«تاماكا چېكىش بەدەنگە زىيانلىق » دىگەن ئۇقۇمنى گەرچە ھەمىمىمىز ناھايىتى ياخشى بىلسەكمۇ، يەنە نۇرغۇنلىغان كىشىلەر بۇ خىل يامان ئادەتتىن يىراقلىشالمايۋاتىدۇ. تاماكىنىڭ ئىسىدا سالامەتلىككە زىيانلىق بولغان ناھايىتى نۇرغۇن زەھەرلىك ماددىلار بولۇپ، ئۇلار ئادەم بەدىنىگە زور زىيانلارنى كەلتۈرىدۇ. مەسىلەن: تاماكا تەركىبىدىكى بېنزىپرىن ئۆپكە راكىنى پەيدا قىلىشتىكى ئەڭ چوڭ ئامىللارنىڭ بىرى. نىكوتىن ۋە كاربون چالا ئوكسىد بولسا تاجىسىمان كېسلى ۋە قان تومۇرلارنىڭ بوتقىسىمان قېتىشىشىنىڭ پەيدا بولۇشى بىلەن زىچ باغلىنىشلىق ھىدروگىن سىيانىت كىسلاتاسى ۋە كاربۇن چالا ئوكسىد قاتارلىقلار كاناي ياللۇغى ۋە ئۆپكە ھاۋالىق ئىششىقىنى كەلتۈرۈپ چىقىرىدۇ. دۇنيا سەھىيە تەشكىلاتىنىڭ مەلۇماتىغا قارىغاندا %90 ئۆپكە راكى ، %75 ئۆپكە ھاۋالىق ئىششىقى ، %25 تاجىسىمان يۈرەك كېسەللىكنى تاماكا چېكىش كەلتۈرۈپ چىقىرىدىكەن، يەنە باشقا نۇرغۇن كېسەللىكلەر تاماكا چېكىش بىلەن زىچ باغلىنىشلىق ، بۇنىڭدىن سىرت تاماكا چەككۈچىلەر يەنە ئەتراپىدىكىلەرگە ۋاستىلىق، زىيانكەشلىك قىلىدۇ. ئىقتىسادىي جەھەتتىن ئىسراپچىلىق قىلىدۇ. تېخىمۇ بەدبۇي پۇراپ كىشىنى سەسكەندۈرىدۇ. چوڭ بالايىئاپەتلەرنىڭ سەۋەبچىسى بەزىدە بىر تال تاماكا قالدۇقى بولۇپ قالىدۇ. شۇنىڭ ئۈچۈن تاماكا چېكىشنى چەكلەش ئىنتايىن مۇھىم بولۇپ بالىلاردىن باشلاپ ساغلاملىق تەربىيسىنى كۈچەيتىش كېرەك. چۈنكى، تاماكا چېكىشنى قانچە كىچىك چاغدىن باشلىغان بولسا، يۇقىرىدا سۆزلەپ ئۆتكەن كېسەللىكلەر شۇنچە كۆپ ھەمدە ئەھۋالىمۇ شۇنچەئېغىر بولىدۇ . ياش – ئۆسمۈرلەر تاماكا چەككەندە چوڭلارغا قارغاندا تېخىمۇ زور زىيانغا ئۇچرايدۇ چۈنكى، ئۇلار دەل ئۆسۈپ يېتىلىش باسقۇچىدا تۇرغانلىقتىن پۈتۈن بەدىنى زىيانلىق ماددىلارنى تېخىمۇ ئاسان سۈمۈرىۋالىدۇ. ئۇندىن باشقا ھامىلدار ئاياللار تاماكا چەكسە ياكى داۋاملىق  تاماكا چەككەن مۇھىتتا تۇرسا ھامىلە چوڭ تەسىرگە ئۇچراپ غەيرى ياكى ياخىشى يىىتىلمىگەن بوۋاقلار تۇغۇلىشى مۇمكىن.

شۇنى دەڭە!بىلىپ تۇرۇپمۇ بۇنداق ئىشلارغا ئەمەل قىلمايۋاتىمىز تۇرمۇشىمىزدا!مۇشۇنداق پايدىلىق بىلىملەرنى كوپرەك تەشۋىق قىلساق بولاتتى!