ئالدىنى ئالغىلى بولىدۇ .
يىشىل چايدا ئوسىدلىغۇچى رېئاكتىپلار مول بولۇپ ،راك ھۈجەيرىلىرىنىڭ كۆپىيىشىنىڭ ئالدىنى ئالىدۇ ، ئۇنىڭدىن باشقا يېشىل چاي ئۈچەينىڭ ھەركىتىنى ئىلگىرى سۈرۈپلا قالماي، ھەزىم قىلىشنى ياخشىلايدۇ ھەمدە ماينىڭ سۈمۈرلىشىنى توسۇپ، ئورۇقلاش مەقسىتىگە يەتكىلى بولىدۇ .

ئۈچ خىل يېمەكلىكنى ئاچ قورساققا يىيىشتىن ساقلىنىڭ


قەنت مىقتارى يۇقىرى يىمەكلىكلەر .

ئاچ قورساققا ئاق شېكەر، قارا شېكەر، پىچىنە -پىرەنىك ۋە تاتلىق بەرەڭگە قاتارلىقلارنى يېگەندە قاندىكى قەنت مىقتارىنىڭ ئېشىپ كېتىشىنى كەلتۈرۈپ چىقىرىپ،ئاشقازان بىئارام بولۇش، مەيدىسى ئېچىشىش ، سېسىق كېكىرىش قاتارلىق ئالامەتلەر كۆرۈلىدۇ.

ئاقسىل مىقتارى يۇقىرى يىمەكلىكلەر .

ئاچ قورساققا سۇت تۇخۇم، گۆش تۈردىكى يىمەكلىكلەرنى يېگەندە ئاقسىل بەدەنگە يىغىلىپ قېلىپ سالاماتلىككە تەسىر كۆرسىتىدۇ.

غىدىقلىغۇچى يېمەكلىكلەر .

ئاچ قورساققا ئاچچىق ، چۈچۈمەل، تۇزلۇق ۋە سوغاق يىمەكلىكلەرنى يېگەندە ئاشقازاننىڭ يىپىشقاق قەۋىتىنى زىيانغا ئۇچرىتىپ، ئاشقازان - ئۈچەي مۇقۇپ ئاغرىشتەك ئالامەتلەر كۆرۈلىدۇ.






مەنبە: شىنجاڭ قانۇنچىلىق گېزىتى

رەھمەت،پايدىلىق تېما يوللاپسىز.

يوقاپ كەتكەنتىڭىز ،يەنە ئوبدان تېمىلار بىلەن كەپسىز ،داۋاملىق مۇشۇنداق تىمىلارنى يوللاپ تۇرارسىز

رەھمەت،پايدىلىق تىمىكەن.

پايدىلىق تېمىلار ئىكەن

مەن سېرىق رەڭلىك مىۋىلەرنى كۆپ يەپ بەرسەم بولغۇدەكتە.

مەن كۈندە 50 قىتىم  يەر بىغېرلايىتتىم. جىق بوپ كىتىپتۇ دە!؟

تىمىڭىزغا رەخمەت . مەن بەكرەك پايدىلانسام بولغۇدەك .

ياخشى تىما ئىكەن ،لىكىن بىز خانىم قىزلارنىڭ كۆپىنچىسى بىرنىمۇ ئۆلچەملىك يەر بىغىرلىيالمايمىز.