مەن بۇ تاماقنى باشقىلاردىن ئۆگىنىۋالغان كەم قالغان يەرلىرى بولسا ئۇستاملار تەلىم بېرەرسىلەر؛   بۇتاماقنىڭ ئسمىنى گولۇبۇس(يەر شارى)دەيدىكەن ئسمىنى مەنمۇ ئېنىق بىلمەيمەن
ماتىريالى:قوۋۇرغا گۆش ،قۇيرۇق ماي ،كالا گۆشى،گۈرۈچ،كۆكمۇچ،پەمىدۇر،كاللەك بەسەي،باش پىياز،سامساق،زەنجىۋىل،سۇماي، يۇمغاقسۇت قاتارلىقلار ئېھتىياجىغا قاراپ مۇۋاپىق مىقتاردا؛
خۇرۇچلار:زىرە،ئاقمۇچ،زەنجىۋىل،جىاڭيۇ،ئاچچىقسۇ،تېتىتقۇ،تۇز،
ئېتىش ئۇسۇلى: 1.ئاۋال گۈرۈچنى دۈملەپ پىشۇرۋالىمىز،،قۇيرۇق ماي ۋە كالا گۆشىنى ئۇششاق چانايمىز،بىر تال پىياز،كۆكمۇچ بىلەن پەمىدۇرنىمۇ ئۇششاق  چانايمىز،بۇلارنى بىر قاچىغا سېلىپ ئۈستىىگە زىرە ئاقمۇچ زەنجۋىل تۇز قاتارلىقلارنى سېلىپ تەكشى ئارلاشتۇرۇپ قىيما تەييارلايمىز
2.كاللەك بەسەينى يوپۇرماقلىرىنى پارچە قىلۋەتمەي بىرتال بىر تالدىن ئاجىرتىپ قايناق سۇدىن ئۆتكۇزۇپ تەييارلايمىز
3.تەييارلىۋالغان قىيمىنى قايناق سۇدىن ئۆتكۇزۇپ  تەييارلىۋالغان كاللەك بەسەيگە ئوراپ تۈگۈپ  تەييارلايمىز
4.قازانغا ماي قۇيۇپ قىزىغاندا پارچىلاپ تەييار قىلغان قوۋۇرغا گۆشىنى سالىمىز، گۆش سارغىيىپ پىشقاندا پىياز،تۇز،زەنقجۋىل سامساق كۆكمۇچ،پەمىدۇر جىاڭيۇ،ئاچچىقسۇ،تېتىتقۇ ،تۇز،قاتارلىقلارنى رېتى بۇيىچە سېلىپ ئۇزاق قورىۋەتمەيلا  گۆش چىلاشقۇدەك سۇ قۇيىمىز ، قاينىغاندا تەمىنى تەڭشەپ ئۈستىگە تۈگۈپ تەييارلىۋالغان تۈرمەللەرنى بىرتال بىر تالدىن تىزىپ قويىمىز ،ئاندىن تۇۋاقنى پېپىپ 15مىنۇتتىن 25مىنۇت ئەتراپىدا دۇملەيمىز ،
5. تۈرمەللەرنى بىرتال بىر تالدىن لېگەنگە چىرايلىق تىزىپ ئۈستىگە گۆشنى تىزىپ ئۈستىگە بېزەك ئۈچۈن بىر نەچچە تال يۇمغاقسۇت سالىمىز؛ تەييار بولغان تائامنى دا ستىخانغا ئەزىز مىھمانلارنىڭ ئالدىغا كەلتۈرىمىز

ئاللاھ قولىڭىزغا بەرىكەت ئاتا قىلغاي