بىللە قويۇشقا بولمايدىغان يېمەكلىكلەر
يېڭى تۇخۇم بىلەن زەنجىۋىل، باش پىيازنى بىللە قويۇشقا بولمايدۇ. زەنجىۋىل، باش پىيازدا كۈچلۈك پۇراق بولۇپ، بۇنداق پۇراق يېڭى تۇخۇم شاكىلىدىكى كىچىك ھاۋا تۆشۈكچىلىرى ئارقىلىق تۇخۇمغا كىرىدۇ، ۋاقىت ئۇزارغانسېرى ئوڭايلا تۇخۇمنىڭ سۈپىتى ئۆزگىرىپ قالىدۇ.
شوخلا بىلەن تەرخەمەكنى بىللە قويۇشقا بولمايدۇ. تەرخەمەك ئېتىلېندىن پەرھىز تۇتىدۇ، ئەمما شوخلا تەركىبىدە ئېتىلېن بار، ئىككىسىنى بىللە قويۇپ قويغاندا، تەرخەمەك سۈپىتىنىڭ ئۆزگىرىشىنى تېزلىتىۋېتىدۇ.
ئالما بىلەن نەشپۈتنى بىللە قويۇشقا بولمايدۇ. ئالما ساقلاشنىڭ ئەڭ مۇۋاپىق تېمپېراتۇرىسى 5 بولۇپ، تېمپېراتۇرا بەك يۇقىرى بولۇپ كەتسە ئالمىدىكى ئوزۇقلۇق ماددىلار ئاسان سەرپ بولۇپ كېتىدۇ؛ نەشپۈت ساقلاشنىڭ ئەڭ مۇۋاپىق تېمپېراتۇرىسى 12 ~ 10 قىچە بولىدۇ، ئەگەر تېمپېراتۇرا 8 تىن تۆۋەن بولۇپ قالسا، نەشپۈتتىكى نەملىك سىرتقا چىقىپ كېتىپ، ئاسان سېسىپ قالىدۇ. ئالما بىلەن نەشپۈتنى ساقلاش تېمپېراتۇرىسى ئوخشىمىغانلىقتىن ئۇلارنى بىللە ساقلاشقا بولمايدۇ.
بولكا بىلەن پىرەنىكنى بىللە ساقلاشقا بولمايدۇ. بولكىدا سۇ تەركىبى كۆپرەك بولىدۇ، پىرەنىك قۇرۇق ھەم چۈرۈك بولىدۇ، ئەگەر ئىككىسىنى بىللە قويۇپ قويغاندا، بولكا قېتىپ، پىرەنىك يۇمشاپ قېلىپ، ھەر ئىككىسى تەمىنى يوقىتىدۇ، شۇڭا ئۇلارنى ئايرىپ قويۇش كېرەك.
بەرەنگى بىلەن تاتلىق بەرەنگىنى بىللە ساقلاشقا بولمايدۇ. بەرەنگىنى ساقلاش تېمپېراتۇرىسى 4 ~ 2 قىچە بولسا بولىدۇ، تېمپېراتۇرا يۇقىرى بولۇپ كەتسە بەرەنگى يۇمشاپ، بىخلىنىپ قالىدۇ؛ تاتلىق بەرەنگىنى ساقلاش تېمپېراتۇرىسى 15 ~ 10 قىچە بولسا بولىدۇ، ئەگەر تېمپېراتۇرا 9 تىن تۆۋەن بولسا تاتلىق بەرەنگىنىڭ سۈپىتى ئۆزگىرىپ قالىدۇ، شۇڭا ئۇلارنى بىللە قويۇشقا بولمايدۇ.

تۇرمۇشىمىزدا  بىلىۋېلىشقا  تېگىشلىك   ساۋاتلاركەن  ،  رەھمەت  سىزگە ،  مۇشۇ تېمىلارنى  يوللىغىچە  خىزمەت  قىلغان  بارماقلىرىڭىز  ھەرگىز  دەرت  تارتمىسۇن !

تۇرمۇشتا بىلىۋېلىشقا تىگىشلىك ياخشى تېمىكەن، مۇشۇنداق ياخشى تېمىلىرىڭزنى مۇنبەردىن ئايىمىغايسىز.  

دىققەت  قىلشقا  تىگىشلىك ئىشلار  ئىكەن  .  سىزگە  كۆپ  رەھمەت  .   بۇنداق  تىملارنى  تېخمۇ  كۆپ  يوللاپ  بىزنىڭ  يېشىل  تۇرمۇشمىزغا   يېشىل  چىراق يېقىپ  بەرگەيسىز !!!!       

تۇرمۇشىمىزغا پايدىلىق بىلىمكەن ............

       كوپ رەخمەت