ئاچچىقسۇدىن كۆپ تەرەپلىمە پايدىلىنىش ئۇسۇللىرى
*سوغۇق سۇغا ئازراق ئاچچىقسۇ قوشۇپ ، ئۇنىڭغا توڭ گۆشنى چىلىسا ، توڭ گۆش تېز ئېرىيدۇ. توڭ بېلىقنى مۇشۇ ئۇسۇلدا ئېرىتسىمۇ بولىدۇ.
*بوغۇزلىغان توخۇ، غاز، ئۆردەك، كەپتەر قاتارلىقلارنى بىر چوڭ قوشۇق ئاچچىقسۇ قوشۇلغان قايناقسۇغا بىر نەچچە مىنۇت چىلىسا، ئۇلارنىڭ پەيلىرىنى تازىلاش ئاسان بولىدۇ.
*مۇچ قورىغاندا، ئازراق ئاچچىقسۇ قۇيۇۋەتسە، مۇچ ئاچچىق بولماي، مەززىلىك پىشىدۇ .
*ھەر كىلوگرام سۇغا 10 مىللىلېتىردىن ئاچچىقسۇ قويۇپ، بېلىقنى بىر نەچچە مىنۇت چىلاپ ئاندىن قاسرىقىنى قىرسا، قاسرىقى ئاسان تازىلىنىدۇ.
*تومۇز ئىسسىقتا بېلىقنى ئاچچىقسۇ قۇيۇلغان سۇغا چىلاپ قويسا، بېلىق بىر كچە – كۈندۈزدىمۇ بۇزۇلمايدۇ.
*شورپىغا ئازراق ئاچچىقسۇ قۇيۇپ ئىچسە، بەدەننىڭ كالتسىينى سۈمۈرۈشىگە پايدىسى بولىدۇ.
*تۇخۇم پىشۇرغاندا سۇغا بىر نەچچە تېمىم ئاچچىقسۇ تېمىتىۋەتسە، تۇخۇم يېرىلماي پىشىدۇ.
*گاڭپەن دۈملىگەندە، بىر نەچچە تېمىم ئاچچىقسۇ تېمىتىپ دۈملىسە، گۈرۈچ ئاپئاق، تىرىك ھەم مەززىلىك پىشىدۇ.
*كۆكتات يۇغاندا كۆكتات يۇغان سۇغا بىر نەچچە تېمىم ئاچچىقسۇ تېمىتىۋەتسە، كۆكتات يوپۇرمىقىدىكى قۇرۇتلارنى يوقىتىپ، تازىلاش ئاسان بولىدۇ.
*يېڭى گۆشنى ئاچچىقسۇغا چىلانغان رەختكە ئوراپ ساقلىغىلى بولىدۇ.
*كالا گۆشى پىشۇرغاندا، ھەر كىلوگرام سۇغا بىر – ئىككى چوڭ قوشۇق ئاچچىقسۇ قۇيۇپ قايناتقاندا، كالا گۆشى ھەم مەززىلىك، ھەم يۇمشاق پىشىدۇ.
*ئاقلانغان بەرەڭگىنى سوغۇق سۇغا چىلىغاندا، ئازراق ئاچچىقسۇ تېپىتىۋەتسە، بەرەنگىنىڭ رەڭگى ئۆزگەرمەيدۇ.
*پوشكال، بوغۇرساق سالغاندا خېمىرغا ئازراق ئاچچىقسۇ قۇيۇۋەتسە، يېيىشلىك بولىدۇ.
*كۆكتات قورۇغاندا ئازراق ئاچچىقسۇ قۇيۇۋەتسە، ۋىتامىن C نىڭ ئىسراپ بولۇشىنىڭ ئالدىنى ئالغىلى بولىدۇ.
*پىدىگەن قورۇغاندا ئازراق ئاچچىقسۇ قۇيۇۋەتسە، قارىيىۋالماي كۆركەم پىشىدۇ.
*بېلىق پىشۇرغاندا ئازراق ئاچچىقسۇ تېمىتىۋەتسە، بېلىقنىڭ غەيرىي پۇرىقىنى يوقىتىدۇ.
*ئاچچىقسۇ قۇيۇپ مور يۇغان سۇدا داستىخان، لۆڭگىلەرنى يېنىك ئۇۋىلاپ يۇسا كىرى ئاسان چىقىدۇ.
*لەغمەن پىشۇرغاندا سۈيىگە ئازراق ئاچچىقسۇ تېمىتىپ قايناتقاندا، چۆپ تىرىك ھەم ئاپئاق پىشىپ، يېيىشلىك بولىدۇ

بۇ تېما  بۇرۇن يولىنىپ بولغان

شۇنداقدەك تۇردۇ !

ئىلگىرلەپ قاپتۇ دەپ چۈشىنەيلى ماقۇلمۇ !!!!

مەن بۇرۇن كۆرمەپتىمەن كەن رەھمەت سىزگە .ياىشى پايدىلىق تىمىكەن.

كۆرمىگەنلەر كۆرىۋالدۇق مانا ، رەھمەت........

    

ئاچچىقسۇغا خام يەر ياڭىقىنى 3كۈن چىلاپ قويۇپ  ،كۈندە بىر نەچچە تال يەپ بەرسە قان بېسىمنى چۈشۈرۈشكە ياردىمى بولىدۇ..........