مەلۇم بىر كۈنى ، پۈتۈن دۇنيادىكى يانفونى بار كىشىلەر بىرلا ۋاقىتتا « قەيەردە ئىنسانلار بولىدىكەن ، شۇ يەردە نېمە بولىدۇ ؟» دەيدىغان باش-ئايىغى يوق بىر قىسقا ئۇچۇرنى تاپشۇرۇپ ئالدى. قىسقا ئۇچۇرنىڭ ئەڭ ئاخىرىدا : « ئۇچۇر قايتۇرغان ھەمدە توغرا جاۋاب بەرگەنلەرنىڭ ھەممىسى ئۆمۈرلۈك بەخت-سائادەتكە ئېرىشىدۇ » دېيىلگەنىدى .
بۇ سوئالغا قارىتا ، بالىلار : « قەيەردە ئىنسانلار بولىدىكەن، شۇ يەردە غايە-ئىستەك بولىدۇ » دېدى . ياشلار : « قەيەردە ئىنسانلار بولىدىكەن ، شۇ يەردە خىرىس بولىدۇ » ؛ ئوتتۇرا ياشلىقلار : « قەيەردە ئىنسانلار بولىدىكەن ، شۇ يەردە مەسئۇلىيەت بولىدۇ » دېدى ؛ ياشانغانلار : « قەيەردە ئىنسانلار بولىدىكەن ، شۇ يەردە چوقۇم ئەسلىمە بولىدۇ » دېدى ...
بۇ سوئالغا بىر قىسىم دۆۋلەت ۋە رايونلارمۇ جاۋاب بەرگەن بولۇپ ، جۇڭگولىقلار : « قەيەردە ئىنسانلار بولىدىكەن ، شۇ يەردە غەيرەت-چىدام بولىدۇ » ؛ ئامېرىكىلىقلار : « قەيەردە ئىنسانلار بولىدىكەن ، شۇ يەردە تەۋەككۈلچىلىك بولىدۇ » ؛ ياپونىيىلىكلەر: « قەيەردە ئىنسانلار بولىدىكەن ، شۇ يەردە كۈرەش بولىدۇ » ؛ فرانسىيەلىكلەر : « قەيەردە ئىنسانلار بولىدىكەن ، شۇ يەردە رومانتىكا بولىدۇ » ؛ ئەنگلىيىلىكلەر : «قەيەردە ئىنسانلار بولىدىكەن ، شۇ يەردە چوقۇم مەدەنىيەت بولىدۇ» ؛ ئىراقلىقلار : «قەيەردە ئىنسانلار بولىدىكەن ، شۇ يەردە قان تۆكۈلۈش بولىدۇ» ؛ ئافرىقىلىقلار : «قەيەردە ئىنسانلار بولىدىكەن ، شۇ يەردە ئاچارچىلىق بولىدۇ» دەپ جاۋاپ بەردى .
مۇستەبىتلەر بولسا : «قەيەردە ئىنسانلار بولىدىكەن ، شۇ يەردە ھۆكۈمرانلىق قىلىنغۇچى بولىدۇ» ؛ ئۇرۇش خۇمارلار: «قەيەردە ئىنسانلار بولىدىكەن ، شۇ يەردە ئۇرۇش بولىدۇ» دەپ جاۋاب بەردى . ئامېرىكىنىڭ پارلامېنت ئەزالىرى : «قەيەردە ئىنسانلار بولىدىكەن ، شۇ يەردە قۇتراتقۇلۇق ۋە ئېغۋاگەرچىلىك بولىدۇ»؛ پارىخور خىيانەتچىلەر : «قەيەردە ئىنسانلار بولىدىكەن، شۇ يەردە ھېسسىياتنىڭ كەينىگە كىرىپ ، كەيپ-ساپاغا بېرىلىش بولىدۇ» دەپ جاۋاپ بەردى .
يازغۇچىلار : «قەيەردە ئىنسانلار بولىدىكەن ، شۇ يەردە چوقۇم ھېكايە بولىدۇ» ؛ پەيلاسوپلار : «قەيەردە ئىنسانلار بولىدىكەن ، شۇ يەردە چاقنىغان ئىدىيە بولىدۇ » ؛ رەسساملار : «قەيەردە ئىنسانلار بولىدىكەن ، شۇ يەردە گۈزەل مەنزىرە بولماي قالمايدۇ»؛ سياسىئونلار : «قەيەردە ئىنسانلاربولىدىكەن ، شۇ يەردە بويسۇنۇش بولىدۇ» ؛ ئىقتىسادشۇناسلار : «قەيەردە ئىنسانلار بولىدىكەن ، شۇ يەردە ئىش-ئەمگەك بولىدۇ» ؛ كەشپىياتچىلار : «قەيەردە ئىنسانلار بولىدىكەن ، شۇ يەردە ئىجادچانلىق بولماي قالمايدۇ» دېدى ....
تېخىمۇ كۆپ كىشىلەر بولسا ؛ « قەيەردە ئىنسانلار بولىدىكەن، شۇ يەردە مېھرىبانلىق ، مۇھەببەت ، كەلگۈسى بولىدۇ » دېيىشتى.
ئەڭ ئاخىرىدا ، ھەممە كىشىنىڭ يانفونىدا مۇنداق بىر قىسقا ئۇچۇر پەيدا بولدى : « قەيەردە ئىنسانلار بولىدىكەن ، شۇ يەردە سۆيۈش ۋە سۆيۈلۈش بولىدۇ ، بۇ ، تۇرمۇشنىڭ بىزگە بەرگەن ئەڭ ئاددىي ھەم ئەڭ چۇڭقۇر ھەقىقىتى . تۇرمۇشنىڭ مۇشۇ ھەقىقىتىنى چۈشىنەلىگەن كىشىلا ، ئۆمۈرلۈك بەخت-سائادەتكە نائىل بولىدۇ.
مەنبە؛ قەشقەر» ژۇرنىلى
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
