رومكا بەندىسى
ئوغىلىمەن ئۇيغۇر دىگەننىڭ ،
« كىملىك » كىمگە يېزىقلىق شۇنداق .
مەن ئۇقمايمەن ھاراقتىن بۆلەك ،
ۋىجدان ، غۇرۇر بولىدۇ قانداق ؟
ئەتتىگەندە باشلايمەن ئىشنى ،
نىشانلىرىم قاۋاققا تامان .
شۇ قاۋاقتا شەيتان ئاكام بار ،
قۇچاق ئېچىپ چىللايدۇ ھامان .
ئېلى داچۈي ، شوربۇلاق لاۋجىياۋ
ئەزىز ماڭا ئەل - يۇرت دىگەندىن .
نىمە پايدا ئەلنى سۆيدۈم دەپ ،
كېچە - كۈندۈز غەملا يىگەندىن .
قۇيۇلغاندا ھاراق رومكىغا ،
رومكا ئىجىرە قىلىدۇ جىلۋە .
ئىچكەندىن كىيىن تۆتلا رومكىنى ،
بولۇپ قالىمىز ئاڭسىز بىر تەلۋە .
ئويغۇنىدۇ كەيىپچىلىكتە ،
بىزدە چىرىپ سېسىغان ۋىجدان .
مەن ئۇيغۇرنىڭ پەخرى شانى دەپ ،
قاۋاق ئىچىدە سۈرىمىز دەۋران .
ئايلىنىدۇ رومكا توختىماي ،
بىز سۆزلەيمىز مىللەت غۇرۇردىن .
بۇلغاپ تۇرۇپ مىللەت شانىنى ،
قىزارمايمىز ئىزا - نۇمۇستىن .
مەنبە :ماكانىم تورى
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
