رېستۇراندىكى پاجىئە
(ساتىرا)
بىر كۈن دوستلار يىغىلىپ،
قۇچاقلىشىپ كۆرۈشتى.
ھۇزۇر ئىزدەپ بىر دەملىك،
رېستۇرانغا كىرىشتى.
پۇل دېگەننىڭ،راھەتنىڭ،
مېغىزىنى چېقىشتى.
يېگەنسىرى زوقلىنىپ،
يەنە گېلى قىچىشتى.
شېكەر سۆزلۈك خوجايىن،
بۇدۇشقاقتەك يېپىشتى،
<<توخۇ>>، <<ئۆردەك >>ھەم<< بېلىق>>،
قاتارلىشىپ كىرىشتى .
نى-نى <<ئېسىل>>ھاراقلار،
پېچەت بىلەن كېلىشتى.
گۈل غۇنچىدەك گۈزەللەر،
كۈتۈپ خىزمەت قىلىشتى.
<<يەنە ئىچىڭ يەنە...>>دەپ،
بوتۇلكىنى ئېچىشتى.
ئىچكەنسىرى دەرت_ئەلەم،
غايىپ بولدى،قېچىشتى.
يانچۇقتىكى پۇل-پۇچەك،
قىيان سۇدەك ئېقىشتى.
شادلىقىدا سۆزمەنلەر،
نەزمە_قوشاق قېتىشتى.
مەستلىكىدە بەزىلەر،
بىھۇش بولۇپ يېتىشتى.
گاھى بىرلەر چاقچاقتا،
گەپ ئۇرۇشتى،قىزىشتى.
چىدالمىغان<<نوچى>لار،
مۇشت تۈگۈشتى،ئېتىشتى،
دۈشمەنلىشىپ ئۆز_ئارا،
قاچا_قۇچا چېقىشتى.
ئاچچىق كەستى ئەقىلنى،
خەنجەر،پىچاق تىقىشتى.
ئۈچى ئۆلدى،نەچچىسى،
قان ئىچىگە پېتىشتى.
بەدخەجلىكتىن ئاقىۋەت،
مەھبۇس بولۇپ يېتىشتى.
پۇشمان بىلەن يۈرەكلەر،
پۇچىلاندى ئېچىشتى.
قانۇن سوتلاپ قاتىلنى،
ھۆكۈم قىلىپ ئېتىشتى.
ئەھلى ئاۋام-جامائەت،
ياقا تۇتۇپ قېلىشتى.
ئاتا-ئانا كۆز يېشى،
دەريا-دەريا ئېقىشتى.
ئەلەم بىلەن ئىسسىق تەن،
مۇردا بولۇپ قېتىشتى.
ئەقلى بارلار بۇ ئىشتىن،
ساۋاق_ئىبرەت ئېلىشتى.
ئۆز_ئۆزىنى رۇسلىشىپ،
توغرا يولغا كىرىشتى.
تۈزەلگەننى جەمئىيەت،
ئۆز قوينىغا ئېلىشتى.
تۆھپە قوشۇپ نەچچىسى،
مۇكاپاتمۇ ئېلىشتى
ئاپتۇر : مۇھەممەت داۋۇت(كۇچا ناھىيىلىك سىياسى كېڭەشتە)

مەنبە:<<شىنجاڭ ياشلىرى>>ژورنىلىنىڭ2001_يىللىق 8_سانى.

بۇ قاچان بولغان ۋاقە دۇ  

نەقىل

بۇ مەزمون1قەۋەتتىكىكاۋاپنىڭ2009-05-10 13:14دە يوللىغان يازمىسى  :
بۇ قاچان بولغان ۋاقە دۇ  

كاۋاپ  پىشىشتىن  سەل  بۇرۇن  بولغانغۇ  دەيمەن !