باشقۇرۇش ئەسكەرىتمىسى :

بۇ يازمىنى ناۋات نادىرلىدى .(2010-11-09)

"ئاشپەز"ئەھلىگە شېئىرىي چاقچاق كەتتىغۇ!

بىلدۈرگە:
بولمىساممۇ ئۆزۈم بىر ئاشپـــــەز،
قىلىپ قالدىم "ئاشپەز"گە ھەۋەس.
شۇ ھەۋەسنىڭ تۇرتكىسى بىـــلەن،
چاقچاق يېزىپ قالدىم ئىگىز-پەس.

چاقچاقنى باشلىدىم دوستلىرىم كۈلسۇن،
گەر چاقچاق بولسىمۇ كۆڭلۈمنى بىلسۇن.
چاقچاققا مەيلى بار "ئاشپەز" ئەھلىنىڭ،
چاقچاققا بۇ مۇنبەر لىقمۇ-لىق تولسۇن.

"ئاشپەز"ئۇستامدىن باشلىدىم:

ئاشپەز دەپ يۇرەتتىم سىزنى مەن ئۇستام،
شېئىر- قوشاق يازىسىز شۇنچىلىك راۋان.
"ئاشپەزلەر مارشى"ياراپتۇ  ئەمما،
نىمشقا بەرمەيسىز ماڭا بىر ئۇنۋان؟

تەشۋىق قىپ بېكەتنى خېلى چارچىدىم،
سالمامسىز بىر قېتىم ئوبدان داستىخان.
-داستىخان چوڭ كېتەر، دىسىڭىز ئەگەر،
ئوخشىغان مانتىدىن يوللاڭ بىر قاسقان.

"ئاش تۇزى" غىمۇ بار:

تاغنى دىسەك تاغدا سىز،
باغنى دىسەك باغدا سىز.
بىلىمىڭىز كوپ قىرلىق،
زادى قانداق بالىسىز؟

"ئاش تۈزى"دەپ ئات قويۇپ،
تۆردە دائىم ئورنىـــڭــىــز.
چاقچاق دىگەن سىزدە كۆپ،
غۇلجا ئىكەن يۇرتــىڭــىز.

"شەخلا "بارمىدۇ:

سىزدىن ئۇققان "ئاشپەز"نى،
بەكمۇ ئېسىل مۇنبەر دەپ،
ئەزا بولدۇم مەنمۇ ھەم.
راستنى ئېيتسام سىز بار دەپ.

شېئىرلىرىڭىز بەك ئېسىل ،
دىلغا ھوزۇر بېرىـــدۇ.
شۇنداق شېئېر يازدىغان.
زاۋۇت باردەك قىلىــدۇ.

"ئۇيغۇرئاي"نى ئۇنتۇپ قالسام بولمايدۇ:

گۈزەللىكنى ئەجەپمۇ ،
بېرىپتىكەن سىزگىلا.
سىزنى دەپلا ئۇرۇشار،
مۇنبەردىكى نوچىلا.

سەرخىل تېما يوللايسىز،
راس ھەممىنى بىلەمسىز.
چاقچىقىمنى كۆرسىڭىز،
خاپىلامسىز كۈلەمسىز؟.

"پەرھات"ئاشىققا كەتتى:

كۈيەك ئوتى تۇتۇشۇپ،
ئېغىر كۈنگە قالدىڭىز.
سۆيگۈڭىزنى يۈشۈرماي،
مۇنبەرگىلا سالدىڭىز.

ئاشىقلىقتىن شائىرمۇ،
بولدىڭىزغۇ مۇنبەردە.
تەلەپ قويۇڭ پەرھاتجان،
"ئاشپەز"،"ئەنگەر"يوق يەردە.

"گۇلقەنت"چوقۇم كۆرۇڭ-ھە!

مەن  ئامراقتىم گۈلقەنتكە،
ھەمرا ماڭا ھازىـــرمــۇ.
كۆرۈپ يەنە مۇنبەردە،
يىگۈم كەلدى تازىمــۇ.

ئايرىلالماس بۇ مۇنــبـــەر،
"گۈلقەنت"سىزدىن بىر كۈنمۇ.
يېزىپ قويۇڭ بىر ئىنكاس،
چاقچىقىمغا مېنىـــڭـــمۇ.

"مۇقام "كورمەي قالماس –ھە:

مېنىۋېلىــــپ بوز ئاتــقا،
قاچتىڭىزمۇ سىـــز تاقــقا.
ياكى گۇناھ قىپ قويۇپ،
مۆكتىڭىزمۇ ياتـــاقـــقا.

كۆرۈنمەيسىز مۇنبەردە،
سىزنى دوستلار سېغىندى.
ئېلان بېرىپ "ئەنگەر"مۇ،
چاقچىقىنى باشـلىــــدى.

"كۇلقىز" مېنى بىلەر –ھە!

مۇنبەردىكى تورداشلار،
بىر ئائىلە كىشلىرى.
قاچان قالار ئۇنتۇلۇپ،
"كۈلقىز"نىڭكى كەشلىرى.

شاھزادىغۇ ئەمەسمەن،
ئەمما بىلىڭ قوشاقچى.
قوشاق يازدىم سىزگىمۇ،
ئەمەس ھەرگىز چاتاقچى.

"قىران"غا يازدىم ئەمسە:

خۇش بولدۇمغۇ ياراپتۇ سىزگە،
"ئەنگەر"يازغان "ھالرەڭ لېرىكا".
تەبرىكلەيلى تۈزۈپ بىر سورۇن.
ئىچىشەيلى بىر-ئىككى رومكا.

توۋلىشايلى كەيىپچىلىكتە،
ئاشىقلىقنىڭ مۇقاملىرىنى،
يېزىپ قۇيۇڭ سىزمۇ كەلتۈرۈپ،
يۇرتىڭىزنىڭ چاقچاقلىرىنى .


ئىزاھ:باشقا تورداشلىرىمنىڭ تەپسىلاتىنى ئانچە بىلمىگەچكە چاقچىقىمنى مۇشۇنچىلىك قىلاي.ئەگەر بۇ "ئەنگەر بىزگە نىمە دەر" دەپ ئويلىسىڭىز ئاستىغا ئىنكاس يېزىشنى ئۇنۇتماڭ.چاقچاقنى داۋاملىق داۋاملاشتۇرىمىز.چاقچاققا چۈشكەن دوستلارمۇ چاقچىقىنى ئايىمىغاي!

نەقىل

بۇ مەزمون3قەۋەتتىكىئۈمۈد گۇلىنىڭ2010-11-08 15:09دە يوللىغان يازمىسى  :
ئەمما ..مىنى قوشمىغىنىڭىز ياخشى بۇپتۇ جۇمۇ بىكا بۇگۇن ئىشىڭىز چاتاق بۇلاپ قالادى ھې ھې  مەن سەل بۇدۇشقاق..

«ئۈمۈد گۈلى»گە كەلدى نوۋەت:

چاقچاق يازدىم دەپ ئەنگەر،
چاقچاقچىنى ئۇنتۇپتۇ.
«ئۈمۈد گۇلى»كەچۈرۈڭ،
بۇدا مەندىن كېتىپتۇ.

سىز بولسىڭىز بۇدۇشقاق،
مەنمۇ ئەمەس بىر قامقاق.
ئەمدى دوست بوپ ئۆتەيلى،
گۇۋاھ بولسۇن بۇ چاقچاق.

چاقچاققا گۈل قوشۇپتۇ،
«ئارچا» بىلەن« مېغىزخان».
ئايان قىپتۇ كۆڭلىنى ،
بوش كەلمەي ھەم «ئانارخان».

«ئاشپەز» ئۇستام ئاخىرى،
داستخان سالماق بولۇپتۇ.
«ئارچا»ئاڭلاپ بۇ گەپنى ،
ياقا چىشلەپ قېلىپتۇ.

«شاھزادە»نى بىر كەلتۇرەيلى ئەمسە:

تۈگەپ قالماس مېنىڭدە،
چاقچاقلىرىم كۆپ مېنىڭ.
سىزنى كۈتۈپ «شاھزادە،
بۇ كۆزلۈرۈم تۆت مېنىڭ.

يازالمايمەن دەپ تۇرۇپ،
شۇنچە ئوبدان يېزىپسىز.
شۇنداق چاقچاق يېزىشنىڭ،
تەسلىكىنى بىلىپسىز.

نەقىل

بۇ مەزمون18قەۋەتتىكىمەمەتچاننىڭ2010-11-09 01:19دە يوللىغان يازمىسى  :
ماڭايازغان بولسڭز مەنمۇ شېر چاكچاك يازاتتم

«مەمەتجان»نىمۇ قاتىلى ئەمسە باللا:

كۆڭۈل ئىزھار قىلىپسىز ،
چاقچىقىمدىن زوق ئېلىپ.
«چاكچاك»يازەي دەپسىز ھەم
شېئىرنى يەنە «شېر» قىلىپ.

قېنى دوستتۇم كۆرەيلى ،
ئەمدى نوۋەت سىزنىڭكى.
«چاكچاك»كا بار مەيلىمىز،
ئۈمۈدىمبۇ مېنىڭكى.

نەقىل

بۇ مەزمون20قەۋەتتىكىيارايمەننىڭ2010-11-09 13:39دە يوللىغان يازمىسى  :
دىمىسىمۇ بۇ مۇنبەرگە مۇشائىرىگە ماھىرلار خېلى كۆپ كىرىدۇ.
ھارماڭلار!!!

«يارايمەن»گە بىر توقايلى!

چاقچاق يېزىپ ئولتۇرساق ،
مۇشائىرە دەپ قاپسىز،
شېئىرىي چاقچاق يېزىشقا،
ئېيتىڭ قېنى يارامسىز.

چاقچاق خۇمار خەلقبىز،
ئەجدانلاردىن ئۇدۇمدۇر.
چاقچاق بىلمەس كىشىنىڭ،
كۆرەر كۈنى زۇلۇمدۇر.

نەقىل

بۇ مەزمون19قەۋەتتىكىناۋاتنىڭ2010-11-09 10:27دە يوللىغان يازمىسى  :
ئەجىرىڭىزگە تەشەككۈرۈمنى ئېيتىمەن.

داۋاملىق تىرىشىڭ دوستۇم.

«ناۋات»چاقچاقنى بىلە -ھە!كەتتى ئەمسە!


چاينى ئېسىل دەملىدىم،
«ناۋات»بىلەن قەن سېلىپ.
يۇرەمسىزكىن ئالدىراش،
تېمىلارغا ئەن سېلىپ.

ئۇيغۇرۇم دەپ كۆيىسىز،
كۆكلەتمەكچى بولىسىز.
گاھى يىلتىز سۇ بولۇپ،
گاھى قايناپ تاشىسىز.

نەقىل

بۇ مەزمون25قەۋەتتىكىئاشپەزنىڭ2010-11-09 15:14دە يوللىغان يازمىسى  :
دوستۇم ئەنگەر چاقچاقتا
مىنى راسا ماختاپتۇ،
ئوتكۇر بولغاچ قىرانجان
مىنى راسا باپلاپتۇ

قاينىماڭ سىز «ئاشپەز»جان،
باپلاپ قويدى دوستلاردەپ.
بولدى سالماڭ داستىخان،
يۇرمەڭ ئەمدى غەملەر يەپ.

داستىخاننى سىز سېلىڭ،
پۇلنى ئۆزۈم تۆلەيمەن.
مۇنبەر پۇلۇم خېلى كۆپ،
بۇندىن غەملەر يىمەيمەن.

رەخمەت سىزگە «ناۋات»جان،
خۇش قىلدىغۇ گېپىڭىز.
ماختاپ مېنى ئۇچۇرۇپ ،
يېرىلمۇسۇن دېپىڭىز.
  

«دولان»غىمۇ بار مانا:

قۇلىڭىزدا ئوباما،
ئوخشاپ قاپتۇ سەتەڭگە.
«دولان» ئەسلى «قىززىقچى»،
ئويناپ يۈرەر «سەرەڭگە».

سەرەڭگىنى بىر يېقىپ،
ئوت ياقتىڭىز بىزلەرگە.
چاقچاقنىمۇ قىپ قويۇڭ،
نوۋەت كەلدى سىزلەرگە.