مەن 1981-يىلى 8-ئايدا يەكەن ناھىيە تومئۆستەڭ يىزىسدا تۇغۇلغان. 2000-يىلى 7-ئايدا تولۇق ئوتتۇرا مەكتەپنى پۈتتۈردۈم. 2002-يىلى 7-ئايغىچە شىنجاڭ كەسپىي ئۇنۋىرسىتىتى ئوتتۇرا تىخنىكوم بۆلۈمىدە (يۇنۇس ھەمدۇللا مۇئەللىمنىڭ يىتەكچىلىكىدە) ئاشپەزلىك تۈرى كەسى بويىچە ئەلا نەتىجە بىلەن ئوقودۇم. مەكتەپ پۈتتۈرگەندىن كىيىن رىستۇران، تېز تاماقخانا قاتارلىق يىمەك-ئىچمەك ئورۇنلىرىدا داۋاملىق ئۆگىنىشنى ئاساس قىلدىم. 2003-يىلى ئانا مەكتىۋىمنىڭ ئورۇنلاشتۇرىشى بىلەن ئاپتونوم رايون بويىچە كوللىكتىپلار ئارا ئۆتكۈزۈلگەن ئاشپەزلىك مۇسابىقىسىگە قاتنىشىپ، ياخشى نەتىجىگە ئىرىشىپ، ئانا مەكتەپكە ۋە يۇرتۇمغا شان-شەرەپ كەلتۈردۈم. يىمەك-ئىچمەك سورۇنلىرىدا ئىشلەش جەريانىدا كەسىپتە ئىقتىدارلىق ئۇستاملارنى ئۆزىگە ئۇستاز تۇتۇپ، كەسىپتە كامىل تەربىيلىنىپ يىتىشىپ چىقتىم. 2005-يىلى ئۈرۈمچىدىن ئانا يۇرتۇم يەكەنگە قايتىپ كىلىپ كاتتا رىستۇرانلاردا چوڭ ئۇستا بولۇپ ئىشلىدىم. كۈندۈزلىرى جاپالىق ئىشلەپ سەي قورۇسام، ئىشتىن چۈشكەندىن كىيىن ماتىرىيال كۆرۈپ ئۆزۈم دۇچ كەلگەن مەسىلىلەرنى ھەل قىلدىم. شۇ ئارقىلىق سەي(قورما ) تاماقلارنىڭ سۈپىتىنى يۇقىرى كۆتۈردۈم.
2005-يىلى 12-ئاينىڭ 15-كۈنى قەشقەر ۋىلايىتى بويىچە ئۆتكۈزۈلگەن ئاشپەزلىك مۇسابىقىدە ياخشى نەتىجگە ئىرىشىپ ئۆزۈمگە ۋە يۇرتۇم يەكەنگە شان-شەرەپ كەلتۈردۈم. 2006-يىلى 4-ئايدا مۇناسىۋەتلىك ئورۇنلارنىڭ تەستىقلاپ قوللىشى بىلەن يەكەن« ئۇدۇم» ئاشپەز تەربىيلەش مەركىزىنى قۇرۇپ، ناھىينىڭ ئىقتىساس ئىگىلىرىنى تەربىيلەش ۋە ئىشقا ئورۇنلاشتۇرۇش جەھەتتە زور تۆھپىلەرنڭ قوشتۇم.2006-يىلى 8-ئايدا قەشقەر ۋىلايەتلىك كادىرلار ئىدارىسىنىڭ تەشكىللىشى بىلەن تەربىيلىنىپ، ئاپتونوم رايونلۇق ئاشپەزلىك كەسپي تۈرىدە «ئالىي دەرىجىلىك كەسپىي ماھارەت باھالىغۇچى»ۋە«نازارەتچىلىك ئۇنۋانى» ئىرىشتىم. 2008-يىلى 2-ئايدا ئىگىلىك تىكلەش كەسپى دەرسلىكى بويىچە (SYB)--(IYB)تۈرى بويىچە دىرىكتور تەربىيلىنىشتە تەربىيلەنگەن.
  مەن بىر نەچچە يىل تىرىشىش ئارقىلىق كەڭ ئۇيغۇر ئاشپەزلىرى ۋە ئۆگەنگۈچىلەرنىڭ دەرىجە ئىماھانى ۋە ماھارەت مۇسابىقىسى قاتارلىق مۇسابىقە، ئىمتاھان خاراكتىرلىك پائالىيەتلەرگە قاتناشقاندا نەزەرىيە جەھەتتىن پايدىلىنىش ھەم نەزەرىيە ئىمتاھان ئۈچۈن   «ئۇيغۇر ئاشپەزلىك نەزەرىيە ئوقۇشلۇقى»دىگەن كىتابنى يىزىپ پۈتتۈردۈم. قەشقەر ئۇيغۇر نەشىرىياتى تەرىپىدىن بىسىپ چىقىرىلدى
جەمىيئەتنىڭ كۈنسىرى تەرەققىي قىلىشغا ئەگىشىپ، جەمىيئەتنىڭ ئىشسىزلىق بىسىمىنى ئازايتىش ھەم قابىلىيەتلىك ياشلارنى ئىشقا ئورۇنلشتۇرۇش مەقسىتىدە 2010 -يىلى 12-ئايدا تەربىيلەش ئىشقا ئورۇنلاشتۇرۇش، سودا بىر گەۋدىلەشكەن «يەكەن ئۇدۇم سودا چەكلىك شىركىتى»نى قۇرۇپ ،شىركەتنىڭ باش دىرىكتورى ھەم «يەكەن ئۇدۇم ئاشپەزلىك تەربىيلەش مەركىزى» نىڭ مەسئۇلى بولۇپ تۇرىۋاتىمەن.
تېلېفون :13565394444     چ چ:1610737115

خوتەن گە كىلىڭ ئۇنداق بولسا بىر مۇڭ دىشايلى