ئەمەلىيەتتە ئەر - ئاياللارنىڭ بەزى كېسەللەرگە ئاسان گىرىپتار بولۇش ۋە ساقىيىش نىسبىتى ۋە دورىغا چىدامچانلىقى جەھەتتە نۇرغۇن پەرقلەر بار.
  تېرە ئەرلەرنىڭ دۈمبە قىسمى ۋە كۆكرەك قىسمىدا تېرە راكىنىڭ پەيدا بولۇش نىسبىتى يۇقىرى. ئەمما، ئاياللارنىڭ بولسا، پاچاق قىسمىدا تېرە راكىنىڭ پەيدا بولۇش نىسبىتى يۇقىرى. سەۋەبى ئەر، ئاياللارنىڭ كۆرۈنۈپ تۇرىدىغان يەرلىرىنىڭ ئوخشىمىغانلىقىدا. 40 ياشتىن ئىلگىرى ئاياللاردا قارا پىگمېنت ئۆسمىسىنىڭ كۆرۈلۈش نىسبىتى يۇقىرى بولىدۇ. 40 ياشتىن كېيىن ئەرلەردە بۇ خىل كېسەلنىڭ كۆرۈلۈش نىسبىتى يۇقىرى بولىدۇ. ئۆپكە ئاياللارنىڭ ئۆپكىسى ئەرلەرنىڭكىدىن كىچىك، ئەمما سۈمۈرىدىغان ئىس - تۈتەكنىڭ قويۇقلۇقى چوڭ بولىدۇ. ئومۇمەن قىلىپ ئېيتقاندا ئەرلەر ئاسانلا سوزۇلما خاراكتېرلىك توسۇلۇش تىپلىق ئۆپكە كېسىلىگە گىرىپتار بولىدۇ. بۇ خىل كېسەلگە گىرىپتار بولغان ئەرلەر %2 نى، ئاياللار %1 نى ئىگىلەيدۇ. يۈرەك ئەرلەر ئاياللارغا قارىغاندا يۈرەك كېسىلىگە ئاسان گىرىپتار بولىدۇ. ئەمما، ئاياللاردا يۈرەك كېسىلى قوزغىلىشنىڭ زىيىنى چوڭ بولىدۇ.
   ئاڭلاش 40 ياشتىن ئىلگىرى ئەر، ئاياللارنىڭ ئاڭلاش ئىقتىدارىنىڭ زىيانغا ئۇچرىشى ئوخشاش بولىدۇ. ئەمما، 40 ياشتىن كېيىن كۆپ قىسىم ئەرلەرنىڭ ئاڭلاش ئىقتىدارى ئاياللارنىڭكىگە قارىغاندا ياخشى بولمايدۇ. ئۇيقۇ ئاياللارنىڭ ئۇيقۇسىزلىققا گىرىپتار بولۇش خەۋپى ئەرلەرنىڭكىدىن %20 يۇقىرى بولىدۇ.
  چوڭ مېڭە ئاياللارنىڭ چوڭ مېڭىسى ئەرلەرنىڭكىدىن كىچىك بولسىمۇ، ئەمما ھۆكۈم قىلىش، مىجەز ۋە ئەستە ساقلاش قاتارلىق پىسخىكىلىق جەريانلارنى كونترول قىلىش رايونىدا ھۈجەيرىلەر زىچ توپلاشقان بولىدۇ. ئەمما، ياشنىڭ چوڭىيىشىغا ئەگىشىپ، ئاياللارنىڭ بۇ رايوندىكى ھۈجەيرىلىرىنىڭ يوقىلىش سۈرئىتى ئەرلەرنىڭكىدىن تېز بولىدۇ. تەتقىقاتتا بايقىلىشىچە، 65 ياشتىن ئاشقان ياشانغان ئاياللارنىڭ خامۇشلۇق كېسىلىگە گىرىپتار بولۇش خەۋپى ئەرلەرنىڭكىدىن 2 ھەسسە يۇقىرى بولىدىكەن. ئوتتۇرىچە ئۆمرى ئەرلەرنىڭ ئوتتۇرىچە ئۆمرى ئاياللارنىڭكىدىن 3 يىل قىسقا. بۇنىڭ سەۋەبى توغرىسىدا ئالىملار ھازىرغا قەدەر توغرا جاۋابنى تاپالمىدى. ئەمما، تەتقىقاتچىلارنىڭ كۆرسىتىشىچە، ئاياللارنىڭ تېنىدە بىر خىل كۈچلۈك بولغان ئىممۇنىتېت سىستېمىسى بولۇپ، ياشانغاندا بەدەننى ئاسراش رولىنى ئوينايدىكەن.






كېلىش مەنبەسى: شىنجاڭ پەن-تېخنىكا گېزىتى

اللە ھەممە نەرسىنى ئۆزىگە مۇناسىپ شەكىلدە ھېكمەت بىلەن ياراتقان..........

قىزىق تىما بوپتۇغۇ بۇ...بۇنىڭغا بىر نىم دىمەك تەسمىكىن،ھەممىنى بىلگۇچى ئاللا!كىسەل بىرىدىغانمۇ ئاللا،كىسەلنى ساقايتىدىغانمۇ شۇ ئاللا!جاننى ئالدىغانمۇ يەنە شۇ قادىر ئاللا...
تىمىڭىزغا رەھمەت.

ئاياللارنىڭ بەرداشلىق بېرىش كۈچى سەل كۈچلۈك بولىدۇ.

  بولىدىغان تىمىكىەن

ئۇيغۇر ئاينىڭ ئىنكاسىغا كۈلگۈم كەلدى ۋە دىگىنى توغرا ...كېسەلنى ئاللاھ بېرىدۇ...

ئەرلەر سەل پەل ئاغرىپ قالسا بەك ئۇششۇق بولاپ كىتىدۇ.  يەنىلا ئايال كىشىنىڭ جېنى بەك چىڭ جۇما. ئاغرىپ قالسىمۇ تاماق ئىتىپ يولدىشى ھەم باللىرىنى كۈتىدۇ.  خوتۇن كىشىدە ئىتنىڭ جېنى بار دەپ بىكار ئېيىتمىغان كونىلار

راست دەيسىز يەنىلا ئەرلەرگە قارغاندا ئاياللار نىڭ جېنى بەك  كىلىدىكەن .........

تىمىڭىزغا رەھمەت