سالام سىلەرگە،
مەن ۋەتەندىن يىرا ق جا يدا يېڭىدىن تۇرمۇش ۆگىنىۋا تقان بىرە يلەن ،نان پىشۇرۇپ با قا ي دەپ پە قەت قا ملاشتۇرا لما يۋا تىمەن مىكرو دۇلقۇنلۇ ق وچا قتا).ياردىمىڭلارغا تولىمۇ مۇھتا جمەن. رەخمەت.

  نېنىڭىزنى  نېپىزرەك  تەييارلاپ  ،  مىكرو  دولقۇنلۇق  ئوچاقنىڭ  تەخسىسىگە  سېلىپ  قويۇپ ، 5  مىنۇتقا    توغۇرلاپ  قويسىڭىز  پىشىدۇ .

   قېنى مۇنبەردىكى ئاشپەزلەر ؟جاۋاب بەرمەيدىغۇ؟ مەنغۇ دوخوپكىدا نان پىشۇرۇپ باقمىغان ، پىچىنە پىشۇرۇپ باققان . بولمىسا تەپسىلى يېزىپ قۇياركەنمەندۇق.         

ۋەئەلەيكۇم ئەسسىلام قېرىندىشىم ئادەتتە دۇخاپكىدا پىشۇرسىڭىز ئاستىنى 240گىرادۇس
ئاستىنى 180گىرادۇس تەڭشەپ پىشۇرسىز .مىكرۇ دۇلقۇنلۇق دۇخاپكىدا ئامتۇماتلىك ۋاقىت
تەڭشەيدۇ
ئاستىدىكى ئادىرىستىن پايدىلانسڭىز بۇلىدۇ
/bbs/read.php?tid-1711.html

ئادەتتە،دوخۇپكىدا پىشۇرغان ناننى خىمىرتۇرۇچتا كۇپتۇرۇدۇغۇ دەيمەن!مەن بۇرۇن پىشىرۇپ باققان!ناننىڭ قەدرى ئوتۇلگەن چاغدا!

رەخمەت كۆپچىلىك!!!!!

ئەسسالامۇ ئەلەيكۇم سىڭلىم:
مەن ئۆزەمنىڭ نان پىشۇرۇش تەجرىبەمنى سۆزلەپ بېرەي. مەن ناننى ھېچ ئوخشىتالماي، بۈگۈن بىر خىل، ئەتىسى بىر خىل قىلىپ يۈرۈپ ھازىر خېلى يامان ئەمەس نان قىلىدىغان بوپ قالدىم.
ئاۋۋال مانتا ياكى باشقا بولدۇرىدىغان تاماقلارغا تەييار قىلغاندەك، كىچىك چاي قوشۇقتا بىر قوشۇق خېمىر تۇرۇچ بىلەن بىر قوشۇق شېكەرنى ئىسسىق سۇدا ئېرىتىپ 15 مىنۇت قويۇپ قويۇڭ، ئۈستىدىن كۆپۈنچىلەر ئۆرلەپ چىققاندا داسقا يېتەرلىك ئۇننى ئېلىۋېلىپ، تەييار بولغان خېمىرتۇرۇچ ۋە ئىسسىق سۇ بىلەن ئانچە بوش قىلىپ قويماي خېمىر يۇغۇرۇڭ.
خېمىرغا پىششىق سۈت--خام سۈت قۇيسىڭىز خېمىر بولغىچە سۈتنىڭ سۈپىتى ئۆزگىرىپ ناننىڭ تەمىنى غەيرىي قىلىپ قويىدۇ--، سۇماي دېگەندەكلەردىن قۇيۇپ سىناپ بېقىڭ، مەن ئادەتتە مايلىقراق قىلىپ پىشۇرۇشنى ياخشى كۆرىمەن، يولدىشىم مېيى جىق كەلگەن ناننى ۋەتەننىڭ نېنى پۇرايدۇ، دەپ بەك ياقتۇرىدۇ. بىر قېتىم ماي قۇيۇپ پىشۇرۇڭ، يەنە بىر قېتىم سۈت قۇيۇپ دېگەندەك، قايسىسىنى ياقتۇرسىڭىز شۇنىڭغا كۆنەرسىز.
خېمىرنى قېلىن يۆگەپ 1.5-2 سائەت ئەتراپىدا بولدۇرۇڭ، بەك ئۇزۇن بولدۇرۇۋەتمەڭ، نېنىڭىز ئاچچىق بولۇپ قالىدۇ.
بولغان خېمىرنى ئېلىپ، مۇشتۇمدەك، ياكى ئۇنىڭدىن چوڭراق قىلىپ زۇۋۇلا ئۈزۈۋالىسىز، ئاندىن ئۈزۈلگەن زۇۋۇلىنى ئىككى قولىڭىزنىڭ ئارىسىغا ئېلىپ، ئوڭ قولنىڭ باش بارمىقى بىلەن چۆرىسىنى ئىچىگە ئېلىپ يۇمۇلاقلايسىز، ھەممىسىنى قىلىپ بولغاندىن كېيىن يەنە 10-15 مىنۇت تىندۇرۇڭ.
ئاندىن يۇمۇلاقلانغان زۇۋۇلىنىڭ ئوتتۇرىسىغا ئىككى باش بارمىقىڭىزنى پاتۇرۇپ باشقا بارماقلىرىڭىز بىلەن زۇۋۇلىنى چۆرگىلىتىڭ، شۇنداق قىلىپ تاكى چۆرىسىدە ئازراق يېرى قېلىن، ئوتتۇرىسى نېپىز بولغۇچە شۇنداق ئىشلەيسىز. ئاندىن ناننىڭ يۈزىگە تۈكۈچ بولسا تۈكۈچ سالىسىز، تۈكۈچ بولمىسا چوكا ياكى ۋىلكا بىلەن چەكسىڭىز بولىدۇ.
نانغا سىيادان قوشسىڭىز تەملىك بولىدۇ، سىياداننى يۈزىگە سەپسىڭىز پىشقاندا ھەممىسى چۈشۈپ كېتىدىكەن، شۇڭا مەن خېمىرىغىلا قوشۇۋېتىمەن. ناننىڭ يۈزىگە پىيازنى چاناپ سۈرسىڭىزمۇ بولىدۇ، لېكىن بۇمۇ بىر تاللاش، ئۆزىڭىز قايسىسىنى ياقتۇرسىڭىز شۇنداق قىلىڭ.
ئەمدى تېمپىراتۇرىسىغا كەلسەك، مەن چوڭ دوخوپكا ئىشلىتىمەن، دوخوپكامنىڭ ئاستى بىلەن ئۈستى بىرلا ۋاقىتتا قىزىمايدۇ، شۇڭا مەن ئاستىنى 220 گرادۇستا قىزىتىپ پىشۇرىمەن. مىكرو دولقۇنلۇق ئوچاقتا قانچىلىك ۋاقىتتا، قانداق تېمپىراتۇرىدا پىشىدىغانلىقىنى بىلمەيدىكەنمەن، شۇڭا گرادۇسنى مەن دېگەندەك ياكى باشقا تورداشلار دېگەندەك قىلىپ تەڭشەپ، ۋاقىتنى ئاز-ئازدىن تەڭشەپ، ھەرقېتىمدا ناننى يۈزى قانداقراق، قىزاردىمۇ، ئىچى قانداقراق تەكشۈرۈپ بېقىپ، پىشىپتۇ دېگەندە ئالسىڭىز، كېيىن شۇنى ئۆلچەم قىلىۋالسىڭىز بولىدۇ.
نېنىڭىز ئاچچىق بولسا خېمىرتۇرۇچ جىق كەتكەن ۋە بەك بولۇپ ئۆتۈپ كەتكەن، تېشى پىششىق، ئىچى خامراق بولسا ئوتىڭىز يۇقىرى كەتكەن، بەكرەك قاتتىق پىشىپ قالسا ئوت تېمپىراتۇرىسى تۆۋەن بولۇپ قالغان بولىدۇ.
تۇرمۇش دېگەن شۇنداقكەن، بىر تاماقنى نەچچە قېتىم، ھەتتا نەچچە ئون قېتىملاپ ئېتىپ ئاندىن ئۆگىنىدىكەنمىز، ئاللاھ خالىسا چوقۇم ياخشى قىلالايسىز.

بۇ مەزمون6قەۋەتتىكى كۈمۈشنىڭ2010-10-08 03:58دە يوللىغان يازمىسى  :

كۈمۈش
مېنىڭمۇ  دوخوپكاممۇ چوڭ دوخوپكا ، دوخوپكامنىڭ ئاستى بىلەن ئۈستى بىرلا ۋاقىتتا قىزىمايدۇ،(ئۈستى گاز ئوچاق ئاستى دوخوپكا )
شوڭا  مەن دوخوپكامدا سامسا،  پىچىنە قاتارلىقلارقانداق پۇشۇرۇشنى بىلىمەيۋاتىمەن!بولسا تەجىربىڭىز سۆزلەپ بەرسىڭىز ،

لالە، ئىككىمىزنىڭ ئوچىقىمىز ئوخشاشكەن قارىغاندا، مېنى qq غا قوشۇڭە، شۇنىڭدا ئالدىرىماي دېيىشەيلى.
ئاۋۋال سامسىنى قىسقىچە دەپ بېرەي، خېمىرنى بوش قىلىپ، خېمىرتۇرۇچلۇق قىلىپ يۇغۇرۇڭ، تەخمىنەن يېرىم سائەت ئەتراپىدا بولدۇرۇڭ، ئاندىن ئېلىپ چوڭ بىر ئەمبەلگە يېيىڭ، قانچە يوغان بولسا شۇنچە ياخشى، مەن ئادەتتە تاماق يەيدىغان ئۈستەلنىڭ داستىخىنىنى يىغىۋېتىپ شۇنىڭغا يايىمەن. خېمىرنى قانچە چوڭ يېيىتالىسىڭىز شۇنچە ياخشى. ئاندىن ئۆي تېمپىراتۇرىسىدا ئېرىگەن سېرىق ماينى يۈزىگە تەكشى سۈركەڭ. ئاندىن بىر تەرىپىدىن تۈرمەكلەڭ. ئۇزۇنچاق پىلتىدەك بولغاندا ئۈزۈپ ئىككى قولنىڭ ئارىسىغا ئېلىپ بېسىپ تۈگسىڭىز بولىدۇ. يۇمىلاق تۈگسىڭىزمۇ، ئۈچ بۇرجەك تۈگسىڭىزمۇ بولۇۋېرىدۇ.
بىر تال تۇخۇمنىڭ ئېقى بىلەن سېرىقىنى ئايرىپ، ئېقىنى قىيمىغا قوشۇۋېتىڭ، گۆشى يۇمشاق، يېيىشلىك بولىدۇ، سېرىقىنى چوتكا بىلەن سامسىنىڭ يۈزىگە تەكشى سۈرۈڭ. ئاندىن ئۈستىگە نەچچە تال كۈنجۈت سەپسىڭىز چىرايلىق تۇرىدۇ.
دوخوپكىنى baking گە ئەكىلىپ، 450 فاھرېنخېيت ياكى 230 گرادۇسقا توغرىلاپ چىرىقىنى ياندۇرۇپ قويۇپ، پات-پات قاراپ، ئۈستى قىزارغاندا ئالسىڭىز بولىدۇ.
قايسى خىل پىرەنىكنى دېگىنىڭىزنى بىلىۋالاي، ئاندىن دەپ بېرەي.
سىز قايسى دۆلەتتە راست؟ ئۇچۇر قىلىپ دەپ بېرىڭە!

كۇمۇش ھەدە،ۋاقىت چىقىرىپ ئەستايىدىل ،تەپسىلى يازغان كۆرسەتمىڭىزگە كوپ رەخمەت. سىناپ كۆرەي.