ئاياللار بايرىمى
كېلىپتۇ يەنە
بىلقىز سۇلايمان
پەسىللەر ئالمىشىپ
كەلگەندە باھار،
ئاياللار بايرىمى كېلىپتۇ يەنە.
نىگاھلار ئۆزگىچە،سالاملار تاتلىق،
ھەممىنىڭ چىھرىدە نۇر-زىيا ئەنە.
يېقىملىق سايراشتىن توختىماي يانفون،
ئېپ كەلدى دوستلاردىن بايراملىق ئۇچۇر.
بىر شېرىن ھېس بىلەن يايرىدى يۈرەك،
سۈردۈم شاد تەختىدە شاھانە ھوزۇر.
بىر تاتلىق ئەركىلەپ ئۇماق پەرزەنتىم:
«ئانىجان بايرىمىڭ
مۇبارەك»دېدى.
يېقىملىق تەبەسسۇم بىلەن نىگارىم:
«جانىجان بايرىمىڭ مۇبارەك دېدى».
بايراملار كۆپ بىزدە ھەر ئايدا بايرام،
ۋە لېكىن بۇ بايرام پەقەتلا بىزنىڭ.
ئىنسانلىق قەدرىنى قىلىپ نامايان ،
قەددىنى كۆتۈرگەن ئانا
ۋە قىزنىڭ.
ئوڭ قولۇم كۆكسۈمدە «سالام»دوستلىرىم،
شۇ نازۇك دىلىڭلار شادلىققا تولسۇن!
ئاياللىق مېھرىدىن تارىغان نۇرلار،
يۈرەكتىن يول ئېلىپ ئالەمگە تولسۇن!
2009.يىل27. فېۋىرال
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
