باشقۇرۇش ئەسكەرىتمىسى :

بۇ يازمىنى axtuzi نادىرلىدى .(2010-10-18)

1. دائىم يېرىم كېچىدە تاماق يېگەندە، ئاشقازان راكىنى كەلتۈرۈپ چىقىرىدۇ، چۈنكى ئاشقازان ئارام ئالمايدۇ.
2. بىر ھەپتىدە تۆتتىن ئارتۇق تۇخۇم يېمەسلىك كېرەك. بولمىسا سالامەتلىككە زىيانلىق.
3. توخۇنىڭ قۇيرىقىدا راك كەلتۈرۈپ چىقارغۇچى ماددىلار بولۇپ، ئەڭ ياخشىسى بۇ قىسمىنى يېمەسلىك لازىم.
4. مېۋىنى تاماقتىن بۇرۇن يېيىش لازىم.
5. ئاياللار ھەيز كۆرگەندە يېشىل چاي ئىچمەسلىكى، ئومۇمەن چاي تۈرىدىكىلەرنى ئىچمەي، قان تولۇقلايدىغان نەرسىلەرنى كۆپرەك ئىستىمال قىلىشى كېرەك.
6. پۇرچاق سۈتىنى ئىچىشتە تۇخۇم ۋە شېكەرنى قوشماسلىق، شۇنداقلا ئاز ئىستىمال قىلىشى كېرەك.
7. پەمىدۇرنى ئاچ قورساق يېمەسلىك كېرەك، ئەڭ ياخشىسى تاماقتىن كېيىن يېيىش كېرەك.
8. ئەتىگەندە ئورنىدىن تۇرغاندا ئالدى بىلەن بىر ئىستاكان سۇ ئىچسە، ئۆتتە تاش پەيدا بولۇشنىڭ ئالدىنى ئالغىلى بولىدۇ.
9. ئۇخلاشتىن ئۈچ سائەت بۇرۇن بىر نەرسە يېمەسلىك كېرەك، بولمىسا سەمىرىشنى كەلتۈرۈپ چىقىرىدۇ.
10. سۈتلۈك چاينى ئاز ئىچىش كېرەك، چۈنكى ئۇنىڭ ئىسسىقلىق مىقدارى ۋە ماي مىقدارى يۇقىرى بولۇپ، ھېچقانداق ئوزۇقلۇق قىممىتى يوق، ئۇنى ئۇزاق مەزگىل ئىستېمال قىلغاندا يۇقىرى قان بېسىمى، دىئابېت قاتارلىق كېسەللىكلەرگە ئاسانلا گىرىپتار قىلىپ قويىدۇ.
11. دۇخوپكىدىن يېڭىلا چىقىرىلغان بولكىنى دەرھال يېيىش مۇۋاپىق ئەمەس.
12. ئادەم بەدىنى زەرەتلەش قوندىقىدىن 30 سانتېمىتىردىن يىراق ئورۇندا تۇرۇشى، ئۇنى كارىۋاتقا قويۇشتىن قاتتىق ساقلىنىش كېرەك.
13. ھەر كۈنى سەككىز ئىستاكان سۇ ئىچىش كېرەك.
14. ھەر كۈنى 10 ئىستاكان سۇ ئىچكەندە، ئادەم دوۋساق راكىغا گىرىپتار بولمايدۇ.
15. سۇنى كۈندۈزى كۆپ، كەچتە ئاز ئىچىش كېرەك.
16. بىر كۈندە ئىككى ئستاكاندىن ئارتۇق قەھۋە ئىچمەسلىك كېرەك. بولمىسا ئۇيقۇسىزلىق، ئاشقازان ئاغرىشنى كەلتۈرۈپ چىقىرىدۇ.
17. مايلىق نەرسىلەرنى ئاز يېيىش كېرەك، چۈنكى، ھەزىم قىلىش يوللىرىنىڭ مايلىق نەرسىلەرنى ھەزىم قىلىشىغا بەش سائەتتىن يەتتە سائەتكىچە ۋاقىت كېتىدۇ ھەمدە مېڭىگە يەتكۈزۈپ بېرىلىدىغان قان سۇيۇقلىقى ئۈچەي، ئاشقازانغا مەركەزلىشىپ، ئادەمنى ئاسان مۈگىدىتىپ قويىدۇ.
18. چۈشتىن كېيىن سائەت بەشتىن باشلاپ، ئاساسلىق تاماقلارنى ئازراق يېيىش كېرەك، چۈنكى سائەت بەشتىن كېيىن ئادەم بەدىنى ئۇنداق جىق ئېنىرگىيىگە مۇھتاج بولمايدۇ.
19. ئىستېمال قىلغاندا ئادەمنى خۇشال قىلىدىغان 10 خىل يېمەكلىك: چوڭقۇر دېڭىز بېلىقى، بانان، ئۈزۈم، ئاپېلسىن، بۇغداي بولكىسى، پالەك، سامساق، كاۋا، قايماقسىز سۈت، توخۇ گۆشى، گىلاس.
20. ئۇيقۇ يېتەرلىك بولمىسا، ئادەم ئېغىرلىشىپ قالىدۇ. بىر كۈندە سەككىز سائەت ئۇخلاش كېرەك، چۈشتە ئۇخلاشنى ئادەتلەندۈرسە بالدۇر قېرىشنىڭ ئالدىنى ئالغىلى بولىدۇ.
21. ئەڭ ياخشى ئۇخلاش ۋاقتى كەچ سائەت 10 دىن ئەتىگەن سائەت 6 گىچە.
22. كۈندىلىك ئىچكەن ھاراق بىر ئىستاكاندىن ئېشىپ كەتمەسلىكى لازىم، چۈنكى ئىسپىرت ئانتتېلارنى ئىشلەپچىقارغۇچى B ھۈجەيرىنى تورمۇزلاپ، باكتېرىيە بىلەن يۇقۇملىنىش پۇرسىتىنى كۈچەيتىۋېتىدۇ.
23. دورا كاپسۇلىنى سوغۇق سۇ بىلەن ئىچىش كېرەك. كەچتە ئۇخلاشتىن يېرىم سائەت بۇرۇن ئىچىش ھەمدە ئىچىپ بولۇپ دەرھال يېتىۋالماسلىق كېرەك.
24. قارىئۆرۈك قېرىشنىڭ ئالدىنى ئالىدۇ، ياشلىقنى ساقلايدۇ، چۇس مىجەز كىشىلەر كۆپرەك ئىستېمال قىلسا پايدىلىق.
25. چاچ چۈشۈشنىڭ سەۋەبلىرى: تۈنەش، بېسىم، ھاراق _ تاماكا، مەززىلىك توخۇ قوۋۇرغىسى، ئاچچىق _ چۈچۈك قازان شورپىسى، مايلىق يېمەكلىك، تېتىتقۇ كۆپ سېلىنغان تائاملار.
26. چاچنىڭ ئۆسۈشىگە ياردەم بېرىش ئۈچۈن كاللەكبەسەي، تۇخۇم، پۇرچاق تۈرىدىكى يېمەكلىكلەرنى كۆپرەك ئىستېمال قىلىپ، تاتلىق يېمەكلىكلەرنى ( بولۇپمۇ كەمپۈتنى ) ئاز ئىستېمال قىلىش كېرەك.
27. كۈندە بىر ئىستاكان لىمون سۈيى ياكى ئاپېلسىن سۈيى ئىچكەندە تېرىنى ئاقارتىپلا قالماستىن، يەنە قارا داغلارنى سۇسلاشتۇرىدۇ.
28. ئالمىنى كۈندە بىر تالدىن يەپ بەرگەندە ئۆپكىنى تازىلاپ تۇرغىلى بولىدۇ.
29. تاماكا چىكىپ تۇرۇپ ۋىتامىن (B كاروتىن، يەنى ۋىتامىن A نىڭ بىر تۈرى) نى يىگەندە راكنى كەلتۈرۈپ چىقىرىدۇ، شۇڭا بالدۇر تاماكا تاشلاش سالامەتلىككە پايدىلىق.
30. ئاياللارنىڭ چاي ئىچىشكە بولمايدىغان بەش مەزگىلى: ھەيز كۆرگەندە، ھامىلدار بولغاندا، تۇغۇتى يېقىنلاشقاندا، تۇغۇشتىن كېيىن، ياش ئالمىشىش مەزگىلىدە.
31. تاماكا چېكىش بىلەن مۇناسىۋەتلىك كېسەللىكلەر ئۆپكە راكى، كالپۇك راكى، تىل راكى، كېكىرتەك راكى، قىزىلئۆڭگەچ راكى، شۇنداقلا دوۋساق راكى بىلەنمۇ مۇناسىۋەتلىك.
32. ھاراق ئىچىش جىگەر قېتىششنى پەيدا قىلىپ، جىگەر راكىنى كەلتۈرۈپ چىقىرىدۇ.
33. سىپارا يېگەندە ئېغىز بوشلۇقىنىڭ تالالىشى ۋە ئېغىز بوشلۇقى راكىنى كەلتۈرۈپ چىقىرىدۇ.
34. تالاسى چىقىرۋېتىلىپ، نەپىس ئىشلەنگەن يېمەكلىكلەرنىڭ ماي مىقدارى كۆپ بولىدۇ، بولۇپمۇ ماي ھالىتىدە ساقلىنىدىغان خولېسترىن ئاشقازان راكىنى كەلتۈرۈپ چىقىرىدۇ.
35. يېمەكلىك ھەددىدىن ئارتۇق يىرىك بولسا، ئوزۇقلۇق يېتىشمەي، قىزىلئۆڭگەچ راكىنى، ئاشقازان راكىنى كەلتۈرۈپ چىقىرىدۇ.
36. يېمەكلىكتىكى ئافلوتوكسېن ، نىترات كىسلاتا تۈرىدىكى ماددىلار راك پەيدا قىلىدۇ.
37. تاماكا چەكمەسلىك ھەم باشقىلار چېكىپ قويغان تاماكىنى تېخىمۇ چەكمەسلىك كېرەك.
38. ھاراقنى مۇۋاپىق مىقداردا ئىستېمال قىلىش، ئۇزاق مەزگىلگىچە ئىچمەسلىك، مەست بولغۇچە ئىچمەسلىك كېرەك.
39. تۇزلىغان، ئىسلىغان، كاۋاپ قىلىنغان يېمەكلىكلەرنى ئاز يېيىش كېرەك.
40. كۈندە يېڭى سەي _ كۆكتات ۋە مېۋىلەر بىلەن ئوزۇقلىنىش كېرەك.
41. كۈندە يۇقىرى تالالىق دانلىق زىرائەتلەر ۋە پۇرچاق تۈرىدىكىلەر بىلەن ئوزۇقلىنىش كېرەك.
42. كۈندە يېمەك _ ئىچمەكلەرنى تەڭشەپ ئوزۇقلىنىش، مىقدارىنى ئاشۇرۋەتمەسلىك كېرەك.
43. نورمال بەدەن ئېغىرلىقىنى ساقلاش، ھەددىدىن ئارتۇق سەمىرىپ كەتمەسلىك لازىم.
44. تەرتىپلىك بولغان تۇرمۇش ۋە ھەرىكەت ئادىتىنى ساقلاش زۆرۈر.
45. ئازادە، خۇشال كەيپىياتنى ساقلاش.
46. توغرا تاماق يېيىش ئادىتى: ئەتىگەندە قۇۋۋەتلىك يېيىش، چۈشتە تويغۇدەك يېيىش، كەچتە ئاز يېيىش.

ياخشى تىما بولدى مۇشۇنداق تىمىلار ئۈزۈلمىسە .

رەخمەت خىسلەتلىك تىۋىپ ،ھەقىقەتەن ئىسىدە تۇتۇشقا تىگىشلىك تۇرمۇش ساۋاتلىرى ئىكەن
تەنساقلىقىم ،بايلىقىم دەپ چوڭلار بىكار ئېيىتمىغان ،ئۈزىگە كۈيۈنىشنى بىلگەن ئادەم باشقىلارغىمۇ كۈيىنىشنى بىلىدۇ
ئۆز تەن سالاماتلىكىنى قەدىرلىمەيدىغان ئادەم ، قەدىرلەشنىڭ نىمىلىكىنى مەڭگۈ بىلمەيدۇ

كوپ رەھمەت دوستۇم ،ھەمىمىزگە پايدىلىق بولغان بىلىملەرنى يوللاپسىز!سىزدىن بەكمۇ مەمنۇن
بولدۇم.تىنىمىز  ساق بولسىلا ھەرقانداق ئىشنى ۋۇجۇتقا ئاچىقالايمىز.خۇدايىم ھەرقانداق بەندىسىنى زەررىچىلىك كىسەلدىن  نېرى قىلسۇن!

خىسلەتلىك تىۋىپ مەن بىر ئىشنى سوراپ باقسام
بىز ئادەتتە مىۋىنى كەچلىك تاماقتىن كىيىن كۆپىرەك يەيمىزغۇ  ؟
تاماقتىن بۇرۇن ياكى تاماقتىن كىيىن يىيىشنىڭ نىمە ئوخشىماسلىقى بار ؟
دىمەكچى بۇلغىنىڭىز  تاماقتىن بۇرۇن يىسە ئاشقازاندىكى شۆلگەي ۋە كىسلاتا سۇيۇقلىقىنى كۆپلەپ چىقىرىېپ  تاماق ئاشقازانغا كىرىشتىن بۇرۇن ئاشقازان تىز ھەزىم ئىقتىدارىنى ھازىرلاپ بۇلىدۇ دىمەكچىمۇ
چۈشەنچىم خاتا بۇلغان بۇلسا تۆۋەنچىلىك بىلەن تېخىمۇ ئېنىق تەدبىر بىرىشىڭىز گە تىلەكتاشمەن

رەھمەت . سىزدىن شۇنى سورىغىم كېلىۋاتىدۇ . بىلسىڭىز جاۋاپ بەرگەن بولسىڭىز .  دورىنى سوغۇق سۇ بىلەن ئېچىشنىڭ سەۋەبى نېمە ؟

مەنمۇ بىلۋالدىم ،تىما ئىگسىگە رەھمەت ،  توغرا سپارا دىگەن نىمە ؟،مەن يەپ باقماپتىكەنمەن.

بەك ياغشى تىما بولۇپتۇ،

كوپ رەھمەت ....

  بىلۋالدىم،  رەخمەت سىزگە!