ئاشخانىدىكى ئەخلەت چېلەكلىرىمىز كۆكتاتلارنىڭ يۇپۇرماقلىرى ، مېۋە شۆپۈكلىرى بىلەن توشۇپ كېتىدۇ. بىز بۇ نەرسىلەرنى ئەخلەت ، دەپ تاشلىۋېتىمىز . مەسىلەن ،كەرەپشىنىڭ يۇپۇرمىقىنى يېگىلى بولمايدۇ، يېسىۋىلەكنىڭ يۇپۇرمىقى ياخشى ئەمەس، تاتلىقبەرەڭگىنىڭ پوستىنى سويۇۋەتمىسە بەك سەت كۆرۈنۈپ قالىدۇ، دېگەندەك بىر قاتار پەتىۋالىرىمىز بار. ئەمەلىيەتتە كۆكتاتلارنى مۇشۇنداق تازىلاش ئاتا - بوۋىلىرىمىزدىن قالغان ئادەت بولغاچقا ، بىز مۇشۇنىڭغا كۆنۈپ كەتكەن . ئەمما بۇنىڭ بىلەن تەڭ بىز ئېھتىياجلىق بولغان ئوزۇقلۇقنىڭ نابۇت بولۇۋاتقانلىقىنى بىلمەيمىز .
         كەرەپشىنى مىسالغا ئالساق ، كەرەپشىنىڭ يۇپۇرمىقى يۇمشاق ۋە قىرتاق ، غولىدەك يېيىشلىك ئەمەس. كەرەپشىنىڭ يەنە قان تەركىبىدىكى ياغنى تۆۋەنلىتىش رولى بار، يوپۇرمىقىنىڭ ئوزۇقلۇق قىممىتى ناھايىتى يۇقىرى . ئۇزۇقشۇناسلارنىڭ تەكشۈرۇشىچە، كەرەپشىنىڭ يۇپۇرمىقىدا 10خىلدىن ئارتۇق ماددا بولۇپ ، بۇنىڭ ئىچىدە كاروتىن كەرەپشىنىڭ غولىغا قارىغاندا يۇپۇرمىقىدا 88 ھەسسە ، ۋىتامىن س 13 ھەسسە ، ۋىتامىن 1ب 17ھەسسە ، ئاقسىل 11ھەسسە، كالتىسىي ئىككى ھەسسىدىن كۆپرەك ئىكەن. يېسىۋىلەكنىڭ يۇپۇرمىقىنىڭ سىرتقى قىسمىدىكى كاروتىننىڭ قويۇقلۇقى ئاق يېرىگە قارىغاندا نەچچە ئون ھەسسە ، ۋىتامىن س مۇ نەچچە ئون ھەسسە كۆپ ئىكەن . تاتلىقبەرەڭگىنىڭ پوستىدا مول مىقتاردا ئوكسىدلىنىشقا قارشى تۇرغۇچى تەركىبلەر ۋە يېمەكلىك تالالىرى بولۇپ ، بۇلار راكنىڭ ئالدىنى ئېلىشتا ناھايىتى ياخشى ئۈنۈمگە ئىگە ئىكەن . ئۇنىڭدىن باشقا ، پېدىگەن، شوخلا، ئالما ۋە تاۋۇزلارنىڭ پوستىنىڭ ئۇزۇقلۇق قىممىتى ناھايىتى يۇقىرى بولۇپ ، بۇلارنىڭ تەركىبىدىكى ھەرخىل ماددىلار ئادەتتە بىز ئېھتىياجلىق بولغان ئوزۇقلۇق ماددىلاردۇر. شۇڭا ، كۆكتات يۇپۇرمىقى ۋە مېۋە -چېۋىلەرنىڭ پوستىدىن ئۈنۈملۈك پايدىلىنىشنى بىلىۋىلىڭ.

                                                  - ساغلاملىقىڭىز - بايلىقىڭىز ناملىق كىتابتىن.

بىر نەرسىلەرنى خاتىرجەم ئستىمال قىلغىلىمۇ بولمىسا. . . ھەي. . . . .