باشقۇرۇش ئەسكەرىتمىسى :

بۇ يازمىنى ناۋات نادىرلىدى .(2010-11-09)

"ئاشپەز"ئەھلىگە شېئىرىي چاقچاق كەتتىغۇ!

بىلدۈرگە:
بولمىساممۇ ئۆزۈم بىر ئاشپـــــەز،
قىلىپ قالدىم "ئاشپەز"گە ھەۋەس.
شۇ ھەۋەسنىڭ تۇرتكىسى بىـــلەن،
چاقچاق يېزىپ قالدىم ئىگىز-پەس.

چاقچاقنى باشلىدىم دوستلىرىم كۈلسۇن،
گەر چاقچاق بولسىمۇ كۆڭلۈمنى بىلسۇن.
چاقچاققا مەيلى بار "ئاشپەز" ئەھلىنىڭ،
چاقچاققا بۇ مۇنبەر لىقمۇ-لىق تولسۇن.

"ئاشپەز"ئۇستامدىن باشلىدىم:

ئاشپەز دەپ يۇرەتتىم سىزنى مەن ئۇستام،
شېئىر- قوشاق يازىسىز شۇنچىلىك راۋان.
"ئاشپەزلەر مارشى"ياراپتۇ  ئەمما،
نىمشقا بەرمەيسىز ماڭا بىر ئۇنۋان؟

تەشۋىق قىپ بېكەتنى خېلى چارچىدىم،
سالمامسىز بىر قېتىم ئوبدان داستىخان.
-داستىخان چوڭ كېتەر، دىسىڭىز ئەگەر،
ئوخشىغان مانتىدىن يوللاڭ بىر قاسقان.

"ئاش تۇزى" غىمۇ بار:

تاغنى دىسەك تاغدا سىز،
باغنى دىسەك باغدا سىز.
بىلىمىڭىز كوپ قىرلىق،
زادى قانداق بالىسىز؟

"ئاش تۈزى"دەپ ئات قويۇپ،
تۆردە دائىم ئورنىـــڭــىــز.
چاقچاق دىگەن سىزدە كۆپ،
غۇلجا ئىكەن يۇرتــىڭــىز.

"شەخلا "بارمىدۇ:

سىزدىن ئۇققان "ئاشپەز"نى،
بەكمۇ ئېسىل مۇنبەر دەپ،
ئەزا بولدۇم مەنمۇ ھەم.
راستنى ئېيتسام سىز بار دەپ.

شېئىرلىرىڭىز بەك ئېسىل ،
دىلغا ھوزۇر بېرىـــدۇ.
شۇنداق شېئېر يازدىغان.
زاۋۇت باردەك قىلىــدۇ.

"ئۇيغۇرئاي"نى ئۇنتۇپ قالسام بولمايدۇ:

گۈزەللىكنى ئەجەپمۇ ،
بېرىپتىكەن سىزگىلا.
سىزنى دەپلا ئۇرۇشار،
مۇنبەردىكى نوچىلا.

سەرخىل تېما يوللايسىز،
راس ھەممىنى بىلەمسىز.
چاقچىقىمنى كۆرسىڭىز،
خاپىلامسىز كۈلەمسىز؟.

"پەرھات"ئاشىققا كەتتى:

كۈيەك ئوتى تۇتۇشۇپ،
ئېغىر كۈنگە قالدىڭىز.
سۆيگۈڭىزنى يۈشۈرماي،
مۇنبەرگىلا سالدىڭىز.

ئاشىقلىقتىن شائىرمۇ،
بولدىڭىزغۇ مۇنبەردە.
تەلەپ قويۇڭ پەرھاتجان،
"ئاشپەز"،"ئەنگەر"يوق يەردە.

"گۇلقەنت"چوقۇم كۆرۇڭ-ھە!

مەن  ئامراقتىم گۈلقەنتكە،
ھەمرا ماڭا ھازىـــرمــۇ.
كۆرۈپ يەنە مۇنبەردە،
يىگۈم كەلدى تازىمــۇ.

ئايرىلالماس بۇ مۇنــبـــەر،
"گۈلقەنت"سىزدىن بىر كۈنمۇ.
يېزىپ قويۇڭ بىر ئىنكاس،
چاقچىقىمغا مېنىـــڭـــمۇ.

"مۇقام "كورمەي قالماس –ھە:

مېنىۋېلىــــپ بوز ئاتــقا،
قاچتىڭىزمۇ سىـــز تاقــقا.
ياكى گۇناھ قىپ قويۇپ،
مۆكتىڭىزمۇ ياتـــاقـــقا.

كۆرۈنمەيسىز مۇنبەردە،
سىزنى دوستلار سېغىندى.
ئېلان بېرىپ "ئەنگەر"مۇ،
چاقچىقىنى باشـلىــــدى.

"كۇلقىز" مېنى بىلەر –ھە!

مۇنبەردىكى تورداشلار،
بىر ئائىلە كىشلىرى.
قاچان قالار ئۇنتۇلۇپ،
"كۈلقىز"نىڭكى كەشلىرى.

شاھزادىغۇ ئەمەسمەن،
ئەمما بىلىڭ قوشاقچى.
قوشاق يازدىم سىزگىمۇ،
ئەمەس ھەرگىز چاتاقچى.

"قىران"غا يازدىم ئەمسە:

خۇش بولدۇمغۇ ياراپتۇ سىزگە،
"ئەنگەر"يازغان "ھالرەڭ لېرىكا".
تەبرىكلەيلى تۈزۈپ بىر سورۇن.
ئىچىشەيلى بىر-ئىككى رومكا.

توۋلىشايلى كەيىپچىلىكتە،
ئاشىقلىقنىڭ مۇقاملىرىنى،
يېزىپ قۇيۇڭ سىزمۇ كەلتۈرۈپ،
يۇرتىڭىزنىڭ چاقچاقلىرىنى .


ئىزاھ:باشقا تورداشلىرىمنىڭ تەپسىلاتىنى ئانچە بىلمىگەچكە چاقچىقىمنى مۇشۇنچىلىك قىلاي.ئەگەر بۇ "ئەنگەر بىزگە نىمە دەر" دەپ ئويلىسىڭىز ئاستىغا ئىنكاس يېزىشنى ئۇنۇتماڭ.چاقچاقنى داۋاملىق داۋاملاشتۇرىمىز.چاقچاققا چۈشكەن دوستلارمۇ چاقچىقىنى ئايىمىغاي!

چاقچىقىنى كۆرمەپتۇ،
قىران كەتتى نەلەرگە؟
ئىزدەپ كىرىپ ئانارخان،
ئىنكاس يازدى قۇرلەرگە.

دوسلارغا سۆز تاشلاپتۇ،
چاقچاق دېگەن مانا دەپ.
خىجىل قىلاي ئەنگەرنى،
<يېزىۋېرىڭ يەنە> دەپ.

<داستىخىنىم كەڭ - ئوچۇق>،
دەپتۇ ئاشپەز ئويلىماي.
بارساق ئەگەر ھەممىمىز،
قېچىپ كېتەر قايلىماي.

مۇنبەردىكى يىگىتلەر،
پونى ئازراق ئاتسىكەن.
يېڭى كىرگەن ئانارنى،
قوشاققا بىر قاتسىكەن.

ئانارخاننىڭ مۇنبەرگە قەدەم باسقىنىدىن مەنمۇ خۇشال. يۇمۇرىستىك يازمىلىرىنى كۆرۈپ تۇرساق دەيمەن.

ئەنگەرگە:

ياقا چىشلەپ قالمايدۇ،
ئارچا خانىم ئەزەلدىن.
كۈرۈنمەيلا ئۆزلىرى،
باش تارتتلىمۇ غەزەلدىن.

پاھ  پاھ  پاھ  قىزىپ كېتىپسىلەرغۇ؟

ئالى تىلەككە:

ئالى تىلەك باركەنغۇ،
يوقاپ كەتكەن نەچچە ئاي.
نىم بولدى دەپ ئىزدىدۇق،
قوشاقلارغا بىر قاتاي:

نەچچە ۋاقتىن كىرمىلە،
نەگە كەتكەن ئىدىلە؟
كۆكبۇلاقنى تاپالماي،
مۇنبەر ئارلاپ يۈردىلە.

ئالى تىلەك ئەپەندىم،
يىشىل بۇلاق دەل ئۆزى.
قايتا كۆردۈم «ئاشپەز»دە،
دوستلارغا يوقمۇ سۆزى؟

«ئالدىراش»دەپ ھەر كۈنى،
ئىشلەيدۇ كۈندۈز - تۈنى.
«يازالمايمەن شىئېر» دەپ،
بۇندا چىقمامدۇ ئۈنى.

بىزمۇ ئەمەس شائىرە،
دوراپ يېزىپ قويىمىز.
قولغا قەلەم ئالسىلا،
بىللە ئاۋاز قوشىمىز.

ئالى تىلەككە:

«يازالمايمەن» دەپ قويۇپ،
يېزىپلىغۇ بىر ئوبدان.
خۇرسەن بولدۇم جاۋاپتىن،
ياندا بارمۇ بىر گەپدان؟

ئەنگەر يەنە كىرىپتۇ،
تىمىسىنى كۆرۈپتۇ.
<توختاپ قاپتۇ چاقچاق> دەپ،
قاپىقىنى تۈرۈپتۇ.

ئون ئالتە بەت چاقچاقنى،
دېدىمىكىن <ئۇزارتاي>.
كۆمۈپ قويۇپ چاقچاققا،
يۈزىنى بىر قىزارتاي:

ئايلاپ - يىللاپ كىرمەيسىز،
بۈگۈن كىرىپ نىم دەيسىز؟
يىزىپ تۇردۇق ئىنكاسنى،
كىرگەنلەرنى بىلمەيسىز.

ئۆزىڭىزغۇ مۇنبەرگە،
باشقۇرغۇچى ئىكەنسىز.
پات- پات كىرىپ تۇرمىغاچ،
يېڭىلىقتىن خەۋەرسىز.


ئىسمىڭىزنى مۇنبەردە،
كۆرگەن ئىدۇق ئۆتكەن يىل.
كىرىپ تۇرغان بولسىڭىز،
سۆيۈنەتتى ھەممە دىل.

........................
................................

مۇشۇنچىلىك بولسۇن، يىغلىۋەتمەڭ يەنە...

پاھ، نىمانچە جىق قوشاقلار بۇ! داۋامىنى كۆرەيلى...