مېڭىسىنى ھەددىدىن زىيادە ئىشلىتىدىغانلار بانان يېيىشى كېرەك . مېڭىنى ھەددىدىن زىيادە ئىشلەتكەنلەرنىڭ چوڭ مېڭىسى چارچاپ ، كەيپىياتى چۈشكۈنلىشىپ كېتىدۇ . بۇنداق چاغدا بانان يەپ بەرگەندە مېڭىگە كېرەكلىك ئوزۇقلۇق ماددىلارنى تولۇقلىغىلى ھەم پاسسىپ كەيپىياتنى پەسەيتكىلى بولىدۇ .

كۆزنى ھەددىدىن زىيادە ئىشلىتىدىغانلار كۇلى بېھىسىنى ئىستېمال قىلىشى كېرەك . كومپيۇتېر ۋە تېلېۋىزور ئېكرانىغا ئۇزاققىچە تىكىلپ تۇرغاندا كۆز ئاسان قۇرغاقلىشىپ كېتىدۇ ، ئاغرىيدۇ ۋە نۇردىن قاچىدىغان بولۇپ قالىدۇ . بۇنداق چاغدا ۋىتامىن Aمول بولغان كۇلى بېھىسىنى ئىستېمال قىلىش كېرەك .
چىش مىلىكى قانىغاندا مايمۇن شاپتۇلىنى يېيىش كېرەك . ۋىتامىن Cكەمچىل بولغانلارنىڭ چىش مىلىكى ئاسان قانايدۇ ، ئىششىيدۇ ھەتتا بوشاپ كېتىدۇ . مايمۇن شاپتۇلىدا ۋىتامىن Cنىڭ مىقدارى مول بولغاچقا ، ئۇ چىش مىلىكىنىڭ ساغلام بولۇشىغا كۆپ پايدىلىق .
ئۇزاققىچە تاماكا چەككەنلەر ئۈزۈم يېيىشى كېرەك . ئۈزۈمدىكى ئۈنۈملۈك تەركىبلەر ھۈجەيرىنىڭ مېتابولىزىم بولۇش نىسبىتىنى ئۆستۈرۈپ ، ئۆپكىنىڭ توكسىن چىقىرىشىغا ياردەم بېرىدۇ . بۇنىڭدىن سىرت ، ئۈزۈمنىڭ بەلغەمنى يوقىتىش رولى بولۇپ ، تاماكا چېكىش سەۋەبىدىن بولغان بىئاراملىقنى پەسەيتىدۇ .
مۇسكۇل سوزۇلۇپ كەتكەندە ئاناناس يېيىش كېرەك . مۇسكۇللار سوزۇلۇپ كەتكەندە توقۇلمىلار ياللۇغلىنىپ ، قان ئايلىنىش راۋان بولماي ، يارىلانغان يەر قىزىرىپ ئىششىپ ئاغرىيدۇ . ئاناناس تەركىبىدىكى ئاقسىل فېرمېنتىنىڭ ياللۇغ قايتۇرۇش رولى بولۇپ ، ئۇ توقۇلمىلارنى تېز ئەسلىگە كەلتۈرۈشتىن سىرت ، ئىششىقنى تېز ياندۇرىدۇ .
ئوكسىگېن بىلەن تەمىنلەش يېتەرلىك بولمىغاندا گىلاس يېيىش كېرەك . نۇرغۇن ئەھۋالدا ئاسان چارچاش قاندا تۆمۈر تەركىبى ئازلاپ كېتىش ، ئوكسىگېن يېتىشمەسلىك ۋە قان ئايلىنىش راۋان بولماسلىق بىلەن مۇناسىۋەتلىك بولىدۇ . گىلاسنى ئىستېمال قىلغاندا تۆمۈر ماددىسىنى تولۇقلىغىلى بولىدۇ . گىلاستىكى مول ۋىتامىن Cماددىسى يەنە تەننىڭ تۆمۈر ماددىسىنى قۇبۇل قىلىشىنى تېزلىتىپ ، تۆمۈر ماددىسىنىڭ ئازلاپ كېتىشىنىڭ ئالدىنى ئالىدۇ ھەم قان ئايلىنىشنى ياخشىلاپ ، ھارغىنلىقنى تۈگىتىدۇ .

كۇلى بېھىسى دىگەن قانداق مىۋە؟؟؟

مەنمۇ يەپ باقمىدىمغۇ؟كەچۇرۇڭ...

مەن شۇنى سۇراي دەپ تۇرسام،،،،،،،،،،،،،،،،،،،،،،،،،،،،،،،       

بۇمۇ يا

بىلىۋېلىشقا تىگىىشلىككەن ،  رەھمەت

دوختۇرلۇق جەھەتتىكى بىلىملەرگىمۇ ئاز-تولا ئگەبولدۇق مانا   رەھمەت سىزگە، ھارمىغايسىز