قىلمىغىن غەيۋەت

قوشناڭغا بۇنچىلا بولما بەھەيۋەت ،
ياغمىسۇن خەلقىڭدىن قارغىش ھەم نەپرەت .
ئاناڭدىن-ئاتاڭدىن قالمىسۇن لەنەت ،
ئۆز خەلقىڭ دوستۇڭغا قىلمىغىن غەيۋەت .

قوشناڭنىڭ تەلىيى كىلەر بىر كۈنى ،
ھەم سىنىڭ باشلىقىڭ بۇلار بىر كۈنى .
ھەم ساڭا قەھرىنى چاچار شۇ كۈنى .
بوسۇنۇپ بەرگىن سەن قىلمىغىن غەيۋەت .

دۇنيادا رازى قىل ئاتا-ئاناڭنى ،
ئەخلاقلىق تەر بىيلە بالا-چاقاڭنى .
ئۇنۇتما ياراتقان ئىگەڭ ئاللانى .
ھەر ئىككى دۇنيادا قىلمىغىن غەيۋەت .

گەپ تاپسىمۇ سەن توغرۇلۇق باشقىلار ،
ۋە يا سىنى قەسلەپ يۈرسۇن باشقىلار .
سەن قىلمىغىن قىلسىمۇ گەر قوشنىلار .
ئۆزنى بىل ئۆزگىگە قىلمىغىن غەيۋەت .

بەلكى ئىشلەپ بېيىغاننى كۆرگەنسەن ،
ۋە يا ئاڭا گەپ تۋپىپمۇ يۈرگەنسەن ،
لىكىن يەنە قوشنا بۇلۇپ ئۆتكەنسەن ،
قوشناڭ شۇ مەڭگۈگە، قىلمىغىن غەيۋەت .

ئوغرىنىڭ قوشنىسى مېلىڭنى چىڭ تۇت ،
سۆزلىمە ئۆزگىگە سىرىنى چىڭ تۇت ،
جاپاغا چىدىغىن بىلىڭنى چىڭ تۇت ،
ئوغرىغا قوشنىسەن ،قىلمىغىن غەيۋەت .

پارىخور دوستۇڭغا قىلما شىكايەت ،
نەئىلاج شۇ ئىشلار بولدى زۇرۇريەت ،
ئويلىساڭ بۇدۇنيا بىر چۈش قاباھەت ،
ۋە لىكىن ھەر كىمگە قىلمىغىن غەيۋەت .