باشقۇرۇش ئەسكەرىتمىسى :

بۇ يازمىنى axpaz نادىرلىدى .(2009-03-25)

1. ئۇزاق مەزگىل ناشتا قىلمايدىغان كىشىلەرنىڭ ئۆت سۇيۇقلۇقىنىڭ قويۇقلۇق دەرىجىسى ئېشىپ كېتىپ ، خولېستېرىننىڭ يىغىلىپ قېلىشىنى كەلتۈرۈپ چىقىرىدىكەن . نەتىجىدە ئۆتتە تاش پەيدا بولۇش، يۈرەك مۇسكۇل تىقلمىسى كېسىلىگە گىرىپتار بولۇش نىسبىتى يۇقىرى بولىدىكەن.
   2. ئۇزاق مەزگىل زوڭزىيىپ ئولتۇرۇپ تاماق يەيدىغان كىشىلەر ئاسانلا ئاشقازان يارىسى كېسىلى بولۇپ قالىدىكەن.
   3. دائىم قىزىق تاماق يەيدىغانلار ئاسانلا كېكىردەك ۋە ئاشقازان راكىغا گىرىپتار بولىدىكەن.
   4. تاماقنى دائىم تېز يەيدىغان ياكى يۇمشاقراق چايناپ يېمەيدىغانلار ئاسانلا ئاشقازان ياللۇغى، ئاشقازان يارىسى  قاتارلىق كېسەللىكلەرگە گىرىپتار بولىدىكەن.
   5. زىيادە تويۇنۇپ تاماق يېيىشكە ئادەتلەنگەنلەر ھەزىم قىلىش ئىقتىدارى ناچارلىشىش نەتىجىسىدە كېلىپ چىققان يۇقىرى قان بېسىم، تاجىسىمان ئارتېرىيىلىك يۈرەك كېسىلى قاتارلىق كېسەللەرگە گىرىپتار بولىدىكەن.
   6. ئاز تاماق يەپ ئادەتلەنگەن كىشىلەردە ئوزۇقلۇق يېتىشمەسلىك كۆرۈلىدىكەن.
   7. تۇزلۇق تاماق يەپ ئادەتلەنگەنلەر يۇقىرى قان بېسىم كېسەللىكىگە ئاسانلا گىرىپتار بولىدىكەن. ئۇنىڭدىن باشقا تۇزلۇق تاماق يۈرەك، جىگەر، بۆرەك قاتارلىق ئەزالارغىمۇ زىيانلىق ئىكەن.
   8. تاتلىق تاماق يەپ ئادەتلەنگەنلەر يۈرەك قان تومۇر كېسەللىكى، سېمىزلىك، دىئابىت كېسەللىكلىرىگە گىرىپتار بولىدىكەن.
   9. تاماقنى كەچ يېيىشكە ئادەتلەنگەنلەر ئاسانلا سۈيدۈك يولىغا تاش چۈشۈش، تاجىسىمان ئارتېرىيىلىك يۈرەك كېسىلى، ئۈچەي راكى، سېمىزلىك قاتارلىق كېسەللىكلەرگە گىرىپتار بولىدىكەن. ئادەتتە كەچلىك تاماق يەپ ئۈچ سائەتتىن كېيىن يېتىپ ئۇخلىسا مۇۋاپىق بولىدىكەن.


ئۈرۈمچى كەچلىك گېزىتىدىن

بۇ ياخشى تىما ئىكەن، كۈندىلىك ئوزۇقلىنىشتا پايدىلىنىش قىممىتى ناھايىتى زوركەن، رەھمەت سىزگە.

مەن مۇشۇ  ئەتىگەندە پەقەت تاماق يەممەيمەندە

ئەتىگنلىك ناشتا بىر كۇنلۇك خىزمەت ئۇچۇن مۇ بەك مۇھىم

مىنىڭ ئەتىگەنلىك ناشتام چۈشتە بولىدۇ ئەتىگەندە پەكەت ۋاقىت چىقىرالمايمەن .

كۆپىنچىمىز ناشتا قىلمايمىزغۇ دەيمەن ؟
بۇنىڭ ئىچىدە مەنمۇ بار .....

ھەي ....مۇشۇنداق نەزىرىيەلەرنى سۆزلەڭ دىسە ھەممىمىز بىلىمىز ،
ئەممازە  ، ئەمەل قىلىدىغىنىمىزدىن قانچىمىز بارمىز ؟


ھاياتتا ھەممىدىن تەس ئىش :
ئادەتلەنگەن تۇرمۇش ئۇسۇلىنى ئۆزگەرتمەك بولسا كېرەك ؟

ئۆزىڭىزگە دىققەت قىلىپ قاراپ بېقىڭ ؟
نۇرغۇن كەمچىللىكلىرىمىزنىڭ ھەممىسى مۇشۇ < ئادەتلىنىپ قالغان > لىقتىن ....

مەنمۇ  ئەتىگەنلىك ناشتىنى بەك كىيىن قىلىپ ئۈگۈنۈپ قاپتىمەن   ھەي  .........

مەنمۇ  شۇ ....................بەزى  كۇنلىرى  ئەتىگەندە  بىشىم  قىيىپ ئاران ئورنۇمدىن  تۇرىمەن ..