چاچ ئاسراش ئۇسوللىرى
1.تۇخۇمنىڭ ئىقىنى ئايرىۋىلىپ،چاچ يۇيۇش سۇيۇقلىقى بىلەن تەكشى ئارلاشتۇرۇپ،ئۇنىڭ بىلەن بىشىڭىزغا سۈرۈپ،بىشىڭىزنى يەڭگىل ئۇۋىلاپبېرىڭ،ئاندىن چاچنى پاكىز يۇيۇپ بۇلۇپ،تۇخۇم سېرىقىغا ئازراق ئاچچىقسۇنى ئارلاشتۇرۇپ،بىشىڭىزغا چىپىپ،چاچنى ئىسسىق لۈڭگىدە ئوراپ،بىر سائەت تۇرغازغاندىن كىيىن چاچنى پاكىزە يۇيىۋەتسىڭىز بۇلىدۇ.(ھەپتىدە بىر قىتىم)
2.خېنىغا ئوسما قۇشۇپ باشقا چاپسا چاچنى قارايتىدۇ ھەم پارقىرىتىدۇ.
3.ئانار يىلتىزىنى قاينىتىپ سۈيىدە باشنى يۇسا چاچ چۈشۈشنى تۇختىتىدۇ.-------------------------------------------------------------------------------------------------------------
چېچىڭىز چۈشىۋاتامدۇ؟
چاچ ئادەم بەدىنىنىڭ گۈزەللىكىنى ساقلاشتا مۇھىم رولغا ئىگە. ئەگەر كۈندىلىك تۇرمۇشتا بەزى ئادەتلەرگە دىققەت قىلمىساق، چاچنىڭ شالاڭلىشىشى ۋە چۈشۈپ كېتىشى كېلىپ چىقىدۇ. شۇڭا كۈندىلىك تۇرمۇشتا چاچنىڭ چۈشۈشىنى كەلتۈرۈپ چىقىرىدىغان ناچار تۇرمۇش ئادەتلىرىدىن قول ئۈزۈپ، ساغلام تۇرمۇش ئادەتلىرىنى يېتىلدۈرۈشىمىز لازىم.
1. ئوزۇقلىنىش ئادىتىگە دىققەت قىلىش كېرەك. چاچ ئادەم بەدىنىنىڭ بىر قىسمى بولۇش سۈپىتى بىلەن ئۇنىڭ ئۆسۈشى، يېڭىلىنىشى، نورمال قۇرۇلمىسىنى ساقلىشى ۋە ئىقتىدارىنى جارى قىلدۇرۇشى ئۈچۈن، ئوخشاشلا ئوزۇقلۇق ماددىلارنىڭ يېتەرلىك بولۇشىنى تەلەپ قىلىدۇ. شۇڭا چاچنىڭ ئۆسۈشى ئۈچۈن كېرەكلىك ئاقسىل، ھەر خىل مىنېرال ماددا قاتارلىق ئوزۇقلۇق تەركىبلەر مولراق يېمەكلىكلەرنى كۆپرەك ئىستېمال قىلىش كېرەك.
2. دەم ئېلىشقا ئەھمىيەت بېرىش كېرەك. زىيادە چارچاش ئادەم بەدىنىنىڭ نورمال فىزىئولوگىيىلىك ئىقتىدارىغا تەسىر يەتكۈزۈپ، قان تەركىبىدىكى ھەر خىل ھورمۇنلارنىڭ نورمالسىزلىقىنى كەلتۈرۈپ چىقىرىدۇ. ئۇنىڭدىن باشقا يەنە زىيادە چارچاش بەدەندىكى ئېنېرگىيىنى زىيادە خورىتىۋېتىدۇ. بۇنداق ئەھۋال ئۇزاق داۋاملاشسا، بارا – بارا چاچنىڭ چۈشۈپ كېتىشىنى كەلتۈرۈپ چىقىرىدۇ. شۇڭا خىزمەت بىلەن دەم ئېلىشنى مۇۋاپىق بىرلەشتۈرۈش كېرەك.
3. چاچنى يالتىراق تاغاق بىلەن تارىماسلىق كېرەك. يالتىراق تاغاق ئاسانلا ستاتىك ئېلېكتر ھاسىل قىلغاچقا، چاچقا ۋە باش تېرىسىگە زىيانلىق.
4. باش كىيىمىدىن شامال ئۆتۈشۈپ تۇرىدىغان بولۇشى كېرەك. ئۇزاق مەزگىل شامال ئۆتۈشمەيدىغان باش كىيىمى كىيگەندە چاچ ئۆسۈش نۇقتىلىرىدىكى تېرە ۋە مۇسكۇللارنىڭ ئېلاستىكىلىقى يوقايدۇ، بۇنىڭ بىلەن چاچ چۈشۈپ كېتىدۇ.
5. چاچ يۇيۇش ئۇسۇلىغا دىققەت قىلىش كېرەك. چاچ يۇغاندا باشنى ئۇۋۇلاپ بەرگەندە، قان ئايلىنىشنى ئىلگىرى سۈرۈپ، چاچقا كېرەكلىك ئوزۇقلۇق ماددىلارنىڭ تەمىنلىنىشىنى ياخشىلايدۇ.
6. چاچ قۇرۇتقۇچنى مۇۋاپىق ئىشلىتىش كېرەك. چاچ قۇرۇتقۇچ چىقارغان شامال ئىسسىق بولغاچقا، ئۇ ئاقسىلدىن تەركىب تاپقان چاچ توقۇلمىلىرىنى بۇزۇۋېتىدۇ.
7. مايسىزلاندۇرۇش خۇسۇسىيىتى كۈچلۈك چاچ يۇيۇش سۇيۇقلۇقىنى ئىشلەتمەسلىك كېرەك. مايسىزلاندۇرۇش خۇسۇسىيىتى كۈچلۈك چاچ يۇيۇش سۇيۇقلۇقىنىڭ سۇسىزلاندۇرۇش خۇسۇسىيىتى كۈچلۈك بولۇپ، چاچنى ئاسانلا قۇرغاقلاشتۇرۇپ، باش تېرىسىنى زەخىملەندۈرىدۇ.
8. تاماكا چەكمەسلىك، ھاراق ئىچمەسلىك كېرەك.
9. قەۋزىيەتنىڭ ئالدىنى ئېلىش كېرەك. دائىم قەۋزىيەت بولىدىغان كىشىلەرنىڭ باش چوققىسىنىڭ چېچى چۈشۈپ كېتىدۇ.
10. روھىي بېسىمنى تۈگىتىش كېرەك. روھىي بېسىمنىڭ چاچقا كۆرسىتىدىغان تەسىرى چوڭراق بولىدۇ. ئۇزاق مەزگىل روھىي بېسىم تۈپەيلىدىن ئىچى سىقىلىش، قايغۇرۇش ياكى تۇيۇقسىز زور روھىي بېسىمغا دۇچ كېلىش چاچنىڭ چۈشۈپ كېتىشىنى كەلتۈرۈپ چىقىرىدۇ. ئۇنىڭدىن باشقا ئادەم روھىي بېسىم تۈپەيلىدىن ئىشتىھاسى تۇتۇلىدۇ، ئوزۇقلۇق باشقا ۋاقىتقا قارىغاندا نىسبەتەن تۆۋەنلەيدۇ، بۇنىڭ بىلەن، ئادەم ئورگانىزمىنىڭ فۇنكسىيىلىك ئىقتىدارى تۆۋەنلەپ، قان ئايلىنىش تۇراقسىزلىشىپ، چاچنىىڭ چۈشۈشىنى كەلتۈرۈپ چىقىرىدۇ.
شىنجاڭ گېزىتىدىن ئېلىندى.
[ بۇ يازمابودەكتەرپىدىن2010-08-30 17:07دە قايتا تەھر ]
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
