ئېغىر يارىلانغان بىر ئەسكەر جەڭ مەيدانىدىن قايتىپ كەپتۇ،لېكىن ئۇنى كۈتۈۋالغىنى جەڭ مەيدانىدىكىدىنمۇ شەپقەتسىز رىياللىق بوپتۇ.ئۇنىڭ ئۆي-ماكانى ۋەيران بولغان،ئايالى باشقا بىرىنىڭ كەينىدىن كېتىپ قالغانىدى.ئۇنىڭ يىغلىغۇسى كەپتۇ،لېكىن ئۆزىنىڭ ئەسكەر ئىكەنلىكىنى ئويلاپ ،كۆز يېشىنى مەجبورىي سىڭدۇرۋېتىپتۇ.كۆپچىلىك :«يىگىت كۆزىدىن ئاسانلىقچە ياش ئاققۇزمايدۇ،ئۇ ھەقىقەتەن قەھرىمان ئىكەن»،دەپ ئۇنى ماختىشىپتۇ.
بىر كۈنى بۇ ئەسكەر پادىشاھنىڭ قىزى ئۈچۈن جانبازلىق ماھارىتى ئارقىلىق كۈيئوغۇل تاللاش پائالىيىتىگە قاتنىشىپتۇ ۋە ھەممە رەقىبلىرىنى يېڭىپ چېمپىيون بوپتۇ،لېكىن ئۇ بۇ جەرياندا يەنە ئېغىر يارلىنىپتۇ،شۇنداقتىمۇ چىشىنى چىشلەپ بىر تېمىممۇ ياش ئاققۇزماپتۇ.ئۇ مەلىكىنىڭ ئالدىغا باشلاپ كىرىلگەندە،يارىسىدىن تېخىچە قان ئېقىۋاتقان ئىكەن.كىشىلەر مەلىكىنى ئۇنى چوقۇم تاللايدۇ،دەپ ئويلاپتىكەن،بىراق مەلىكە ئۇنى قۇبۇل قىلماپتۇ ۋە:
-يىغلاشنىمۇ بىلمەيدىغان ئادەمنى ئۆزۈمگە ئەر قىلىپ تاللىسام قانداق بولىدۇ؟-دەپتۇ.
ئەسكەر ئۇنىڭغا:
-يىغلاش ئاجىزلارنىڭ ئىشى،ھەقىقىي ئەزىمەت ئەزەلدىن ياش تۆكمەيدۇ،-دەپتۇ.
-خاتالاشتىڭىز ،-دەپتۇ مەلىكە،-پەقەت قەيسەر كىشىلەرلا يىغلاشنى بىلىدۇ،ئاتالمىش «ئاجىزلىق»ئۇنىڭ قەلبىدىكى ئەڭ پاك،ئەڭ گۈزەل بۆلەكلەرنى قوغداپ قالىدۇ.يىغلىماسلىقىڭىز قەيسەر ۋە خوشال ئىكەنلىكنى بىلدۇرمەيدۇ،دەل ئەكسىچە ،ئاللىقاچان زەئىپلەشكەنلىكىڭىز ۋە ھېچنىمىنى سەزمەس بولۇپ قالغانلىقىڭىزنى ،يەنە سىزنىڭ ھەقىقىي ئەزىمەت ئەمەس،بەلكى توخو يۈرەك ئىكەنلىكىڭىزنى چۈشەندۈرىدۇ.ئۆزى ئۈچۈن ياش تۆكۈشنى بىلمىگەن ئادەم باشقىلار ئۈچۈنمۇ ياش تۆكمەيدۇ؛ئازاب ئۈچۈن يىغلىمىغان ئادەم بەخت ئۈچۈنمۇ يىغلىمايدۇ.يىغلاشنىمۇ بىلمەيدىغان ئادەمنىڭ سوغۇققان ھايۋادىن نىمە پەرقى بولسۇن؟

ئەنگەردىن: قېنى دوستلار تەپەككۈرۈڭلارنى قاناتلاندۇرۇپ سىلەرمۇ ئويلىنىپ بېقىڭلار! سىلەرچە يىگىتنىڭ قىلغىنى توغرىمۇ؟مەلىكىنىڭ دىگىنىچۈ؟

«تۇرپان گېزىتى»دىن كۆچىرىلدى.
پەتتارجان مۇھەممەت تـەرجىمە قىلغان

مىنىڭ كىدە پىننىچە ئارلاش چىقىۋالدىغۇ.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مىنىڭچە مەلىكىنىڭ دېگىنى توغرا، يىغلايدىغان ۋاقىتتا يىغلاش كېرەك. ئۇنداق يىغلىماي ھەممە دەرتنى ئىچىگە يۇتۇپ يۈرىۋەرسە ئادەم تىز تۈگىشىپ كېتىدۇ. مۇھەببەت- نەپرەت ئىنىق بولىشى كېرەك،

مېنىڭچە مەلىكىنىڭ گېپىنىڭمۇ ئاساسى بار .ئەر دىگەنلىك ھەرگىزمۇ تاش ،تۆمۈر،ياغاچ دىگەنلىك ئەمەس.ئەرلەرمۇ بىر ھېسياتچان ئىنسان.توغرا ئەرلەرنىڭ كۆپىنچىسى يۇرىكىدە يىغلايدۇ.ئۇلارنىڭ كۆزىدىن ئاققىنى كۆپىنچە ھەرگىز ياش ئەمەس بەلكى قان بولىدۇ. لېكىن يىغىنىڭ مەنىسى خىلمۇ -خىل بولىدۇ ،بەزىلەر ئانا ۋەتىنىڭنىڭ ۋەيرانلىقىدىن،ئۆز خەلقىنىڭ  خارۇ-زارلىقىدىن يىغلايدۇ ،بۇ چاغدا ھەرقانداق بىر ھەقىقىي ئەركەكنىڭ يۈرىكىدىنلا ئەمەس ،كۆزىدىنمۇ ياشلار توكىلىدۇ ،بۇ چاغدىكى ياشنىڭ رەڭگى قىزىل بولىدۇ.ئاتا-ئانىسىدىن،ئۇرۇق تۇققانلىرىدىن،قۇۋۇم-قېرىنداشلىرىدىن ئايرىلسىمۇ يىغلايدۇ.بۇ چاغدىكى ياش ۋاپا-ساداقەت،مېھىر -مۇھەببەت ياشلىرى بىلەن بىرگە پۇشايمان ياشلىرى بولىشىمۇ مومكىن.ئەركەكلەر بەختكە،سۆيگىنىنىڭ ۋىسالىغا ئېرىشكەندىمۇ يىغلايدۇ بۇ چاغدىكى ياش ئېنىقكى خوشاللىق بەخت ياشلىرى بولىدۇ.ھەقىقىي ئەركەك رەقىبلىرىنىڭ ،ۋاپاسىز سۆيگىنىنىڭ،تۇرلۇك تۈمەن تەڭسىزلىكلەرنىڭ ئالدىدا  ياش توكمەيدۇ.ۋەتىنىنى،مىللىتىنى ،خەلقىنى ئائىلىسىنى ،قېرىنداشلىرىنى قۇتقۇزۇش يولىدا قۇربان بولۇشقا رازىكىن ھەرگىز ياش تۆكمەيدۇ.قىسقىسى ئەرلەرمۇ ئىنسان بولغانلىقىدىن شاتلىق بىلەن قايغۇنى بىلگۈچىلەردۇر،ئۇلارمۇ ياش تۆكىدۇ ،ھەتتا ئۇلارنىڭ كۆز يېشى ئاياللارنىڭ كۆز يېشىدىنمۇ ئۆتە كىشى قەلبىنى لەززىگە سالالايدۇ.

يىغلىسا بارلىق غەملەر چىكىتىدۇ

مەن مىغۇ بەزەن تازا ئاچچىقىم كەلگەندە يىغلاپ ئاچچىقىمنى چىقىرۋالىمەن.

تىمىڭىزغا كوپ رەھمەت...بەكمۇ ياخشى ئەسەركەن...مىنىڭچە بۇ جاھاندا يىغلىمايدىغان.كۆز يىشى تۆكمەيدىغان ئىنسان بولمىسا كىرەك...

توغرا دەيسىز. كۆزيېشى تۆكمەي دىغان كىم بار.

مەنچە كۈلىدىغان ۋاقىتتا كۈلۈش ، يىغلايدىغان ۋاقىتتا يىغلاش كېرەك. بۇ خاسلا ئادەملەردە بۇلىدىغان بىر خىل ئادىمىيلىك ئىپادە. بۇنداق ئىپادىلەرنى ئادەملەردىن باشقا جانلىقلار بولسۇن ياكى جانسىزلار بولسۇن تاپقىلى بولمىسا كېرەك . شۇڭا، مەنچىمۇ مەلىكىنىڭ دىگەن سۆزلىرىنىڭ ئاساسى يوق دىيىشكە بولمايدۇ.