ئاشپەز بىز يالقۇنلۇق ئوتتا تاۋلانغان،
رىشتىمىز كەسپكە مەھكەم باغلانغان.
ئەجىر ۋە مېھنەتتىن قۇتلار قازانغان،
ئاشپەزبىز نامىمىز ئەلگە تارالغان.
جەڭگاھتۇر ئاشخانا ،بىز ئاڭا پالۋان،
ساپلىق ۋە قازاننى قىلىمىز قالقان.
ئۆزگىچۇن مۈشكۈلنى قىلىمىز ئاسان،
شاھ تائام بابىدا يىگانە سۇلتان.
بىزشۇنداق جاپاكەش مېھنەتكەش ئىنسان،
تۈمەنمىڭ لەززەتلىك تەملەر ياراتقان.
ئۇيغۇرۇم تائاملىرىن ئەلگە تاراتقان،
قەلبىمىز ئەل قەلبى بىلەن تۇتاشقان.
ئاشپەز بىز ئەھدىمىز ھەممىگە ئايان،
ئەجداتلار ئىزىنى باسىمىز ھامان.
خەلقئارا سەھنىدە قىلىپ بىز جەۋلان،
كەسپىمىز نۇرىنى چاچىمىز ھەريان.
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
