ھەپتىدە بىر قېتىم بېلىق يەپ بەرسە كۆز تورلاشمايدۇ
بېلىق يېيىشنىڭ پايدىلىق ئىكەنلىكى ھەممىمىزگە مەلۇم ، مەسىلەن : بېلىق يېسە يۈرەك قان تومۇرلىرىنى ئاسرايدۇ. ئەقلىي ئىقتىدارنىڭ يېتىلىشىنى ئىلگىرى سۈرىدۇ ، ۋاھاكازالار . ھازىر ئامېرىكىدا ئېلىپ بېرىلغان ئەڭ يېڭى تەتقىقاتتا بېلىق يېگەندە كۆزنىڭ زەئىپلىشىشىنىڭ ئالدىنى ئالغىلى بولدىغانلىقى بايقالدى .
يېقىندا نەشىردىن چىققان ‹‹ كۆز ئىلمى ›› ژۇرنىلىدا ئېلان قىلىنغان يېڭى تەتقىقات نەتىجىسىگە قارىغاندا ، ھەپتىدە بىر قېتىم ياغلىق بېلىق يەپ بەرسە ياشانغانلارنىڭ سېرىق داغ كېسىلىگە گىرىپتار بولۇش خەۋپى ئازىيىپ ، ياشانغانلارنىڭ كۆرۈش ئىقتىدارىنىڭ تېز ئاجىزلىشىشىنىڭ ئۈنۈملۈك ئالدىنى ئالغىلى بولىدىكەن .
ئامېرىكا جونس خوپكىنس ئۇنىۋېرسىتېتىتىنىڭ تەتقىقاتچىلىرى 65 ياشتىن 84 ياشقىچە بولغان 2520 كىشىنىڭ كۆزى ، يېمەك – ئىچمىكىنى تەكشۈرۈش ۋە ماتېرىياللارنى تەھلىل قىلىش ئارقىلىق ، ھەپتىدە بىر قېتىم ياغلىق بېلىق يېگەنلەرنىڭ ياشانغاندا سېرىق داغ كېسىلىگە گىرىپتار بولۇش نىسبىتىنىڭ ھەپتىدە بىر قېتىم بېلىق يېمەيدىغانلارغا قارىغاندا % 60 تۆۋەن بولىدىغانلىقىنى بايقىغان . مۇتەخەسسىسلەرنىڭ ئېيتىشىچە ، بۇنىڭدا ياغلىق بېلىق تەركىبىدىكى مول ئومېگا –3 ياغ كىسلاتاسى قوغداش رولىنى ئوينىشى مۇمكىن ئىكەن . كۆپ ئۇچرايدىغان ياغلىق بېلىقلاردىن سالمون بېلىقى ، كۆك چىپار بېلىق ۋە تونا بېلىقى قاتارلىقلار بار .

مەنمۇ كىچىك بىلىقنى تاڭ قىلىپ ئىچكىلى بەك ئامراق..سىز دىگەن سالمۇن بېلىقى،كۆك چىپار بىلىقى،تۇنا بىلىقى دىگەنلەر رايۇنىمىشدىن تىپىلامدۇ؟!

ياخشى  تىمىكەن بۇ

رەخمەت سىزگە سىز بىلەن تۇنۇشقانلقمدىن تۇلمۇ خۇرسەنمەن   

مەنمۇ بىلقنى بەك ياختۇرۇپ يەيمەن لكىن سىز دىگەن بېلىقنى كۇرۇپ باقمىغان