مىللىتىمدىن تانمايمەن

مىللىتىمدىن تانمايمەن،
قەدىرلەيمەن قانمايمەن.
ئۇيغۇر دەيمەن ئۆزەمنى،
پەخىرلىنىپ ھارمايمەن.

كۆرەلمەسلىك نادانلىق،
خۇراپىلىق - قالاقلىق .
كەتسە بىزدىن يېراقلاپ ،
سۆلەتباز لىق،شاللاقلىق.

ئىللەتلەرنى تۈزەتسەك،
غاپىللارغا ئۈگەتسەك .
مۇناپىقنى ئەدەپلەپ،
غەيۋەتلەرنى تۈگەتسەك.

بېرىلمىسەك شۆھرەتكە،
تەڭ ئېنتىلسەك خىسلەتكە.
ئىنساپ بىلەن ھەر ئىشتا ،
ھۆرمەت بولسا ھۆرمەتكە.

قەدىرلىسەك مىللەتنى ،
يېراق قوغلاپ ئىللەتنى.
قىلساق ھەردەم تەششەببۇس،
ئىسىل ئەخلاق - خىسلەتنى.

قەدىرلىك بىز ھۆرمەتلىك،
بولساق ھامان جۈرئەتلىك،
ئەۋلاتلارغا ئۈلگە بوپ ،
ئەجرىمىزدىن خىسلەتلىك.

كۆرەلمەسنى ،نەسلەرنى،
ئىمانى يوق پەسلەرنى.
ھالاللىققا ئۈندىسەك،
نەپسىگە قۇل خەسلەرنى.

رۇناق تىپىپ كۈلمەمدۇق ،
خۇشاللىققا چۈممەمدۇق .
خىسلەتلەردىن ھەر دىلغا،
گويا گۈلدەك ئۈنمەمدۇق.

شۇڭا مەنچە تانمايلى،
ئېتىقاتتىن يانمايلى.
ئۈلگە قىلىپ ئەجداتنى،
تۆھپىمىزدىن پارلايلى.

ئىناقلىقتىن كۈلەيلى ،
خۇشاللىققا چۈمەيلى.
قاخشاپ يۈرمەي ئۆزىچە.
قەدرىمىزنى بىلەيلى.

بەختىياربىز پەخىرلىك،
ياشاپ ئۆتسەك ئەجىرلىك.
ۋەتەن بەردى كەڭ پۇرسەت،
جانغا ھۇزۇر- مېھىرلىك .

ئىناقلىقنى يۈرەكتىن ،
قەدىرلەيلى تىلەكتىن.
كۈتۈم بۇ دەم جاۋاپنى،
ئەقلى ئۇچۇق زىرەكتىن.

باراۋەر بىز ھەر مىللەت،
نەزەر سالساڭ سەن ھەررەت.
بىلىملىكلەر قەدىرلىك ،
تىرىشقانغا كۆپ پۇرسەت.

شەرەپ قۇچساق ئەجىردىن،
كۆڭۈل كۈلەر پەخىردىن .
دۇرۇس بولسۇن ئىرادەڭ ،
قاخشاپ يۈرمە تەقدىردىن.
مەنبە بالىلار بۈشۈك تورى

شۇنداق ئېسىل شېئىردىن بىرنى يوللىدىڭىز «ئەلنەزەر»ئەمما ئالدىراشچىلىقتا ئەسەر مەنبەسىنى ۋە ئەسەر ئاپتورىنى ئەسكەرتىشنى ئۇنتۇپ قالغان ئوخشايسىز.ئاپتورى كامىلجان ناسىر(دىلداش)

  ياخشى يوللاپسىز

ئەسەرىڭىز بەك ياخشى ئىكەن. ئۆزىنىڭ مىللىتىدىن قانداقمۇ تانغۇسى كېلىدۇ كىشىنىڭ.ھەي......بۇنداقلارنى يوق دېگىلى بولمايدۇ-جۇمۇ.

ياخشى شېئر كەن . رەخمەت.

ئېسىل تېمىكەن،رەھمەت

يائاللا ئەلنەزەر نىمداق يوقاپ كىتىدىكى دىسەم ئىسىل تېمىلارنى
رەتلەش بىلەن ئالدىراش بوپ كىتىپسىزدە