ئۆتكەن ھەپتە ياپونىيەدە ئىغىر دەرىجىدە يەر تەۋرەپ يادرو رىئاكتورى بۇزغۇنچىلىققا ئۇچراپ نۇرغۇن كىشىلەر ھاياتىدىن ئايرىلدى ھەم نۇرغۇن كىشىلەرنىڭ سالامەتلىكى ھىيىم خەتەر ئىچىدە. مەن ئالدىنقى ھەپتە دۈشەنبە كۈنى تەجرىبىخانىغا كىلىپلا مەن بىلەن بىر تەجرىبىخانىدىكى دوكتور ئاشتى بولۇپ ئىشلەۋاتقان ياپونىيەلىك ئايالدىن ئائىلىسىدىكىلەرنىڭ ئەھۋالىنى ھەم كۆڭلۈمنىڭ شۇنچىلىك يىرىم بولىۋاتقانلىقىنى ئىيتتىم، باشقىلارمۇ كىلىپ ئۇ ئايالدىن ماڭا ئوخشاش سوئاللارنى سوراپ كىتىشتى. ئۇ ھەممىمىزگە كۆڭلىمىزنى يىرىم قىلماسلىقىمىزنى ياپونىيەنىڭ ھەممىنى ئوڭۇشلۇق تەرتىپكە سەلىپ كىتەلەيدىغانلىقىنى، ياپونىيەلىكلەرنىڭ بۇ قىيىنچىلىقلارنى يىڭىپ ھەممىنى باشتىن قۇرۇپ چىقالايدىغانلىقىغا تۇلۇق ئىشىنىدىغانلىقىنى ئىيتتى.ئۇ كۈنى بىزمۇ يىڭى خەۋەرلەرنى ئاڭلاپ تۇرىمىز دەپ رادىئونى ئىچىپ قويغانتۇق. رادىئودىن توختىماي بۇ توغرۇلۇق خەۋەرلەر بىرىلىۋاتاتتى. مەن ئۇ ئايالنى ئۇ كۈنى قولى ئىشقا بارمايدىغان بولدى(كۆڭلى يىرىم بولۇپ) دەپ ئويلىغانتىم. ئەكسىچە ئۇ پۈتۇن زىھنى بىلەن تەجرىبىسىنى ئىشلەپ، ھەتتا نەتىجىسىمۇ شۇنداق ياخشى چىقىپتۇ. ئۇ ئايالغا قاراپ مۇنداق بىر ھىكايە ئىسىمگە كىلىپ قالدى:

ئىككىنجى دۇنيا ئۇرۇشىدا ئامرىكىلىق بىر گېنىرال( ئېيزىنخاۋىرمىكى ئەيتاۋۇر ئۇنتۇپ قاپتىمەن) بىرلىننى بومباردىمان قىلىپ بولغاندىن كىيىن(ناتزىسلارغا قارشى جەڭ قىلىپ)، ئەتىسى قول ئاستىدىكىلەرگە“ نەچچە ۋاقىتتىن بىرى دۇنياغا پاتماي كەتكەن نىمىسلارنىڭ ھەيۋىسىنى بىر كۆرۈپ كىلەيلى“ دەپ خارابىلىققا ئايلىنىپ قالغان شەھەر ئىچىنى ئايلىنىپ بىر ئۆينىڭ ئالدىغا كىلىپ قاپتۇ، قارىسا بىر بوۋاي موماينىڭ ئۈچ بالىسى بومباردىماندا ھاياتىدىن ئايرىلغان ئىكەن، ئۇلار ئەمدى بۇ ئىككى بوۋاي موماي بالىلىرىڭ جەسىتىگە قاراپ ئۆزىنى يەرگە ئۇرۇپ زار زار يىغلايدىغان بولدى دەپ ئويلاپ تۇرسا بۇ بوۋاي موماي ئەكسىچە بۇلۇڭدا قىلىپ قالغان ئىككى تەشتەك گۈلىگە سۇ قۇيۇپ كۈن نۇرى چۈشىدىغان جايغا ئەكىلىپ قويۇپتۇ. بۇ گېنىرال بۇ كۆرۈنۈشنى كۆرۈپ قول ئاستىدىكىلەرگە“بىز خاتالىشىپتۇق، بۇ نىمىسلارنى ھەرگىزمۇ باش ئەگدۈرەلمىگىدەكمىز، بۇلار ئۇرۇشتىن كىيىن چوقۇم يەنە باش كۆتۈرۈپ چىققۇدەك“ دەپتۇ.

بۇ ھىكايە بىلەن بۇ كۆز ئالدىمدا بۇلۇپ ئۆتكەن كۆرۈنۈشتە بىر خىل ئورتاقلىق باردەك ھىس
قىلدىم. قىنى دوسلار قانداق قارايدىكىن؟


ئۇيغۇر ئوقۇغۇچىلار مۇنبىرى

باشقا  كەلگەندە  باتۇر   !  

بۇيى پاكار بولغان بىلەن كاللىسى بەك تەرەققى قىلغان كىشىلەردە بۇ

ئەينى چاغلاردا بىزنىڭمۇ شۇنداق بىر كۈنلىرىمىز بولغان