ئانا سۈتى ھەم يېمەكلىك ئانافىلاكسىيىلىك كېسەللىكى ھەم نەپەس يوللىرىدا كۆرۈلىدىغان ئانافىلاكسىيىلىك كېسەللىكىنىڭ ئالدىنى ئالىدىكەن

تۈركىيە ئاۋازى رادىوسى خەۋىرى: ئىگىلىنىشىچە، ئانا سۈتى ھەم يېمەكلىك ئانافىلاكسىيىلىك (زىيادە سەزگۈرلۈك) كېسەللىكى ھەم نەپەس يوللىرىدا كۆرۈلىدىغان ئانافىلاكسىيىلىك كېسەللىكىنىڭ ئالدىنى ئالىدىكەن.

19 مايىس (ئاپرىل) ئۇنىۋېرسىتېتى مىدىتسىنا فاكۇلتېتى ئوقۇتقۇچىسى ۋە ئۇزۇقلىنىش مۇتەخەسسىسى دوتسېنت فۇندا ئەلماجىئوغلۇ، يەڭگىگەن ھامان ئانىنىڭ بوۋىقىغا بەرگەن تۇنجى سۈتنىڭ كۆپ جەھەتتىن ناھايىتى پايدىلىق ئىكەنلىكىنى، ئانا سۈتىنىڭ پۈتكۈل بوۋاقلار ئۈچۈن تەبىئىي ئۇزۇقلۇق ئىكەنلىكىنى، بوۋاقلارغا دەسلەپكى 6 ئاي ئىچىدە پەقەتلا ئانا سۈتى بېرىشنىڭ تولىمۇ زۆرۈرلۈكىنى ئەسكەرتىش بىلەن بىر ۋاقىتتا، ئانا سۈتىنىڭ ئىممۇنىزاتسىيىلىك سىستېمىسىنى قوغداش تەسىر كۈچىگە ئىگە ئىكەنلىكىنى قەيت قىلىپ مۇنداق دېدى: «ئانا سۈتى بوۋاقلارنى قوغداشتا گۇيا قالقانغا ئوخشايدۇ. شۇڭا، بوۋاقلارغا چوقۇم تۇنجى سۈت بېرىلىشى كېرەك. سۈت پاراشوكلىرىدا ئىممۇنىزاتسىيىلىك سىستېمىسىگە ئائىت ھېچقانداق بىر ماددا يوق. بىراق، ئانا سۈتىنىڭ كۆپلىگەن دورىلارغا قارىغاندا شىپالىق رولى ئىنتايىن زور. چۈنكى، ئانا سۈتى، ئۆزىنىڭ تەركىۋى قىسمىدىكى بەزى ئېنىزم ماددىلىرى ئارقىلىق بوۋاقلارنىڭ ھەزىم قىلىشىنى تېخىمۇ قولايلاشتۇرىدۇ، ھەمدە نۇرغۇنلىغان كېسەللەرنىڭ ئالدىنى ئالىدۇ. بۇ نۇقتىدىن ئېلىپ ئېيتقاندا، ئانا سۈتى ھەم يېمەكلىك ئانافىلاكسىيىلىك كېسەللىكى ھەم نەپەس يوللىرىدا كۆرۈلىدىغان ئانافىلاكسىيىلىك كېسەللىكىنىڭ ئالدىنى ئالىدۇ.»

ياخشى تىمىكەن  رەخمەت  مەن شۇڭا  كىچىك چېغىمدا  كۆپ ئىمىۋالغان  ھې .......

مەن ئۇچ يېشىمغىچە ئانامنى ئىمىپتىكەنمەن  شۇڭا بەك سىمىز ھەم ساغلام

ئۇلۇغ ئانىلارنىڭ تېنىنى سالامەت ، كۇنلىرىنى سائادەتلىك قىلسۇن.