باشقۇرۇش ئەسكەرىتمىسى :

بۇ يازمىنى شاھيار خىزمەت ۋە خىزمەتچى ئۇچۇرلىرى دىن بۇ سەھىپىگە يۆتكەپ كەلدى(2009-04-01)

ئەقىللىق بىر خوتۇن قىزىنى ئەرگە بەرگەندىن كىيىن مۇنداق نەسىھەت قىلغانىكەن :
ئەي قىزىم ! بۇگۇندىن باشلاپ بىزنىڭ قولىمىزدىن كەتتىڭ ، باشقا بىر ئادەمگە يارۇ-يولداش بولدۇڭ ،سەن ئۇچۇن بەخىت-ئامەت تىلىگۇچى ئاناڭ تەرپىدىن سۆزلەنگەن ئۇشبۇ نەسىھەتلەرنى مەھكەم ئېسىڭدە تۇتقايسەن  ۋە مۇمكىن بولغاندا پايدىلىنارسەن .
قىزىم ، ئېرىڭ دۇنيا سەپىرىدە ئۆزىگە يولداش ، قايغۇدا بىللە قايغۇرغۇچى ، شادلىقتا بىرگە شادلانغۇچى يولداش بولۇش ئۇمىدى بىلەن سىنى قوبۇل قىلدى ، ئۇنىڭ ئۇمىدىنى يەردە قويمىغايسەن ، ئۇ ھەر ۋاقىت سەندىن رازى بولۇپ ياشىسۇن .
قىزىم تىز كۇنلەردە ئائىلە قۇرۇشقا كىرىشىسەن ، ئائىلە قۇرۇشتا ئىيتىبارغا ئىلىشقا كىرەك بولغان نۇرغۇن نەرسىلەر بار  . ئىرىڭنىڭ يىقىنلىرىنى ، بولۇپمۇ قىينىئاناڭ ، قىينىئاتاڭنى ھۆرمەت قىل . ئۇلارنى ئۆز ئاناڭ ،ئۆز ئاتاڭدەك كۆر . ئۇلارنىڭ بالىلىرىنى تۇققانلىرىڭ ھىسابلا ، قىيئانا ، قىيناتاڭنىڭ نەسىھەتلىرىگە ئەمەل قىل. مۇشۇ يىڭى تۇققانلىرىڭىزنىڭ مىجەز-خۇلقىنى بىلىۋال ۋە شۇنىڭغا قاراپ مۇئامىلە قىل . ئۇلار بىلەن يامانلىشىپ قىلىشتىن ساقلان ، بۇنىڭ ئىغىرلىقى ئىرىڭنىڭ ئۇستىگە چۇشىدۇ . سەندىن ئۆتسە يىقىنلىرىڭنىڭ كۆڭلىدە قالار ، ئۇنىڭدىن ئۆتسە سەندىن قىزغىنار . بۇنىڭ قايغۇسى بىلەن ئىرىڭ تاماقتىن قالار ۋە ئاخىر كىسەل بولۇپ قالار . ئەرلەر ئۆز كەسپىنى ياخشى قىلىش ئۇچۇن كۆڭلىنىڭ شاد ، تىنىچ بولىشىغا مۇھتاجدۇر ،ئائىلىسىدە ئازراق قايغۇ بولسا ئۇلارنىڭ كەسپىگە تەسىز يىتەر .
قىزىم ئىرىڭدىن ھىچقانداق سىرىڭنى يوشۇرما ، ئىرىڭدىن بىرىگە سىرىڭنى ئىيتما . باشقىلارنىڭ ئالدىدا ئىرىڭگە قارشى گەپ قىلما . چىرايىڭنى تۇرمە . ئەرلەر خوتۇنلىرى تەرەپتىن بولغان ئەڭ زور كەمچىللىكنى كەچۇرەلەيدۇ ، ئەمما  باشقىلارنىڭ ئالدىدا ئازراقلا نەرسىنىمۇ ئىچىگە سىغدۇرالمايدۇ ، بۇ ئۇلارنىڭ تەبىئىيتىگە خىلاپ  ئىشتۇر ، شۇنىڭ ئۇچۇن بۇ ھەقتە ئۇلار ئەيىپلىك ئەمەس . ئەگەر يارىماس ئادىتى بولسا ،ئۇنى تۇزۇتىش ئۇچۇن كۆڭلىنى ئاغرىتماستىن ئىش تۇت .
قىزىم ئىرىڭ ياقتۇرمىغان ئىشلاردىن ، كۆڭلىگە كىلىدىغان ئادەتتىن يىراق بول ، ئۇنىڭ غەزىپىنى كەلتۇردىغان ئىشلارنى قىلما ، ئېرىڭنىڭ مىلىنى ئاسراپ تۇت ، ئىسراپ قىلما .
قىزىم ئۆيۇڭ تەرتىپلىك ، ھەر نەرسە ئۆز جايىدا بولسۇن . بالىلىرىڭنى ئېرىڭگە ئامراق ، ئېرىڭنى بالىلىرىڭلارغا كۆيۇمچان قىلىشقا تىرىش . ئاتىلارنىڭ بالىلار بىلەن ئۆزىنى خوش قىلىشى ئۇلار بىلەن بولىشىغا مۇناسىۋەتلىك . بالىلارنى سۆيىدىغان ئەرلەر كۆپ ھاللاردا ئىنساپلىق بولىدۇ ۋە بالىلىرى بىلەن ئۆزىنى خۇشال قىلىپ باشقا مۇناسىۋەتسىز نەرسىلەرگە كۆز سالمايدۇ .
قىزىم ، بۇ ئىيتقان سۆزلىرىمنى بەجا كەلتۇرۇش ئەقىللىق ، تەدبىرلىك خوتۇنلار ئۇچۇن ئىغىر ئىشلاردىن ئەمەس  ، ئەقىللىق خوتۇنلار كۇشلۇكلەر كۇچى بىلەن قىلالمىغان ئىشىنى ئەقىلگە تايىنىپ قىلالايدۇ .
قىزىم ، بەزى ۋاقىتلاردا ئەرلەر خوتۇنلىرىغا نىسبەتەن تۆۋەن كۆرۇش خاھىشىدا بولىدۇ ، دەل شۇ چاغدا مۇشۇ ۋاقىتنى پۇرسەت  بىلىپ ئۇنىڭ توغرا بولمىغان ئەيىپلىرى ھەققىدە ئازراق سۆزلە .
قىزىم ، ئائىلەڭ ھەر ۋاقىت نىممەت ئەمەستۇر ، بەزى چاغلاردا زەھىرى ، تىكىنى ، نەيزىللىرى ھەم بولىدۇ . ئېرىڭ بولغان ئاراڭغا سوغۇقچىلىپ چۇشسە ئىغىر-بىسىقلىق بىلەن سۆزلە . قىزىرىشما ، چىرايىڭنى ھەم ئاۋازىڭنى ئۆزگەرتمە ،ھۆرمەت قىل . ئۇ ھەر قانچە ئاچچىلانسىمۇ قارشى سۆز قىلما ، ئەڭ ياخشىسى خوتۇن ئەرلەرنىڭ ئالدىدا ئۆزىنى ئەركىن تۇتۇپ ، ئاچچىقىغا ھاي بەرگەن خوتۇندۇر .
قىزىم ، بالاڭ بولسا ئۇلارنىڭ تىنىنى ئاسرا ، مەكتەپكە بارغۇچە ئەقلى جەھەتتىن تەربىيە قىل ، ياخشى قىلىقلارغا ئادەتلەندۇر
مەنبە:شىفايى قەلب تورى.

ۋاھ ئەگەر شىرىن بىلەن تويىمىزنى قىلىپ قالساق قىيىنئاپاممۇ شۇنداق گەپ سۆزلەرنى قىلغۇدەكتە شىرىن ئەقىللىق بولغاندىن كىيىن ھە قاچان قىيىنئاپام مۇ خىلى زىرەك ئايال agھە راس شىرىن قىيىنئاپام قانداق ئايال بىر كۆرۆپ باقسام بولاتتى ھەرەمباققا چىللايلى بولمىسا شۇ ۋاقىتتا ئۆزىنى بىر تونۇشتۇرۇپ بەرسىمۇ بوپتىكەن