سۇئال: مۇھەممەتجان ئاكا ، ئانا تىل ۋە ئۇنىڭغا بولغان ساداقەت ، مەسئۇلىيەت ئۈستىدە ناھايىتى مېغىزلىق پاراڭ قىلىپ بەردىڭىز . سىزدىن سوراپ باقسام،  سىز شېئىرىيەت ھەۋەسكارلىرىنىڭ ئەسەرلىرىگە تۈزىتىش بەرگەندە ئەنئەنىۋى شېئىرلارنى ئاساس قىلامسىز ياكى گۇڭگا شېئىرلارنىمۇ؟
   جاۋاپ؛ ئەنئەنىۋى شېئىرلارنى ئاساس قىلىمەن. چۈنكى ، داستان ، ناخشا تېكىستى دىگەنلەرنىڭ ھەممىسى شۇنىڭدا ، گۇڭگا شېئىرلاربىلەن ساتىرا ، فېليەتۇن قاتارلىقلارنىڭ يېزىلىپ باققىنىنى تېخىمۇ كۆرمۈدۇق.
  ئۇيغۇر ئەنئەنىۋى شېئىرىيىتىنىڭ ئارۇز ۋە بارماق ۋەزىنلىرى گۈزەل شەكلى ، مۇكەممەل قائىدىلىرىگە تولغان شېئىرىيەت گۈلزارى. خەلقىمىز ئۇزاقتىن بۇيان ئۇنىڭدىن خۇشبۇي گۈللەرنى ھىدلاپ كېلىۋاتىدۇ. شېئىرىيەت ھەۋەسكارلىرىمىز ئۈچۈن ئۇنىڭدىنمۇ گۈزەل باغ يوق. مەن ئاشۇ شېئىرىيەتنى دەرس قىلدىم. ئۇلارنىڭ ئۆزلىرىمۇ ئەنئەنىۋى شېئىرىيىتىمىز يولىدا مەشق قىلىۋاتىدۇ. ماڭا شۇنچە يىللاردىن بۇيان گۇڭگا شېئىر كۆتۈرۈپ كەلگەن بىرمۇ ھەۋەسكار يوق.
    سۇئال :  يەنە بىلگۈم كېلىۋاتىدۇ ، ھەۋەسكارلىرىڭىزغا قويغان تەلەپلىرىڭىز ئىچىدە سىزنىڭ ئەڭ ئاساسىي تەلىبىڭىز قايسىلار؟
   جاۋاپ؛  ئاساسلىقى ئىككى ، بىرى، كۆپ كىتاپ ئوقۇش، يەنە بىرى ، قاتتىق مەشىق قىلىش. كىتاپ ھەققىدە ئاجايىپ ئورۇنلۇق تەبىر ۋە تەرىپلەر بار. ئۇ بىزگە دۇنيانى تولۇق ۋە توغرا تونۇتۇدۇ، نۇرغۇن دانالارنىڭ سۆھبەتلىرىگە داخىل قىلىدۇ، ئاجايىپ ھىكمەتلەر بىلەن ئويلاندۇرىدۇ. سىزنى مەنىۋى كامالەتكە يېتەكلەيدۇ. كۆپ كىتاپ ئوقۇغان كىشى ئىگىزدە تۇرۇپ يىراقنى كۆرۈدۇ. كىتاپ ئوقۇمىغان كىشى دۇنيانى قۇدۇقنىڭ ئاغزىچىلىكلا دەپ قارايدۇ. مېنىڭ ئىخلاسمەنلىرىم بىر قىز سىتودىنت بار ئىدى ، خەنزۇچە ساۋادىمۇ ناھايىتى ياخشى بولسا كېرەك، خەنزۇ يازغۇچىلىرىدىن باجىن ، لاۋشېلارنىڭ بىر نەچچىدىن كىتاپلىرىنى ئوقۇپ بۇپتۇ، ماڭا يازىدىغان خەتلىرىدىن ئۇنىڭ كىتاپ ئوقۇش ئارقىلىق نۇرغۇن ئىشلارنى بىلىپ كەتكەنلىكى ھەم سۆزمەنلىكى چىقىپ تۇراتتى. مەن ئۇنىڭ چىققانلىكى كىتاپنى ئوقۇيدىغانلىقىدىن سۆيۈنەتتىم . بىز ئەسرالاشقانچە ئۇ بىر كۈنى ماڭا بىر پارچە خەت بىلەن رەسىمىنىمۇ ئېۋەتىپ ، خەتكە: مۇئەللىم ، مېنىڭ چىرايىم بەك سەت ، رەسىمنى كۆرۈپ بولۇپلا قايتۇرۋېتىڭ ، دەپ يېزىپتۇ. ئەمما مەن رەسىمنى قايتۇرماي ، ئۈستىلىمدىكى نۇرغۇن رەسىملەرنىڭ ئەڭ ئۈستىگە تىزىپ قويدۇم. مەن بۇ كىتاپ خۇمار قىزنى بەكمۇ قەدىرلەيدىغان بولۇپ قالغان ئىدىم. ئەپسۇسكى مېنىڭ ھەۋەسكارلىرىم ئارىسىدا ئۇنداق بېرىلىپ كىتاپ ئوقۇيدىغنلار بەك ئاز.
   قاتتىق مەشق قىلىش ــ ۋاقىتنى چىڭ تۇتۇش دىگەنلىك . ۋاقىتنى چىڭ تۇتمىغانلاردىن يازغۇچى ، شائىر چىقمايدۇ.

بۇ شىېر پىشۋاسىنىڭ سۇھبىتىنى يوللاپ ئەجەپ بەلەن قىپسىز  !
خىلى كوپ نەرسىلەرنى بىلۋاالدىم،لىكىن مىنىڭ بىر دوستۇم شۇنداق دىۋىدى بىر بولتىسى يوق ئادەم شاېر ئىككى بولتىسى يوق ئادەم يازغۇچى .... دەپ ،بۇ شىېر پىشۋاسىنىڭ زادى قانچە بولتىسى يۇقتۇ ؟
ئەجەپ بەلەن يازىدۇ ،نورمال ئادەملەر بۇنداق يازالمايدۇ جۇمۇ