باشقۇرۇش ئەسكەرىتمىسى :

بۇ يازمىنى ئاشپەز ساياھەت رايۇنى،مېھمانخانا، رىستۇران،تىز تاماقخانىلار دىن بۇ سەھىپىگە يۆتكەپ كەلدى(2011-06-17)

‹‹ ئاشپۇزۇل دېرىكتورىنىڭ ئىش ئورنى خىزمەت مەسئۇلىيىتى››
1. كارخانا  باشلىقىنىڭ رەھبەرلىگىدە،پۈتۈن ئاشپۇزۇلنىڭ تىجارىتى ۋە كۈندىلىك باشقۇرۇلىشىغا قوماندانلىق قىلىدۇ، كارخانا باشلىقىنىڭ خىزمەت تىجارەت مەخسىدى ۋە پىكىرىگە ئەمەل قىلىدۇ، ھەرخىل خىزمەت پىلانى ۋە ئورۇنلاشتۇرۇشنى ئەمەلىلەشتۈرۈدۇ، ھەرخىل خىزمەت ۋەزىپىلىرىنى دەل ۋاختىدا ۋە سۈپەتلىك ئورۇنلاشتۇرىدۇ، تەشەببۇسكارلىق بىلەن ۋاختى-ۋاختىدا كارخانا رەھبەرلىكىگە خىزمەت دوكلاتى بېرىدۇ.
2.  ئىشچى-خىىىىزمەتچىلەرنىڭ سىياسى ئۈگۈنىشى ۋە كەسپى تېخنىكا ئۈگۈنىشىگە مەسئۇل بولىدۇ، ئىشچى-خىىىىزمەتچىلەرنىڭ بىخەتەر ئىشلەپ چىقىرىشىغا كاپالەتلىك قىلىپ، ئاشپۇزۇلنىڭ بارلىق قائىدە-تۈزۈملىرىگە قاتتىق بوي سۇنۇپ، مۇلازىمەت ئېڭنى ئۆستۈرۈشكە؛ يىمەك-ئىشمەك سۈپۈتىنى ئۆستۈرۈپ، ‹‹ يىمەكلىك تازىلىق قانۇنى›› غا قاتتىق ئەمەل قىلىپ، يىمەكلىكتىن زەھەرنىنىشنىڭ ئالدىنى ئېلىشقا كاپالەتلىك قىلىش؛ ئىستىمالچىلارنىڭ پىكىرىگە تەشەببۇسكارلىق ۋە ئەستايىدىل قۇلاق سېلىپ، يېڭ قورۇما –تاماق تۈرلىرىنى ئېچىش، سۈپەتنى ئۆستۈرۈش قاتارلىق خىزمەتلەرگە مەسئۇل بولىدۇ.
3.  ئىشچى-خىزمەتچىلەرنىڭ قابىلىيىتىگە قاراپ ئىش تەخسىم قىلىش، ئىش مىقدارىغا  ۋە  ئۈنۈمىگە قاراپ ھەق بېرىش تۈزۈمىدە چىڭ تۇرۇپ، مەخسۇس ئورۇنغا مەخسۇس ئادەمنى مەسئۇل قىلىپ؛ ئادەم، مال، ماددى بۇيۇملاردىن دەل جايىدا پايدىلىنىپ  ۋە ئۈنۈملۈك باشقۇرۇپ، ئىشچى-خىزمەتچىلەرنىڭ ئاكتىپچانلىقىنى ئۆستۈرۈپ،ئۇلارنى ئۆز خىزمىتىنى ياخشى ئىشلىشىگە كاپالەتلىك قىلىش.
4.  بازار ئەھۋالىنى چۈشۈنۈپ، ئېقتىسادى پايدا- زىياننى ئىگەللەپ، خىزمەتلەرنى ئورۇنلاشتۇرۇش، تەكشۈرۈش، ئەمىلىلەشتۈرۈشتە؛ ئىسراپچىلىقنىڭ ئالدىنى ئېلىش، تەننەرقىنى تۆۋەنلىتىش، ئېنىرگىيەنى تىجەشتە چىڭ تۇرۇش؛ بولۇپمۇ بىخەتەرلىك، تازىلىق، يوقلىما، كىرىم چىقىم، نەقپۇل رەسمىيەتلىرى جەھەتلەردە قاتتىق ئۆلچەملەشكەن بولۇش. مەسىلە كۆرۈلسە ۋاختىدا  ھەم مۇۋاپىق بىرتەرەپ قىلىش.
5.  ئىشچى-خىزمەتچىلەرنىڭ ياتاق، تاماق، ۋە كۈندىلىك تۇرمۇشىغا كۆڭۈل بۆلۈش، قەرەرلىك تەكشۈرۈپ تۇرۇش، مەسىلىلەرنى ۋاختىدا بىرتەرەپ قىلىش.  ئۇلارنىڭ ئىسمىنا تۇرۇش،دەم ئېلىش ئىشلىرىنى ئورۇنلاشتۇرۇش.
6.  ئىىزمەتتە مەسئۇلىيەتچان، ئەستايىدىل، ھققانىي، ئىتتىپاق بولۇش. كۈندە يوقلىما قىلىش، ھەپتىدە نۆۋەت يىغىنى ئېچىش، ئايدا چوڭ يىغىن ئېچىپ  باھالاش ئېلىپ بېرىش.
7.  كارخانا رەھبەرلىكىنىڭ تىجارەت كۆلىمى، تەرەققىيات نىشانى، ئورۇنلاشتۇرۇشلىرىنى تەھلىل قىلىپ، دەل ۋاختىدا  ھەقىقەتەن ياخشى بولغان تىجارەت تەدبىرلىرىنى تۈزۈپ چىقىشقا مەسئۇل بولۇش.  
‹‹ ئاشپەزلەر باشلىقىنىڭ ئىش ئورنى خىزمەت مەسئۇلىيىتى ››

1. ئاشپۇزۇل دېرىكتورىنىڭ رەھبەرلىكىگە ۋە ئورۇنلاشتۇرىشىغا قەتئى بوي سۇنۇپ، ئاشخانا خىزمەتچىلىرى ۋە شاگىرتلارنىڭ سىياسى ئىدىيە ۋە كەسپى تېخنىكا ئۈگۈنىشىگە؛ كۈندىلىك يوقلىما، ئايلىق باھالاشقا مەسئۇل بولىدۇ.
2.    ئاشخانا خادىملىرىنىڭ ئالاھىدىلىكى ۋە قابىلىيىتىگە قاراو ئىش تەخسىم قىلىپ، ئىتتىپاقنى ياخشىلاپ، ماسلىشىشنى كۈچەيتىپ، سۈپەتكە كاپالەتلىك قىلىپ، ئىش ئۈنۈمىنى يۇقۇرى كۆتۈرۈشكە مەسئۇل بولىدۇ.
3.    ئاشخانىنىڭ ئوت ئاپىتىنىڭ ئالدىنى ئېلىپ، بىخەتەر ئىشلەپ چىقىرىش؛ قورۇما-تاماقنىڭ رەڭگى، تەمى، سۈپۈتى، مىقدار-ئۆلچىمى، ۋە شۇنىڭدەك چىقىش سۈرئىتىگە كاپالەتلىك قىلىدۇ.
4.    تاماق ماتىرىياللىرىنى تەكشۈرۈپ ئۆتكۈزۈۋېلىش، ئۆلچەپ تارقىتىش، ھىساپ-ئۆلچەم بويىچە ئىشلىتىش؛ ئىسراپچىلىقنىڭ ئالدىنى ئېلىپ، ماتىرىيال ۋە ئېنىرگىيەنى تىجەپ، ئاشخانا تەننەرقىنى تۆۋەنلىتىشكە مەسئۇل بولىدۇ.
5.     دۆلەتنىڭ  ‹‹ يىمەكلىك قانۇنى ››نى قاتتىق ئىجرا قىلىپ، يىمەكلىكتىن زەھەرلىنىشنىڭ ئالدىنى ئېلىش؛ قاچا-قۇچا ۋە سايمانلارنىڭ دېزىنفىكسىيە قىلىنىش سۈپۈتى، ئىشچى-خىزمەتچىلەرنىڭ شەخسى تازىلىقى، ئۈسكۈنە-سايمانلارنىڭ تازىلىقى، موھىت تازىلىقلىرىنى قەرەرسىز تەكشۈرۈپ تۇرۇشنى چىڭ تۇتۇش، ھەم ئۆلچەمگە يەتكۈزۈش. ھەپتىدە چوڭ تازىلىق قىلىشنى چىڭ تۇتۇش.
6.    بازار ئۇچۇرىنى ياخشى ئىگەللەپ، قورۇما-تاماق تۈرىنى يېڭىلاشتا، ئايدا كىچىك ئۆزگەرتىش، پەسىلدە چوڭ ئۆزگەرتىشكە مەسئۇل بولۇش.
7.    ئىشچى-خىزمەتچىلەرنىڭ ئاشغانا ئۈسكۈنىلىرىنى ئاىراپ ئىشلىتىشىكە، رېمۇنت قىلدۇرۇشقا؛ ئوت، توك، سۇ، گاز، ئوچاق قاتارلىقلارنى ئىشلىتىشتە مەشغۇلات قائىدىسىگە قاتتىق ئەمەل قىلىشقا، مەسىلە تۇغۇلۇشنىڭ ئالدىنى ئېلىشقا مەسئۇل بولىدۇ.
8.    ئىشچى-خىزمەتچىلەرنىڭ تۇرمۇشىغا كۆڭۈل بۆلۈپ، ئۇلارنىڭ پىكىر-تەلەپلىرىگە قۇلاق سېلىپ،  مەسىلىلەرنى توغرا ۋە ئادىل بىر تەرەپ قىلىش؛ ۋاختى-ۋاختىدا يۇقۇرىغا خىزمەت دوكلاتى بېرىش؛ ئاشپۇزۇل تىجارىتىنى روناق تاپقۇزۇش  ئۈچۈن، ياخشى پىلان ۋە تەدبىرلەرنى قوللۇنىش تەكلىۋى بېرىش مەسئۇلىيىتى بار.

‹‹ ئاشپەزلەرنىڭ ئىش ئورنى خىزمەت مەسئۇلىيىتى ››

1.    ئاشپەزلەر باشلىقىنىڭ رەخبەرلىكىەە ۋە ئورۇنلاشتۇرۇشىغا قەتئى بپي سۇنۇش؛ سىياسى ئىدىيەسى دۇرۇس بولۇش، دۆلەتنىڭ قانۇن – بەلەىلىمىلىرى ۋە ئاشپۇزۇلنىڭ قائىدە تۈزۈملىرىگە ئەمەل  قىلىش؛خىزمەت ئورنىدىن رۇخسەتسىز ئايرىلماسلىق. خىلاپلىق قىلسا، كېلىپ چىققان بارلىق  ئاقىۋەتلەرگە ئۆزى ئىگە بولۇش.  
2.    ئۆز خىزمىتىنىڭ ھۆددىسىدىن ياخزى چىقىپ، ماسلىشىشنى كۈچەيتىپ، سۈپەتكە كاپالەتلىك قىلىپ، ئىش ئۈنۈمىنى يۇقۇرى كۆتۈرۈشكە مەسئۇل بولۇش.
3.    ئاشخانىنىڭ ئوت ئاپىتىنىڭ ئالدىنى ئېلىپ، بىخەتەر ئىشلەپ چىقىرىش؛ قورۇما-تاماقلارنىڭ رەڭگى، تەمى، سۈپۈتى، مىقدار ئۆلچىمى، چىقىش تېزلىگى قاتارلىقلارغا كاپالەتلىك قىلىش.
4.    ماتىرىياللارنى تەكشۈرۈپ ئۆتكۈزۈۋېلىش، ئۆلچەملىك ئىشلىتىش؛ ئىسراپچىلىقنىڭ ئالدىنى ئېلىپ، ماتىرىيال ۋە ئېنىرگىيەنى تىجەپ، ئاشخانا تەننەرقىنى تۆۋەنلىتىشكە مەسئۇل بولۇش.
5.    دۆلەتنىڭ ‹‹ يىمەكلىك قانۇنى››نى قاتتىق ئىقرا قىلىپ، يىمەكلىكتىن زەھەرلىنىشنىڭ ئالدىنى ئېلىش؛ سەخسى تازىلىق، ئۆز خىزمەت دائىرىسىدىكى ئۈسكۈنە-سايمان تازىلىقى ۋە موھىت تازىلىقلىرىنى كۈندىلىك، ھەر ۋاقىت ياخشى ئىشلەش ھەم ئۆلچەمگە يەتكۈزۈش، ھەپتىدە چوڭ تازىلىق قىلىشنى چىڭ تۇتۇش.
6.    بازار ئۇچۇرىنى ياخشى ئىگەللەپ، قورۇما-تامەق تۈرىنى يېڭىلاشتا ئايدا كىچىكئۆزگەرتىش، پەسىلدە چوڭ ئۆزگەرتىشكە مەسئۇل بولۇش.
7.    ئۆزى ۋە ئىشچى- خىزمەتچىلەرنىڭ ئاشخانا ئۈسكۈنىلىرىنى ئاسىراپ ئىشلىتىشكە، رېمۇنت قىلدۇرۇشقا؛ ئوت، توك، سۇ، گاز قاتارلىقلارنى ئىشلىتىشتە مەشغۇلات قائىدىسىگە قاتتىق ئەمەل قىلىشقا، مەسىلە تۇغۇلۇشنىڭ ئالدىنى ئېلىشقا مەسئۇل بولىدۇ. ۋاتى- ۋاختىدا يۇقۇرىغا خىزمەت دوكلاتى بېرىش، ئاشپۇزۇل تىجارىتىنى ياخشىلاش ئۈچۈن ياخشى پىلان ۋە تەدبىرلەرنى بېرىش مەسئۇلىتى بولىدۇ.

‹‹ مۇلازىمەت يېتەكچىسىنىڭ ئىش ئورى خىزمەت مەسئۇلىيىتى ››.

1.     دېرىكتورنىڭ قوماندانلىقىغا قەتئى بوي سۇنۇش، مەسئۇلىيەتچانلىق بىلەن دادىل، تەلەپكە لايىق، ئۆلچەملىك، قائىدىلىك ھالدا مۇلازىمەتكە يېتەكچىلىك قىلىش ۋە مۇلازىمەت ۋەزىپىسىنى ئورۇنلاش.
2.    مەسئۇل بولغان دائىرىسىنىڭ يوقلىمىسى، تازىلىقى، ئۈسكۈنە باشقۇرۇشى، بىخەتەر ئىشلەپ چىقىرىشىغا كالالەتلىك قىلىش.
3.    ئاشپەزلەر باشلىقىغا ماسلىشىپ، زىياپەتنىڭ خارەكتىرى، ئۆلچىمى، ئاساسى مېھماننىڭ تۇرمۇش ئادىتى ۋە تەلىۋىگە ئاساسەن، قورۇما-تاماق تىزىملىكىنى تۈزۈش ۋە شىرە تىزىش قاتارلىق تەييارلىق خىزمەتلەرنى ياخشى ئىشلەش.
4.    ئەمەلىيەتكە چۆكۈش، مۇلازىمەتكە ئۆزى قول سېلىش، موھىم مېھماننى كۈتۈشكە ئۆزى ماسئۇل بولۇش، قورۇما-تاماقنىڭ تىزىملىكى، ئۆلچىمى، باھاسى ۋە ئالاھىدىلىكلىرى قاتارلىقلارنى پىششىق بىلىش.
5.    ئۆز خىزمىتىدىن ۋاختى-ۋاختىدا دېرىكتورغا دوكلات بېرىش، كۈندىلىك خىزمەتنى ئالدىن پىلانلاش، ئورۇنلاشتۇرۇش، خىزمەتتىن كېيىن ۋاختىدا خۇلاسە چىقىرىش.
6.    خىزمەتتە ئادىل بپلۇش، ئىشچى –خىزمەتچىلەرنىڭ ئىتتىپاقىنى ياخشىلاش، كەسپىي تېخنىكىسىنى تەربىلەش ۋە ئۆستۈرۈش، ئايلىق باھالاش ئېلىپ بېرىش ئىشلىرىغا مەسئۇل بولۇش.


‹‹ئاشپۇزۇل مۇلازىمەتچىلىرىنىڭ ئىش ئورنى خىزمەت مەسئۇلىيىتى ››

1.    سىياسى ئىدىيەسى دۇرۇس بولۇش،دۆلەتنىڭ قانۇ-بەلگىلىمىلىرى ۋە ئاشپۇزۇلنىڭ قائىدە-تۈزۈملىرىگە قاتتىق ئەمەل قەلەش.
2.    مۇلازىمەت يېتەكچىسىنىڭ قوماندانلىقىغا ۋە خىزمەت تەخسىماتىغا قەتئى بوي سۇنۇش، يخشى مۇلازىمەت پوزىتسىيىسى تۇرغۇزۇش؛ خېرىردارلارغا ئىللىق ۋە سەۋرىچانلىق بىلەن مۇئامىلە قىلىش؛ خېرىردارلارغا ئەڭ ماس كېلىدىغان ھەرخىل قورۇما-تاماقلارنى ئۆلچىمى، باھاسى، ئالاھىدىلىكلىرى بىلەن تونۇشتۇرۇشقا ماھىر بولۇش؛ مېھماننىڭ ھەرقانداق ئورۇنلۇق مۇلازىمەت تەلىۋىنى قاندۇرۇش.
3.     تەققى-تۇرقى دۇرۇس بولۇش؛ سەخسى تازىلىقى ۋە ئۆز خىزمەت دائىرىسىنىڭ تازىلىقىغا ھەر ۋاقىت ئەھمىيەت بېرىش؛يىمەكلىك قانۇنىغا قاتتىق ئەمەل قىلىش، ئۆلچەمسىز يىمەكلىك ۋە قاچا-قۇچىلارنى خېرىردارغا بەرمەسلىك، ئەھۋال كۆرۈلسە دەرھال يۇقۇرىغا مەلۇم قىلىش.
4.    زىياپەت ۋە تارقاق مېھمانلارنىڭ مۇلازىمەت خىزمىتىنى ئۆلچەملىك، ياخشى ئىشلەش.
5.    ئىتتىپاق بولۇش، ئىستىلى دۇرۇس بولۇش. كوللىكتىپكە كۆيۈنۈش، مال-مۈلۈكنى ئاسىراش.
6.    تىرىشىپئۈگۈنۈپ، كەسپى ساپاسىنى داۋاملىق ئۆستۈرۈش، مۇلازىمەت ھۈنىرى ۋە ماھارىتىنى ياخشى ئىگەللەش، ئاشپۇزۇل قورۇما-تاماق تىزىملىكىلىنىڭ تۈرى، ئۆلچىمى، باھاسى ۋە ئالاھىدىلىكلىرىنى يادا بىلىش.
7.    كۈندىلىك خىزمەت ئاخىرلاشقاندا، تازىلىقنى ياخشى ئىشلەش؛ توك ئەسلىھە، ئۈسكۈنە-سايمانلار، سۇ تۇربا، ئىشىك-دېرىزە قاتارلىقلارنى تەكشۈرۈپ ئۆتكۈزۈپ بېرىش، بىخەتەر ئىشلەپچىقىرىشقا ئەھمىيەت بېرىش.

‹‹ قاچا- قۇچا ۋە سايمانلارنى يۇيۇش-دېزىنفىكسىيە قىلىش خادىمىنىڭ  ئىش ئورنى خىزمەت  مەسئۇلىيىتى ››

1.    قاچا- قۇچا ۋە سايمانلارنى يۇيۇش-دېزىنفىكسىيە قىلىش خادىملىرى چوقۇم كەڭ خەلىق ئاممىسى ( خېرىردار ) نىڭ تەن ساغلاملىقىنى بىرىنچى ئورۇندا قويۇش، ئاشپۇزۇلغا كۆيۈنۈش، مال-مۈلۈكنى ئاسىراش، مەسئۇلىيەتچان بولۇش.
2.    قاچا- قۇچا ۋە سايمانلارنى يۇيۇش-دېزىنفىكسىيە قىلىش تەرتىۋىنى پىششىق بىلىش، « يۇيۇش - دېزىنفىكسىيە قىلىش – چايقاش » مەشغۇلاتلىرى چوقۇم دۆلەتنىڭ مۇناسىۋەتلىك ئۆلچىمىگە يەتكەن بولۇش.
3.    ھەركۈنلۈك قاچا-قۇچىلارنى ئۇدۇللۇق يۇيۇش، ھەرگىز قوندۇرماسلىق.
4.    ئىشلەتكەن دېزىنفىكسىيە دورىلىرى، يۇيۇش پاراشۇكلىرى چوقۇم دۆلەتنىڭ مۇناسىۋەتلىك ئۆلچەملىرىگە يەتكەن بولۇش.يۇيۇلغان قاچا-قۇچا ۋە سايمانلار ھەقىقەتەن پاكىز- پاقىراق بولۇش.ماي يۇقى، داغ، پاراشۇك يۇقى، غەيرى پۇراق، سۇ يۇقى يىغىلىپ قالغان بولماسلىق.
5.    قاچا-قۇچا ۋە سايمانلارنى ساقلايدىغان ئىشكاپ، جاھازىلار پاكىز ساقلاش ئىشكاپلىرىنىڭ تازىلىقلىرى ھەر ۋاقىت پاكىز تۇرۇش، پات-پات يۇيۇپ-سۈرتۈپ تۇرۇش، ئۈستەلدە يۇيۇلمىغان قاچا-قۇچىلار يىغىلىپ قالماسلىق.
6.    يۇيۇش كۆلچىگىنىڭ تازىلىقىنى ياخشى تۇتۇش، يىمەكلىك ياكى باشقا نەرسىلەرنى يۇماسلىق. يۇيۇش-چايقاش سۇلىرىنى پات- پات يەڭگۈشلەپ تۇرۇش. ئېشىندى نەرسىلەرنى سۈيىدىن ئايرىپ، ئۇدۇللۇق، ۋاختىدا بەلگىلەنگەن ئورۇنغا تۆكۈش.
7.     قاچا-قۇچا ۋە سايمانلارنىڭ تۈرى، سانى، ئۆلچىمى ۋە ئىشلىتىلىش ئورنىنى پىششىق بىلىش. تۈرى بويىچە رەتلىك قويۇش. سۇنغان، يۈتكەن قاچا-قۇچا ۋە سايمانلارنىڭ سانى، سۇنۇش-يۈتۈش سەۋەبىنى ئېنىق يازما قىلىپ، كۈندىلىك دېرىكتورغا يوللاش.
8.    قاچا- قۇچا ۋە سايمانلارنى يۇيۇش-دېزىنفىكسىيە قىلىش خادىملىرىنىڭ شەخسى تازىلىغى، خىزمەت فورما تازىلىغى، يۇيۇش ئۆيىنىڭ تازىلىغى قاتارلىقلار ھەر ۋاقىت تازىلىق ئۆلچىمىگە يەتكەن بولۇش.
9.    ھەر ۋاقىت تازىلىق تەكشۈرۈش ئورۇنلىرىنىڭ تەكشۈرۈشىگە تەييار تۇرۇش، قىلچە بىپەرۋالىق قىلماسلىق. يۇقارقى مەسئۇلىيەتلەرگە ئەھمىيەت بەرمەي، يامان ئاقىۋەتلەر كىلىپ چىقسا، تەكشۈرۈشتىن ئۆتمەي جەرىمانە قويسا، تىجارەتنى توختاتسا، بارلىق بارلىق ئېقتىسادى زىيان، مەسئۇلىيەت ۋە قانۇنى جاۋاپكارلىقنى ئۈستىگە ئالىدۇ.

‹‹ ئاشپۇزۇل مال سېتىۋالغۇچى خادىمىنىڭ ئىش ئورنى مەسئۇلىيىتى ››

1. ئاشپۇزۇل مال سېتىۋالغۇچى خادىمى چپقۇم مەسئۇلىيەتچان بولۇش، كەڭ خلىق ئاممىسىنىڭ تەن ساغلاملىقىنى كۆزدە تۇتۇز، ئاشپۇزۇلغا كۆيۈنۈش؛ راسچىل، ئادىل، دىيانەتلىك بولۇش، شەخسى مەنپەئەتنى كۆزلىمەسلىك، نەپسانىيەتچىلىك ۋە خىيانەتچىلىك قىلماسلىق، ئۇرۇق-تۇققان ياكى يېقىنلىرىدىن مال سېتىۋالغاندا پىرىنسىپتا چىڭ تۇرۇش، خىزمەت ئورنىدىن خالىغانچە ئايرىلماسلىقى كېرەك.
2.كەسىپكە پۇختا بولۇش، ھەرخىل ماتىرىياللارنىڭ چىقىدىغان ئورنى، پەسلى، سورتى، سۈپەت ئۆلچەملىرىنى پىششىق بىلىش.ماتىرىيالنى پىلانلىق سېتىۋىلىش.
3. ماتىرىيالنى دېرىكتور ۋە ئاشپەزلەر باشلىقىنىڭ مال ئەكىلىش تالۇن كۆرسەتمىسى بويىچە سېتىۋىلىش؛ جىق ئەكىۋىلىپ بۇزۇلۇپ قېلىش ۋە ئاز ئەكىلىپ تەمىنلەشنى ئۈزۈپ قويۇشنىڭ ئالدىنى ئېلىش.
4. سېتىۋالغان ماتىرىيال ۋە مۈلۈكلەرنىڭ ئەسلى تالۇنى بولۇش، ئۆزگەرتمەسلىك، خەتلىرى ئېنىق بولۇش، بەك ئۇششاق چۈپۈرەندە تالۇنلارنى ئىشلەتمەسلىك؛ تالۇندا ماتىرىيالنىڭ سۈپەت ئۆلچىمى، مىقدارى، سانى، يەككە باھاسى، ئومۇمى سوممىسى قاتارلىقلار ئېنىق بولۇش.
5. مالنى ئەكەلگەندەتەكشۈرۈپ ئۆتكۈزۈۋېلىش خادىمىنىڭ تەكشۈرۈشىدىن ئۆتكۈزۈپ، ئاندىن ئىسكىلاتلاشتىرىش، ھەمدە تەكشۈرۈپ ئۆتكۈزۈۋېلىنغان ئىسپاتىنى ئېلىش.
6. سېتىۋالغان ماللار چوقۇم دۆلەتنىڭ يىمەكلىك تازىلىق ئۆلچىمىگە ئۇيغۇن بولۇش؛ سېسىغان، پۇراپ قالغان، كۆكۈرۈپ قاغان، زەھەر بىلەن يۇقۇملانغان، دىخانچىلىق دورىلىرى بىلەن زەھەرلەنگەن، ئۆلۈش سەۋەبى ئېنىق بولمىغان، ياكى ھارام ماللارنى، پارچە-پۇرات سۈپەتسىز ماللارنى، ئىشلەپ چىقارغان ۋاختى ئېنىق بولمىغان ماللارنى؛ ئىستىمال ۋاقىت چەكلىمىسى ئاز قالغان ياكى توشۇپ كەتكەن ئىچىملىك ۋە يىمەكلىكلەرنى؛ كارانتىندىن ئۆتمىگەن ماللارنى سېتىۋالماسلىق. ئەگەر خىلاپلىق قىلىپ سېتىۋىلىپ، يامان ئاقىۋەتلەر كېلىپ چىقسا، مەسئۇلىيەتنى ئۈستىگە ئېلىش.
7. ھېساۋات دەپتىرى تولۇق بولۇش، كۈندىلىك چىقىمنى تولۇق خاتىرلەپ مېڭىش؛ كۈندىلىك ھىساۋاتنى كۈندىلىك ئۆتكۈزۈش، ئەتىگە قويماسلىق؛ دېرىكتور ۋە ئاشپەزلەر باشلىقىغا ھەر ئون كۈندە بىر قېتىم چىقىم ھىساۋاتى كۆرسەتكۈچ كۆرسىتىپ، ئاساسى ۋە قوشۇمچە ماتىرىيال، دورا-دەرمەك، يېقىلغۇ، پارچە چىقىم، موقىم مۈلۈكلەرنىڭ تەننەرخىنى كوتۇرۇل قىلىشقا پايدىلىق شارائىت يارىتىپ بېرىش؛ ھەر ئاي توشقاندا ئومۇمى ھىساۋات چىقىرىش.
8. ھەر ۋاقىت بازار ئۇچۇرىنى ياخشى ئىگەللەپ، باھا پەرقىنى پىششىق بىلىش، سېتىۋالغان مالنىڭ باھاسىغا كۆۈلدە سان بولۇش؛ ھوشيارلىقنى ئۆستۈرۈپ، مال توشۇش جەريەنىدا بىخەتەرلىككە دىققەت قىلىش، ئالدامچى ۋە يانچۇقچىدىن-ئوغرىلاردىن ساقلىنىش

<< ئاشپۇزۇل ئىسكىلاتچىسىنىڭ ئىش ئورنى خىزمەت مەسئۇلىيىتى>>

1.    ئىسكىلاتچى خادىم ئاشپۇزۇلغا كۆيۈنۈش، ھەرقايسى تارماقلىرىغا كېرەكلىك ماتىرىيال ۋە بۇيۇملارنى ساقلاش ، ئاسىراش ۋە تەمىنلەش ئىشلىرىغا مەسئۇل بولىدۇ. ئىش ئورنىدىن خالىغانچە ئايرىلىشقا رۇخسەت قىلىنمايدۇ.
2.    ئىسكىلاتقا مال كىرگۈزگەندە چوقۇم ئۈچ نۇسخا كىرىم تالۇنى يېزىش ( بىرى ئۆزىدە، بىرى سېتىۋالغۇچىدا، بىرى بوغالتىردا تۇرىدۇ )، تالۇنلار ئېنىق، ئۆلچەملىك، رەتلىك يېزىلغان بولۇش؛ ھەركۈنلۈك، ھەر ھەپتىلىك، ھەر  ئايلىق تالۇنلار ئايرىم تۈپلەنگەن بولۇ؛ ھەر ئون كۈندە بىرقېتىم ئىلمىتار قىلىپ، كىرىم-چىقىم ھېساۋاتى كۆرسۈتۈش.
3.    كىرىم ۋە چىقىم قىلىنغان ماللارنىڭ چىسلاسى، سۈپەت ئۆلچىمى، يەككە ۋە ئومۇمى سانى، يەككە ۋە ئومۇمى پاھاسى قاتارلىقلارنى ئېنىق يېزىش.
4.    ماللارنى تەكشۈرۈپ ۋە ئۆلچەپ  ئۆتكۈزۈۋېلىش. بۇزۇلغا، سېسىغان، كۆكەرگەن، ئىستىمال مۇددىتى توشۇپ قالغان، سۈپۈتى ناچار، ساغلاملىققا زىيان يەتكۈزۈدىغا ماتىرىياللارنى كىرگۈزمەسلىك. ئىسكىلاتتا ھاشارەت، چىۋىن، چاشقان، چاڭ-تۇزاڭ بولماسلىقى كېرەك.
5.    ئىسكىلاتتىكى ماللارنى تۈر بويىچە ئايرىم ۋە رەتلىك قويۇپ ساقلاش؛ پۇرۇقى كۈچلۈك ماتىرىياللارنى ئايرىپ قويۇش؛ زەھەرلىك، زىيانلىق ماللارنى قەتئى كىرگۈزمەسلىك. بۇرۇن كىرگەن مالنى ئاۋال ئىشلىتىش، كىيىن كىرگەن ماللارنى كىيىن ئىشلىتىش؛ ۋاختى ئۆتكەن ماللارنى دەرھال يۇقۇرغا دوكلات قىلىپ بىرتەرەپ قىلىش.
6.    مالنى قەرەرلىك، نىشانلىق، پىلانلىق تارقىتىش؛ مەخسۇس بەلگىلەنگەن مال تاپشۇرۇپ ئالغۇچىلارغا تارقىتىش؛ كىم كەلسە قالايمىقان، ئۆلچەمسىز تارقىتىۋەرمەسلىك، مال تارقاتقاندا مال ئالغۇچىلارنىڭ  ئىمزاسى، ۋاختىى، مالنىڭ  سانى، ھەرتۈرلۈك ماللارنىڭ ھىساۋاتى ئايرىم بولۇش تەلىۋىگە يېتىش.
7.     كىرىم-چىقىم، سالدۇ كۆرسەتكۈچلەر ئېنىق بولۇش؛ مال سانىنى ئالدىن مۆلچەرلەپ، ۋاختىدا دوكلات قىلىپ، تەمىنلەشنىڭ ئۈزۈلۈپ قېلىشىنىڭ ئالدىنى ئېلىش، كۆپ ئەكىۋىلىپ بۇزۇلۇپ قېلىشنىڭ ئالدىنى ئېلىش. يۇقارقىلارغا دىققەت قىلماي، يامان ئاقىۋەتلەرنى كەلتۈرۈپ چىقارسا، مۇناسىپ زىيان ۋە مەسئۇلىيەتنى ئۆز ئۈستىگە ئالىدۇ.
8.    ئىسكىلاتنىڭ ئىسكىلاتنىڭ بىخەتەرلىگىگە دىققەت قىلىش، ئوت ئاپىتى ۋە ئوغۇرلۇق قاتارلىق ئىشلارنىڭ ئالدىنى ئېلىش، ئىسكىلاتنىڭ ئىچى پاكىز بولۇش، تاماكا چەكمەسلىك، مۇناسىۋەتسىز خادىملارنىڭ كىرىشىنى مىنئى قىلىش قاتارلىقلارغا كاپالەتلىك قىلىش مەسئۇلىيەتلىرى بولىدۇ.

تۈزگۈچى نورۇز.  خاتا يەرلىرىنى تۈزۈتۈپ-تولۇقلاپ ئشلىتىشىڭلارنى ئۈمۈت قىلىمەن.


‹‹ ئەمگەك توختامى ››

تەكلىپ قىلغۇچى ئورۇن:ــــــــ ـــــــــ ــــــــــــ ـــــــــ ئاشپۇزۇلى. تۆۋەندە A تەرەپ دەپ ئاتىلىدۇ. قانۇنى ۋەكىلى:ـــــــــ ــــــــــ. كىملىك نومۇرى:ــــــــــــ ــــــــــ ــــــــ.
ئادىرىسى:ــــــــــــ ــــــــــــ ــــــــــــــــــ ــــــــــــــــ ـــــــــــــــ. تەكلىپ قىلىنغۇچى تۆۋەندە B تەرەپ دەپ ئاتىلىدۇ.  ئىسىم-فامىلىسى:ــــــــــــ ــــــــــ ــــــــ،جىنسى:  ــــــــــــ.   كىملىك نومۇرى: ــــــــــــ ـــــــــــــ ــــــــــــــ ـــــــــــــ ــــــــــ.
        A ۋە B  ئىككى تەرەپ باراۋارلىك، ئېختىيارلىق ۋە ئۆز-ئارا مەسلىھەتلىشىپ، بىرلىكتە كېلىشىش ئاساسىدا، ۋاقىتلىق ئەمگەك توختامى ھاسىل قىلدى ۋە تۆۋەندىكى ھوقوق- مەجبۇرىيەتلەرگە ئورتاق ئەمەل قىلىشقا كېلىشتى.
1.    Aتەرەپ B تەرەپنى مەزكۇر ئاشپۇزۇلنىڭ ــــــ ــــــــ ــــــــ ــــــــ ۋەزىپىسىنى ئۆز ئۈستىگە ئېلىشقا تەكلىپ قىلدى.       Bتەرەپ  A تەرەپنىڭ بېكىتكەن مەزكۇر خىزمەتنىڭ رىئايە قىلىشقا تېگىشلىك ئىش تۈزۈمى ۋە خىزمەت مەسئۇلىيىتىگە چوقۇم ئاڭلىق رىئايە قىلىپ، ئۆز خىزمىتىنى ئاكتىپلىق بىلەن ئادا قىلىشى كېرەك.
2.    A تەرەپ B تەرەپكە ئۆز خىزمەت ھۆددىسىدىن چىقىشقا زۆرۈر بولغان خىزمەت شارائىتىنى ھازىرلاپ بېرىشكە مەسئۇل بولىدۇ.
3.     B تەرەپنىڭ ئىش ھەققى كۈنلۈك ئىش ھەققى بويىچە (      ) يۇەن خەلىق پۇلى قىلىپ بېكىتىلدى. ئىش ھەققى ھەرئايدا بىر قېتىم يىغىپ تارقىتىلىدۇ.  A تەرەپ B تەرەپنىڭ ئىش ھەققىنى كېلەر ئاينىڭ ئوتتۇرىسىدىن بۇرۇن تارقىتىپ بېرىشكە كاپالەتلىك قىلىدۇ.
4.       B تەرەپ A  تەرەپنىڭ بېكىتكەن ئەمگەك ئىنتىزامى، مەسئۇلىيەت تۈزۈمىگە خىلاپلىق قىلىپ، ئىشقا كېچىكىپ، سەۋەپسىز ئىش قالدۇرۇپ  ياكى ئەسئۇلىيەتنى تولۇق ئادا قىلماي، خىزمەت سۈپۈتىگە تەسىر يەتكۈزسە، كەلتۈرۈپ چىقارغان ئاقىۋەتكە ئاساسەن  Bتەرەپ مۇناسىپ جاۋاپكارلىقنى ئۆز ئۈستىگە ئالىدۇ.
5.      B تەرەپ ئەمگەك مۇناسىۋىتى جەريانىدا، چوقۇم دۆلەتنىڭ بارلىق قانۇن- ئېنتىزاملىرىغا ۋە ئاشپۇزۇلنىڭ ئىشكى باشقۇرۇش تۈزۈمىگە رىئايە قىلىشى، ئاشپۇزۇلنىڭ ئىناۋىتىنى قوغدىشى، ئاشپۇزۇلغا كۆيۈنۈشى، ئۆز كەسپىنى قىزغىن سۆيۈشى، كەسپىي تېخنىكىسىنى ئۆزلۈكسىز يۇقۇرى كۆتۈرۈشى، خېرىردارلارغا ئىللىق مۇئامىلە قىلىشى كېرەك. خىزمەت ھۆددىسىدىن چىقالمىغانلار، قانۇن-ئېنتىزام، قائىدە-تۈزۈمگە خىلاپلىق قىلغۇچىلار  بارلىق ئاقىۋەتكە ئۆزى جاۋاپكار بولىدۇ. بۇ چاغدا A  تەرەپ توختامنى بىكار قىلىشقا ھوقوقلۇق.
6.     B تەرەپنىڭ ياشانغاندا بېقىنىش سۇغۇرتىسى، داۋالىنىش سۇغۇرتىسى، ئىش ئۈستىدە داۋالىنىش سۇغۇرتىسى قاتارلىق  سۇغۇرتىلارغا قاتنىشىش خىراجىتىنى (      ) تەرەپ تۆلەشكە مەسئۇل بولىدۇ.  
7.      B تەرەپ ئىش ئورنىدىن ئايرىلماقچى بولغاندا، مۇددەتتىن (        ) كۈن بۇرۇن  A تەرەپكە ئىلتىماس قىلىپ خەۋەردار قىلىپ قويۇشى كېرەك.  
8.      B تەرەپ ئۆز ۋەزىپىسىنى ئىزچىل مەسئۇلىيەتچانلىق بىلەن ئادا قىلىپ، ئاشپۇزۇلنىڭ ئەلا مۇلازىمەت يارىتىش، خېرىردارلارنى رازى قىلىش، ئاشپۇزۇلنى روناق تاپقۇزۇشتا تۆھپە قوشسا  ھەم ئىشلىگەن ۋاختى بىريىلدىن ئاشسا ( ئارلىقتا خىزمەتتىن توختىغانلار  كېيىنكى باشقىدىن خىزمەتكە چۈشكەن ۋاختىدىن باشلاپ ھىساپلىنىدۇ )، ئاشپۇزۇلنىڭ تىجارەت ئەخۋالىغا قاراپ ئىش ھەققى مۇۋاپىق ئۆستۈرۈلىدۇ.
9.    B تەرەپنىڭ ياتاق ۋە تامىقىنى ھەل قىلىپ بېرىشكە، بىريىلدىن ئارتۇق ئىشلىگەنلەرنىڭ ئاشىانا خادىملىرىنىڭ كېسەلنىڭ ئالدىنى ئېلىش سالامەتلىكنى تەكشۈرۈش ھەققى ۋە خىزمەت فورمىسى ھەققىگە  A  تەرەپ مەسئۇل بولىدۇ.
10.     A تەرەپ B تەرەپكە ھەر ئايدا ئاز دېگەندە (        ) كۈن دەم ئېلىش پۇرسىتى چىقىرىپ بېرىدۇ.
11.     ئىككى تەرەپ توختام مۇناسىۋىتىنى ئۆزگەرتمەكچى بولغاندا، يېڭى توختامغا قول قويغان ۋاقىتتىن باشلاپ كونا توختام ئۆزلۈكۈدىن ئەمەلدىن قالىدۇ.
12.     مەزكۇر توختام ئىككى تەرەپ تەڭ قول قويغان ۋاقىتتىن باشلاپ كۈچىگە ئىگە. توختام مۇددىتى توشقاندا ئۆزلۈگۈدىن كۈچىدىن قالىدۇ. توختام جەمئى ئىككى نۇسخا بولۇپ، ھەر ئىككى تەرەپتە بىر نۇسخىدىن ساقلىنىدۇ.

A    تەرەپ ئىمزاسى:
Bتەرەپ ئىمزاسى:
200- يىلى         ئاينىڭ          كۈنى.
( بۇ توختام   پەقەت بىر پايدىلىنىش ماتىرىيالى، ئەڭ ياخشسى دۆلەتنىڭ يېڭى چىققان ئەمگەك توختامىنى ئىشلەتكەن ياخشى ).

تۈزگۈچى نورۇز.  خاتا يەرلىرىنى تۈزۈتۈپ-تولۇقلاپ ئشلىتىشىڭلارنى ئۈمۈت قىلىمەن.

پايدىنلىش قىممىتى يوققىرى تىمىكەن