باشقۇرۇش ئەسكەرىتمىسى :

بۇ يازمىنى يۈسۈپجان ئىلگىرلەتتى .(2010-12-15)

1.  قوي  گۆشىدىكى  تېكە  پۇرىقىنى  چىقىرۋېتىش  ئۈچۈن  ئۇنى  قازانغا  سالغاندا  بىرنەچچە  پارچە  تۇرۇپ  پارچىسى  بىلەن قوشۇپ  سېلىپ ،  يېرىم سائەت  قايناتقاندىن  كېيىن  تۇرۇپنى  ئېلىۋېتىپ  ئ ئەپلېسىن ( جۈزە ) پوستى  سېلىپ  قاينىتىپ  پىشۇرسىڭىز  پۇرىقى  ،  تەمى  بەلەن  بولىدۇ .
2.  كالا  گۆشىنى قايناتقاندا  يۇمشاق  پىشۇرۇرش  ئۈچۈن  ئازراق  چاينى  پاكىز داكىغا  ئوراپ  قازانغا  سېلىپ ، بىللە  قايناتسىڭىىز   ، ھەم  تەملىك  ، ھەم  يۇمشاق  پىشىپ چىقىدۇ .
3.  ئۇستىخان  شورپىسى  تەييارلىغاندا  ، بىر  قوشۇق  ئاچچىقسۇ قۇيۋەتسىڭىز  ، ئۇستىخاندىكى  پوسپۇر  بىلەن  كالتىسىي  سۇغا  ئېرىپ  چىقىپ ، شورپا  مەززىلىك ، ئوزۇقلۇقى  مول بولىدۇ .
4. قېرى  قاتتىق  گۆش  ياكى  ياۋاي ھايۋان ، قۇش  گۆشلىرىنى  پىشۇرغاندا ئاچچىقسۇ  قوشۇۋەتسىڭىز  يۇمشاق پىشىدۇ .
5. گۆش  بىلەن  ياكى  قوۋۇرغا  بىلەن  شورپا  تەييارلىغاندا  يېڭى ئەپلېسىن  شوپىكىنى  سېلىپ  قايناتسىڭىز ، گۆشنىڭ  تەمى  مەززىلىك  بولۇپلا  قالماستىن ، بەلكى  مايلىقلىقى كۆڭۈلگە  تەگمەيدۇ .
6.  سۈر گۆشنى  قايناتقاندا  ياڭاقنى بىرقانچە  ياردىن  تېشىپ  سېلىپ  قايناتسىڭىز ،  سېسىق پۇرىقى  يوقۇلىدۇ .
7.  كۆكماشنى  قازاندا  ئون  مىنۇت  قورىۋېتىپ  ، ئاندىن قايناتسىڭىز  تېز  يۇمشايدۇ .
8.  تۇخۇمنى  سۇدا  پىشۇرغاندا  ئازراق ئاچچىقسۇ قوشۇپ قايناتسىڭىز  شاكىلى  يېرىلىپ  كەتمەيدۇ .
9. لامىرانىيە  ( خەيدەي ) نى  قايناتقاندا  ئاچچىقسۇ  قوشۇۋەتسىڭىز  يۇمغاق  بولىدۇ ، پالەك  بىلەن  قايناتسىڭىزمۇ ئوخشاش .
10.  تۈگۈرىنى  پىشۇرغاندا  بىر باش  غولپىياز  بىلەن  ئازراق  تۇز  سېلىۋەتسىڭىز  بىر بىرگگ  چاپلاشمايدۇ ، ئېزىلمايدۇ ، چۇۋۇلمايدۇ .
11.  قىيمىلىق  تاماقنىڭ  خېمىرىنى يۇغۇرغاندا  ھەر  500 گ  ئۇنغا  بىر دانە  تۇخۇم  قوشۇپ  يۇغۇرسىڭىز  خېمىرى  ئسان  يىرتىلىپ  كەتمەيدۇ .
12. لەغمەن  پىشۇرغاندا  قازانغا  ئازراق  ماي  قۇيۋەتسىڭىز  ئاش  چاپلىشىپ قالمايدۇ .
13.  ئاش پىشۇرغاندا  تۇز  سۇغا  تۇز  سېلىۋەتسىڭىز  ئېشىڭىز  تىرىك  پىشىدۇ .
14.  قېرىننى پىشۇرۇپ  بولغاندىن  كېيىن  پارچىلاپ  قاچىغا  سېلىپ   شورپا  قۇيۇپ قاسقاندا  بىر ئاز  دۈملىۋەتسىڭىز  قېرىن  قېلىن  يۇمشاق بولىدۇ .
15.  قېرىنن  پىشۇرغاندا  تۇز  سېلىشقا  بولمايدۇ ،  تۇز  سېلىنسا  قاتتىق  بوپ قالىدۇ .
16..  گۆشنى  دۈملىگەندە   ئەپلېسىن  پوستى  سېلىپ  دۈملىسە  گۆشنىڭ  ياغلىق  تەمى  يوقۇلىدۇ .
17.  توخۇنى پارچىلاپ   ئازراق  ياغدا قورۇپ ، گۆش  قۇرۇقدالغاندا  قايناقسۇ  قۇيۇپ  كۈچلۈك ئوتتا 20 مىنۇت  قاينىتىپ  تەمخۇرۇچلارنى سېلىپ  ، پەس  ئوتقا  يۆتكەپ  دۈملىسىڭىز  ھەم  يۇمشاق   ھەھم تەملىك  بولىدۇ .
18.   ياشانغان  توخۇنى  دۈملىگەندە  ئوت  پەس بولىشى  بىر نەچچە  پارچە  دولانا  سېلىنىشى  لازىم .
19.   پۇرچاق ئۇيما ( دوفۇ )نى قايناتقاندا   ئازراق  پۇرچاق  سۈتى  قوشىۋەتسىڭىز  تېخىمۇ  تەملىك  بولىدۇ .
20.  كالا  گۆشىنى  قىزارتىپ  قايناتقاندا  ئازراق  چامغۇرسىمان  قىچا ( شۆ لى خوڭ )  سېلىۋەتسىڭىز  ناھايىتى  تەملىك  بولىدۇ .  
21. قىزارتىپ  قاينىتىلغان  كالا  گۆشى تەييارلىغاندا   چۈچۈك  بۇيا  يىلتىزى  سېلىۋەتسىڭىز  مايلىقلىقى  كۆڭۈلگە  تەگمەيدۇ .
22.  ماتېريالنى ياغدا  داغلاشتىن  بۇرۇن  ياغقا  ئاز راق  تۇز  سېلىۋەتسىڭىز   قىززىق  ياغ  چاچرىمايدۇ .
23.  بەرەڭكىنى  مايدا  داغلاشتىن  بۇرۇن  بىراز  قاينىتىۋېتىڭ .
24.  توخۇنى ياغدا  پىشۇرۇشتىن  بۇرۇن  دورا - دەرمەكلەرگە  ئارلاشتۇرۇپ  توڭلاتقۇغا  سېلىپ  ،  سوۋۇتۇپ  ، ئاندىن  داغلىسىڭىز  تېخىمۇ  تەملىك بولىدۇ .
25.  تۇخۇمنى قوي  يېغى  بىلەن  قورۇسىڭىز  تېخىمۇ  تەملىك بولىدۇ .
26. تۇخۇمنى  قورۇغاندا  ئازراق  شېكەر  سېلىۋەتسىڭىز  ھەم  ۋاقىتنى  تېجەيسىز  ھەم  تۇخۇم كۆپۈدۇ .
27.  پىدىگەن  ( چەيزە )  نى  قورۇغاندا  قازانغا ئاچچىقسۇ قويۋەتسىڭىز  پىدىگەننىڭ  رەڭگى قارداپ كەتمەيدۇ .
28. بەرەڭكىنى قورۇغاندا  ئازراق  ئاچچىقسۇ  قۇيۋەتسىڭىز  كۆيۈپ كەتمەيدۇ ، ھەم  ئېزىلىپ كەتمەيدۇ .
29. پۇرچاق  ئۈندۈرمىسىنى  سارىماي  بىلەن  قورۇسىڭىز تەمى  لەززەتلىك  بولىدۇ .
30 .  گۆشنى  توغراپ  قورۇشتىن بۇرۇن جاڭيۇ ،  سارىماي ، كراخمال ، تۇخۇم قوشۇپ  ئارلاشتۇرۇپ ،  ئاندىن قورۇپ ، گۆش  ئاقارغاندا  باشقا  خۇرۇچلارنى  سېلىپ  قورۇسىڭىز  تېخىمۇ  لەززەتلىك  بولىدۇ .
31. كالا  گۆش  توغرالمىسىغا  تۇز ، شېكەر م  كراخمال  تۇخۇم قوشۇپ ئارلاشتۇرۇپ  يېرىم سائەتتىن كېيىن قورۇسىڭىز  ھەم  يۇمشاق  ھەم تەملىك بولىدۇ .
32.  گۆشنى قورۇغاندا  ئاۋال ئاچچىقسۇ  كېيىن تۇز  سېلىنسا   مەززىلىك يۇمشاك بولىدۇ .
33.  گۆشنى توغراپ بولغاندىن  كېيىن  ئازراق  سودا  قوشۇپ ئارلاشتۇرۇپ  بىرئاز  تۇرغاندىن كېيىن قورۇسا  ئىنتايىن  يۇمسشاق بولىدۇ .
34.  تاتلىق  - چۈچۈك  قورۇمىلارغا   2 ئۈلۈش  شېكەر  ، 1 ئۈلۈش  ئاچچىقسۇ  قوشۇلسا  تەمى  ئېسىل بولىدۇ .
35.  ھورنان خېمىرىغا  ئازراق  قوينىڭ  كۆيدۈرۈلگەن  يېغىنى  يىگۈزىۋەتسىڭىز  ھورنان  ھەم ئاق  ھەم يۇمشاق  ، ھەم  تەملىك  بولىدۇ .
36.  ھورنانغا شولتا كۆپ سېلىنىپ كەتكەنلىكتىن  سارغىيىۋالسا ، قازانغا  ئازراق ئاچچىقسۇ قۇيۇپ  يەنە  ھوردىسىڭىز  ئاقىرىدۇ .
37.  سۈت پىشۇرغاندا  كۆيۈپ كەتسە  ئازراق  تۇز  سېلىۋەتسىڭىز  كۆيۈك پۇرىقى يوقىلىدۇ .
38.  قورۇما  بەك  ئاچچىق  بولۇپ  قالسا  ئاچچىقسۇ قۇيسىڭىز  پەسىيىدۇ .
39.  قورۇما  بەك  چۈچۈك  بوپ قالسا  ئازراق  سودا  سالسىڭىز  تۈزۈلىدۇ .
40.  شورپا  بەك  تۇزلۇق بوپ قالسا  پۇرچاق ئۇما  پارچىسى  ياكى  پەمىدۇر  پارچىسى  سېلىپ  قاينىتىۋەتسىڭىز  ئوڭشىلىدۇ .
41. يەر ياڭىقى  ( خاسىڭ ) نى داغلاپ پىشۇرغاندىن  كېيىن قىززىقىدا  ئاچچىقسۇ تېمىتىپ  ئارلاشتۇرۇپ ئاندىن تۇز  قوشسىڭىز  تېخىمۇ چۈرۈك  بولىدۇ .

كوپ رەھمەت سىزگە  پايدىلىق بىلىملەركەن   بىلىۋالدىم...

ھەقىقەتەن ئىسىل ھۇنەرلەركەن بۇ. ئاشتۇزى سىزگە كۆپ رەخمەت .     

رەخمەت سىزگە

كوپ رەھمەت...

مەن پەقەت بىر نەچچىسىنىلا بىلىدىكەنمەن.رەخمەت.بىلىۋالدىم.

ھەمىنى تەپسىلى كۈرۈپ چىقتىم ،بىر كۈن ئولتۇرۇپ يادىىۋالسام خېلە ئۇستا ئاشپەز بۇپ قالغىدەكمەن  

كۈندىلىك تۇرمىشىمىزدا بەك ئەسقاتقۇدەك ، كۆپ رەھمەت

ھۈنەرلىرىڭىز بولسا ئايماي يوللاپ تۇرارسىز رەخمەت سىزگە تۇرمۇشمىزدا پايدىلنىشقا تىگشلىك تىملاركەن بۇ

ھەقىقەتەن ياخشى بىلىملەر ئىكەن ، پات -پات  ئۇقۇپ تۇرساق بولغۇدەك .رەھىمەت سىزگە.بىر نۇسخا بېسىپ چىقىرۋالدىم مانا ئەمسە............