ئەسسالامۇ  ئەلەيكۇم  دوسلار  ياخشىمۇسىلەر  بۇ مۇنبەرگە بۈگۈن يىڭى  ئەزا  بولۇپ كىردىم  تۇنجى تىما يىزىشىم
شىپالىق رولى:
سسىق قايتۇرۇش، قان بىسىمنى تۆۋەنلىتىش، قاندىكى ۋە بەدەندىكى ماينى سېرىش، قەۋزىيەت، قۇرۇق ئىسسىقتىن بولغان بەدەندىكى ئاغرىقلارنى تۈگىتىپ ھاردۇق چىقىرىش، ئىشتىھا ئېچىش رولىغا ئىگە.
تەييارلاش ئۇسۇلى:
1. ماتېرىيال تەييارلاش:
ئىشلىتىلىدىغان ماتېرىياللار:1. قوناق ئۇنى (قوناق ئۇنى ئادەتتە ئاق قوناق ئۇنى ۋە سېرىق قوناق ئۇنىدىن ئىبارەت ئىككى خىل بولىدۇ، يومدانغا ئامال بار ئاق قوناق ئۇنى ئىشلەتسە ياخشى بولىدۇ)؛ 2. چامغۇر، باش چامغۇر ۋە چامغۇر كۆكى؛ 3. گۆش، ئۇستىخانلىق قوي گۆشى ئالاھىدە تەم ھاسىل قىلىدۇ. 4. پەمىدۇر. 5. يۇمغاقسۈت (ئاش كۆك) ياكى پېننە. 6. تېخىمۇ تەم ھاسىل قىلىش ئۇچۇن ئەتىياز ۋە يازدا غورا، كۈز ۋە قىشتا كاۋا ياكى ئۇرۇك قېقى (گۇلە) سىلىۋەتسەك بولىدۇ.
2. ئېتىش باسقۇچى
1. سۈيىنى تەييارلاش. جان سانىغا ئاساسەن قازانغا مۇۋاپىق سۇ قۇيۇپ، سۇغا ئىسسىق ئۆتمەستىلا بادام چوڭلۇقىدا تۇغرالغان گۆشنى، سەيگە
توغرالغان ياڭيۇ چوڭلۇقىدا تۇغرالغان چامغۇرنى ۋە تېخىمۇ تەم ھاسىل قىلىش ئۇچۇن ئەتىياز ۋە يازدا غورا، كۈز ۋە قىشتا كاۋا (كاۋىنى چوڭراق بولغان توخۇ تۇخۇمىدەك توغرايسىز، ئۇرۇقىنى ئىلىۋېتىسىز) ياكى ئۇرۇك قېقى (گۇلە) دىن ئادەم بىشغا 3-4 تالدىن توغرا كەلگۇدەك قىلىپ سالىسىز، ئوتتا سۈيى قاينىغاندىن كىيىن ھاسىل بولغان كۆپۇكىنى سۇزۇۋىتىپ، ئۇششاق چوقۇلغان پەمىدۇرنى سالىسىز، سۈيى ئامال بار پەس ئوتتا ئۇزاق قاينىسۇن.
2. خېمىر تەييارلاش. قوناق ئۇنىدىن جان سانىغا ئاساسەن مۆلچەرلەپ ئىلىپ خېمىر يۇغۇرلىدۇ. (دىققەت: قوناق ئۇنىنىڭ يېپىشقاقلىقى تۆۋەن بولغانلىقتىن ۋە ھەزىم بولۇشى قىيىن، ئاشقازاننى ئېچىشتۇرىدىغانلىقى ئۇچۇن بۇغداي ئۇنىدىن ئۇچتە بىر نېسبەت بويىچە ئارلاشتۇرلىدۇ) خېمىر يۇغۇرۇلغاندا چوقۇم ئىشلىتىلگەن سۇنىڭ تىمپىراتۇرسى 40-50سېلسىيە گرادۇس ئەتراپىدا بولۇشى لازىم، ئەلۋەتتە مۇۋاپىق مىقداردا تۇز قۇيلىدۇ، خېمىر چىڭ يۇغۇرلىدۇ. (خېمىر سىزگە نىسبەتەن قولاشمىغاندەك تۇيلىدۇ، بۇ نورمال، خىمىرنى ئۇزاق تېندۇرۇشقا بولمايدۇ، يۇغۇرۇپ بولۇپلا كېسىپ، تەييارلىغان قايناۋاتقان ئاش سۇيىگە سالىسىز) خېمىرنى كەسكەندە ئاۋۋال تۇگرە ئېچشتا ئىشلىتىلىدىغان پوزا ئارقىلىق تاختا ئۈستىگە 0.5 0.3-سانتىمىتر قىلىنققا كەلتۈرۈپ يايىسىز، تەكشى يېيىلغاندىن كىيىن، كەڭلىكى 0.3-0.5 سانتىمېتىر، ئۇزۇنلۇقى5 سانتىمېتىر ھالەتتە كىسىز.
3. پىشۇرۇش.
تەييار بولغان ئاش سۇيىگە كېسىلگەن خېمىرنى سېلىپ 13مىنۇتتىن 20 مىنۇتقىچە قاينىتىمىز. (دىققەت: خمىرنى تۇزسىز يۇغۇرغان ياكى سوغۇق سۇدا يۇغۇرغان، بوش يۇغۇرغان بولسىڭىز ئېزىلىپ كېتىدۇ) قوناق ئۇنى ئۇزۇندىراق پىشىدۇ،پىشقاندا تۇزىنى تەڭشەپ يۇمغاقسۈت (ئاش كۆك) ياكى پېننە، چوقۇلغان سامساقلارنى سېلىپ، بىر قاينىتىپ ئوتنى توختىتىسز.......

مۇنبەردىكى  بىر  بوشلۇقنى  تولدۇرۇپ ،  قۇۋۋەتلىك    ھەم  شىپالىق   تائامىمىزنى  يوللاپسىز   ،  سىزگە  كۆپ  رەھمەت  ،  داۋاملىق  تاتلىق  يازمىلىرىڭىزنى  كۆرۈشكە  تەشنا  بىز .