ئەسكەرتىش: بۇ يازما kirawus دىن تور ئەسەرلىرى غا يۆتكەلدى(2011-01-16)

تورخانا نىسپەتەن ئوموملاشقان چوڭ-كىچىك شەھەر ۋە ناھىيە بازارلىرىدا بىر قىسىم بالىلار مەكتەپكە باردىم ، ئۇنداق ئىش بىلەن كەچ قالدىم ...  دىگەندەك باھانىلەر بىلەن ئاتا-ئانىلىرىنى ئالداپ، تورخانىغا ئۆگىنىپ قالماقتا. ئويۇن ئويناشتىن باشقا، بالىلىق يېشىدا بىلىشكە تىگىشلىك بولمىغاننى بىلىپ، كۆرىشكە تىگەىشلىك بولمىغاننى كۆرۈپ، چۈشكۈنلۈك كوچىسىغا، بۇزۇقچىلىق پاتقىقىغا كىرىشكە ئىنتىلمەكتە. توردا ئاللىكىملەرگە سۆيگۈ ئىزھار قىلىشىپ، روھى جەھەتتە قالايماقان، شېرىن خىياللارنى سۈرۈشمەكتە. ئۆزى بالا تۇرۇپ بوۋاي، قىز تۇرۇپ موماي بولماقتا. توردا كۆرگەن قىلىقسىزلىقلارنى دورىشىپ، جىنسىيەت سودىسى ھېسىيات سودىسى قىلىشماقتا. بۇ، بالىلارنى روھى زىناخورلۇققا،قىمارۋازلىققا، شاللاقلىق يولىغا باشلايدىغان ئىش، خالاس. بۇ يۇلغا كىرسە ئۇلارنىڭ قۇلىقىغا نە دەرس كىرسۇن؟ نە تاپشۇرۇق ئىشلەش، ئۆگىنىش قىلىش خىيالىغا كەلسۇن؟ مەسھۇلىيەت ئېڭى، بۇرۇچ تۇيغۇسى، ئىنسانى سالاھىيەت قانداق يىتىلسۇن؟ بۇنداق داۋاملاشسا، ئوغۇللارنىڭ يۈرىكى بىھۇدە زەئىپلىشىدۇ، نورمال پىسخىكىسى بۇزىلىدۇ، يېشى كىچىك تۇرۇپ روھى قېرىيدۇ، يىگىتلىك ھېس- تۇيغۇسى سېسىيدۇ... قىزلارمۇ ئاسانلا شاللاقلىقنى يۇقتۇرىۋالىدۇ ...
   ئەلۋەتتە، بىزنىڭ مەزمونى ساغلام، بىلىم-ئۇچۇر تارقىتىش قۇۋىتى يىتەرلىك بىرمۇنچە ئۇيغۇر تور بىكەتلىرىمىز بار ئىكەن، لېكىن بىر قىسىم شەخىسلەر،ئاللىقانداق كىشىلەر ئۆزى تەسىس قىلىۋالغان تور بىكەتلەرمۇ بار ئىكەن. بەزىلىرى كەچكىچە ئۆزىنى ماختىشىپ داۋراڭ قىلىشىدىكەن، بەزىلىرى غەيۋەت- شىكايەت،پىتنە-پاسات تارقىتىشنىمۇ قولدىن بەرمەيدىكەن. بىراۋلارنى تىللاپ سېسىتىشنى ھۈنەر قىلىۋالغان سالاھىيىتى نامەلۇم كىشىلەرمۇ بولىدىكەن ... ئش قىلىپ، ئۇنى باشقۇرماق ئاسان بولمىغاچقا، ئايرىم نىيىتى نا دۇرۇس كىشىلەر مۇشۇ يۇچۇقتىن ئەپچىللىك بىلەن پايدىلىنىپ، ئۆز مەخسەتلىرىنى ئەمەلگە ئاشۇرالايدىكەن ... بۇمۇ بىر خىل ئىسراپچىلىق،ياخشى نەرسىنى يامان ئىشقا ئىشلىتىشتىن بۇلۇپ ھىساپلىنىدۇ. بۇ يەردە تەكىتلىمەكچى بولغىنىمىز : دۇنيانىڭ ھەر بىر چېتىنى (شەرىق، غەرىپ ئەللىرىنى، تۈرلۈك ئېرىق، مىللەتلەرنى) بىر سىمغا ئۇلاپ تۇتاشتۇرۇپ، زامان، ماكان ئۇقۇمىدىن ھالقىپ كەتكەن، نېمىنى ئىزدىسە خالىغانچە تاپقىلى، كۆرگىلى بولىدىغان ئىنتىرنىت تورى دىن ئىبارەت بۇ قۇرالدىن ياخشى پايدىلىنىش مەسىلىسى؛ ئائىلە، مەكتەپ، جەمىيەت بىرلىكتە ھەركەتلىنىپ، بالىلارنى توغرا يىتەكلەش، ساغلام، ئىلمى، زامانىۋى ئاڭغا ئىگە قىلىش ۋە زىيانلىق نەرسىلەردىن توسۇش مەسىلىسى . مۇشۇنداق قىلىشقا كاپالەتلىك قىلالىساق، توردىكى ئىسراپچىلىقتىن، ئۇنىڭ بىھۇدە زىيانكەشلىكىدىن ساقلىنىپ قالالايمىز؛ ئىنتىرنىت تورىنى بىزگە ئەسقاتىدىغان، بىزگە ھەر ۋاقىت ياردەم بېرەلەيدىغان، ئۆگىنىش، خىزمەت، تۇرمۇشىمىزغا، كىشىلىك مۇناسىۋەتكە يۈكسىلىش بەخىش ئېتەلەيدىغان مۇھىم ياردەمچىگە ئايلاندۇرالايمىز.

[ بۇ يازماarchaتەرپىدىن2011-01-17 00:40دە قايتا تەھر ]