كۆكتات ئىستىمالى ھەققىدە
1.باش پىياز بىلەن كۈدىنى ئارىلاشتۇرۇپ تاماق قىلىشقا ياكى قورۇپ يىيىشكە بولمايدۇ.دىققەت قىلمىغاندا ئادەم بەدىنىدە ئاق كېسەل پەيدا قىلىدۇ.
2.غولپىياز بىلەن ھەسەلنى قەتئىي ئارىلاشتۇرۇپ يىيىشكە بولمايدۇ،چۈنكى بۇلار ئاشقازاندا ئۆز-ئارا ئارىلىشىپ زەھەرگە ئايلىنىدۇدە،يەڭگىل بولسا قۇسۇش،ئىچى سۈرۈش ئەھۋاللېرى يۈز بېرىدۇ.
3.رېستۇرانلېرىمىزدا تاماق يىگەندە بېلىق قىسقۇچپاقا دىگەنلەرنى پىدىگەن بىلەن ئارىلاشتۇرۇپ يىيىشكە بولمايدۇ.چۈنكى ئۇلار ئاشقازان سۇيۇقلىقى بىلەن رىئىكسىيىلىشىپ يامان ئاقىۋەت پەيدا قىلىدۇ.
4.كۈدە، پالەك ئارىلاشتۇرۇلغان ھەم ياغدا پۇشۇرۇلغان ،قارا ئاشلىقتىن تەييارلانغان تائاملارنى ئەتكەن چاي بىلەن ئىستىمال قىلىشقا بولمايدۇ.چۈنكى ئادەمنىڭ ئىچىنى سۈردۈرۈپ كەم ماغدۇر قىلىپ قويىدۇ.
5.غولپىيازنى كۆپ ئىستىمال قىلىشقا بولمايدۇ،كۆپ ئىستىمال قىلغاندا كۆپ تەرلەيدىغان ،قولتۇق،ئېغىز پۇرايدىغان بولۇپ قالىدۇ.
6.سامساقنى كۆزى،ئاشقازىنى ئاغزى،چىشى،گال ،تىلى ئاغرىيدىغان كىشىلەر ئىستىمال قىلىشقا بولمايدۇ.
7.تەرخەمەكنى سوغۇقچان كىشىلەر كۆپ ئىستىمال قىلىشقا بولمايدۇ،دىققەت قىلىنمىسا ئېچ سۈرۈشنى،قوساق ئاغرىشنى،قەي قىلىشنى كەلتۈرۈپ چىقىرىدۇ.
8.پىدىگەننى كەچكۈز ئايلېرى كۆپ ئىستىمال قىلىشقا بولمايدۇ.چۈنكى بو ئايلاردا پىدىگەننىڭ ئۇرۇقى كۆپ بولۇپ،كۆپ ئىستىمال قىلىنسا ئادەمنىڭ كۆرۈش قۇۋۋىتىنى ئاجىزلاشتۇرىۋىتىدۇ.
9.قىرتاق كاۋا،كۈدە،كاشتان مېغىزى قاتارلىقلارنى ئارىلاشتۇرۇپ يىيىشكە ھەم ھەسەل بىلەن بىرگە ئىستىمال قىلىشقا بولمايدۇ.
10.پىياز بىلەن سامساقنى ئىستىمال قىلغاندا يىلتىزىنى چوڭقۇرراق ئېلىۋىتىش لازىم،چۈنكى ئۇلارنىڭ يىلتىزى ئاسان ھەزىم بولمايدۇ.
11.ئەتىيازدا كۆكلەپ كەتكەن ياڭيۇنى يىمەسلىك كېرەك.دىققەت قىلمىغاندا ئادەمنى زەھەرلەيدۇ. مىۋىلەر ئىستىمالى ھەققىدە
1.ياز كۈنلېرى پىشقان ئۆرۈك يەپ ئۈستىگە قىزىق چاي ئىچىشكە بولمايدۇ.ئۆرۈك يەپ ئۈستىگە سوغۇق سۇ ياكى ئۆرۈك مېغىزىدىن بىر نەچچە تال يەۋەتسە سىڭىپ كېتىدۇ.
2.ئۈجمە(جۈجەم)نى تويغۇچە يەپ ئىسسىق چاي ئىچىش كېرەك،سوغۇق سۇ ئىچىشكە قەتئىي بولمايدۇ.
3.قوغۇن يەپ ئۈستىگە ھەسەل يىيىشكە قەتئىي بولمايدۇ.
4.ناشتىدا چاي ئىچىشتىن بۇرۇن ھەرگىز ھۆل مىۋە يىمەسلىك كېرەك.دىققەت قىلمىسا ئاشقازان كېسەللىكىنى پەيدا قىلىدۇ.
5.گىلاسنى نەپەس يولى ئاغرىيدىغان،كۆپ يۆتىلىدىغان،دىمى سىقىلىدىغان زىققا كېسىلى بارلار كۆپ يېيىشكە بولمايدۇ،دىققەت قىلمىسا ئىچىنى سۈردۈرىۋىتىدۇ.
6.ئاق شىكەرنى كۆپ ئىستىمال قىلماسلىق كېرەك،دىققەت قىلمىسا چىش ئاغرىقى ھەم ئاشقازان كېسەللىكىنى كەلتۈرۈپ چىقىرىدۇ.
مەنبە:شىنجاڭ ياشلىرى
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
