پەن   -  تېخنىكا  ئۇچقاندەك راۋاجلىنىپ  ،  تېبابەتچىلىك ئىلىمي  مىسلىسىز زور مۇۋاپىقىيەت قازانغان  ،  دىئاگنوز   -  داۋالاش تېخنىكىسى  غايەت زور كامالەتكە يېتىپ  كېسەل داۋالايدىغان  ،  ئۆمۈرنى ئۇزارتىپ  ،  ساقلىقنى ساقلايدىغان  ھەر خىل دورىلار تۈركۈملەپ  ئىشلەپچىقىرىلىۋاتقان  21  - ئەسىردە   «  ئوزۇقلۇق بىلەن داۋالاش    »   تىن  ئىبارەت  بۇ  «  ئىپتىدائي تېبابەتچىلىك  »   خاسىيەتلىك ئەڭگۈشتەر  سۈپتىدە ئۆز رولىنى يوقاتقىنى يوق  .   دەل ئەكسىچە  ،
ئاسان تېپىلدىغان  ،  ئاددىيلىقى  ، ئىشلىتىشكە  ئەپلىكلىكى  ، بەدەنگە زىيانسىزلىقى  ،  تەسىرىنىڭ مۇقىم ھەم روشەنلىكى  بىلەن يەنىلا زور ئىلمىيلىككە  ،  كۈچلۈك ئاممىۋىلىققا ۋە نۇرغۇن ئەۋزەللىككە ئىگە  .   شۇ سەۋەپتىن غەرب تېبابەتچىلىكى زور كامالەت تېپىپ  ، ھازىرقى زامان دورىلىرى  ھەممە يەرگە يامراپ كەتكەن تەقدىردىمۇ  ، نۇرغۇن كىشىلەر كېسەل داۋالاش ،  ساقلىقنى ساقلاش  ،  ئوزۇقلۇق بىلەن داۋالاشقا  بارغانسېرى قىزىقماقتا  .   تۆۋەندە  ،  كۇندىلىك تۇرمۇشىمىزدا ،   بىزگە كۆپ ئۇچىرايدىغان بىر قىسىم كېسەللىكلەرنىڭ ئەڭ ئاددى داۋالاش  رېتسىپلىرىنى  ، مۇنبەرداشلارنىڭ ھوزۇرىغا  سۇنماقچىمەن  :

                                                                            زۇكام    
                                                                    
                                                                       سەۋزە شورپىسى
ماتېرىياللار  :   سەۋزە مۇۋاپىق مىقداردا ئېلىنىدۇ  .  
تەييارلىنىشى  :    سەۋزىنى پاكىز يۇيۇپ ،  مۇۋاپىق چوڭلىقتا توغراپ  ، سۇدا قاينېتىپ  ،  شورپا تەييارلىنىپ قىززىق ئىچىلىدۇ  .  
تەسىرى  :     سەۋزىنىڭ تەرلىتىش رولى بار  . زۇكامدىن بولغان توڭلاپ تىتىرەش ، تەرلىيەلمەسلىك قاتارلىقلارغا  مەنپەئەت  قىلىدۇ  .

                                                                      ئاقمۇچ سۇيۇقئېشى

ماتېرياللار  :  بىز نورمالدا ئائىلىدە ئېتىپ ئىچىدىغان سۇيۇقئاش  ،   ئاقمۇچ تالقىنى ،  سۇڭپىياز ئېقى مۇۋاپىق مىقداردا ئېلىنىدۇ .
تەييارلىنىشى :  سۇيۇقئاشقا مۇۋاپىق مىقداردا ئاقمۇچ تالقىنى ، سۇڭپىياز ئېقىنى چاناپ ،  ئارلاشتۇرۇپ ،  قىززىق ئىچىپ ،  ئاندىن قېلىن يوتقان يېپىنىپ  تەرلەنسە
كېسەل ساقىيدۇ .

                                                                           قىزىتما

                                                                      ماش شورپىسى

ماتېرىياللار :  يېشىل پۇرچاق 100  گرام  ،   قارا شېكەر 25 گرام ئېلىنىدۇ  .
تەييارلىنىشى :  يېشىل پۇرچاق قازاندا يۇمشاق ئېزىلگىچە قاينىتىلىدۇ  .  ئاندىن سۇس ئوتتا بوش قاينىتىلىپ ، سۈيى ئازىراق قويۇلغاندىن كېيىن ،  قارا شېكەر ئارلاشتۇرۇپ ئىچىلىدۇ .
تەسىرى  :  بالىلاردىكى قىزىتمىدىن بولغان ئەسۋە ،  ئىسسىق ئۆتۇشكە مەنپەئەت قىلىدۇ . يازنىڭ ئىسسىق كۇنلىرى ئىچۈرۈلسە ، ئۇسسۇزلىقنى پەسەيتىپ ، قىزىتمىنى چۇشۇرىدۇ . بئاراملىقنى تۇگىتىدۇ  .

                                                                   قارىئۆرۈك شىرنىسى  

ماتېرىياللار :  قارىئۆرۈك  ، ئاق شېكەر مۇۋاپىق مىقداردا ئېلىنىدۇ .
تەييارلىنىشى  :  قارىئۆرۈككە  مۇۋاپىق مىقداردا سۇ قوشۇپ ،  قاينىتىپ ، ئاق شېكەر سېلىپ ،  شىرنە تەييارلاپ ئىچىلىدۇ .
تەسىرى ؛  تومۇز كۈنلىرى چاينىڭ ئورنىدا ئىچسىڭىز ، ئۇسسۇزلىقنى پەسەيتىدۇ . بەدەننى قۇۋەتلەيدۇ .

                                                                        يۆتەل

                                                                 تاتلىق دۇفۇ
ماتېرىياللار : دۇفۇ 500  گرام ،  قارا  - ئاق شېكەر ھەر بىرسىدىن 100  گرامدىن ئېلىنىدۇ  .  
تەييارلىنىشى :  دۇفۇنىڭ ئوتتۇرسىدىن بىر تۆشۈك ئېچىپ ،  ئىچىگە قارا  ھەم ئاق شېكەرنى قاچىلاپ  ،  بىر چىنىگە  سېلىپ ، قازانغا سۇ قۇيۇپ ، چىنىنى قويۇپ ،
30  مېنۇت قاينىتىپ ،  بىر قېتىمدا ئېستىمال قىلىنىدۇ .  ئۇدا 4 قېتىم ئېستىمال قىلىش كېرەك .
تەسىرى :   قىزىتما پەسەيتىدۇ . بىئاراملىقنى باسىدۇ ،  يۆتەل ، بەلغەم  ، دېمى سىقىلىشقا مەنپەئەت قىلىدۇ .

                                                               جىگەر قورۇمىسى

ماتېرىياللار :   قوي جىگىرى  60 گرام ، كۈنجۈت مېيى 30 گرام ، تۇز مۇۋاپىق مىقداردا  .
تەييارلىنىشى :  قوي جىگىرىنى يالپاقلاپ توغراپ ،  قازانغا كۈنجۈت مېيى قۇيۇپ ، بوۋىراق چۈچۈتۈپ ، جىگەر ، تۇز بىلەن قورىغاندىن كېيىن  ئېستىمال قىلىنىدۇ .
تەسىرى :   ئۆپكىنى ياشارتىپ ،  يۆتەل توختىتىدۇ . ئۇزاققا سوزۇلغان جاھىل يۆتەلگە پايدا قىلىدۇ .

                                                           ئاشقازان ئاغرىش ،  قوساق ئاغرىش

                                                                 مۇرەككەپ  ياڭيۇ شورپىسى  
ماتېرىياللار :   ياڭيۇ 100  گرام ، ھۆل زەنجىۋىل  10 گرام ،  يېڭى ئاپېلىسىن شىرنىسى 100  مىللىلىتىر  ئېلىنىدۇ .
تەييارلىنىشى :   ياڭيۇ بىلەن زەنجىۋىلنى سىقىپ ، شىرنە چىقىرىلىدۇ .  ئاندىن ئاپېلىسىن شىرنىسىنى قوشۇپ ،  ئارلاشتۇرۇپ ، كۈندە 30 مىللىلىتىر ،  ئۈچ قېتىمغا بۆلۈپ ،  ئىسسىتىپ ئىچىلىدۇ .
تەسىرى ؛  بەدەندە قۇۋۋەت پەيدا قىلىپ ،  ئاغرىق توختىتىدۇ . قوساق ئاغرىش ، نېرۋا خاراكتېرلىك ئاشقازان ئاغرىقى ، كۆڭلى ئاينىپ قۇسۇش ، ئاشقازاننىڭ سوغۇقتىن كۆپۈپ ئاغرىش قاتارلىقلارغا پايدا قىلىدۇ .
                                                              
                                                          





                                                                                                                                                      


  

كەچكىچە دوا ئىچىشقىلام ئېسلىۋالماي مۇشۇنداق يىمەكلىك ئارقىلىق داۋالانسىمۇ بەك ياخشى، كىسەلمۇ ساقىيىدۇ بەدەنگىمۇ قۇۋۋەت بولىدۇ . كۆپ رەھمەت.......... بەك پايدىلىق ئۈگۈتلەركەن

رەھمەت سىزگە پايدىلىق تىما ئىكەن،

راس  دەيسىلەر
رەىمەت سىزگە سەۋسەبىن

دۇرىغا  كۈنۈپقالسىڭىز  ئىش  چاتاق  ،  بۇ تەبىي  دۇرىلاركەن  

اللاھ رەھمەت قىلسۇن.

رەخمەت .راس بۇ ئۇسۇللار بەك ئۇنۇملۇك.مەن سىناپ باققان.

يىمەكلىك ئارقىلىق كىسەل داۋالاشنىڭ ئۇنۇمى دورىلاردىن ياخشى.ئەكىس تەسىرى يوق.

داۋائى مىزاج دەيمىزمىكىن بۇنى ئۇيغۇر تىبابىتىدە....

بۇنى ئۇيغۇر تىبابىتىدە دەۋائىي مىزاج دەيمىزمىكىن.........