سادىر پالۋان 1798 - يىلى غۇلجا ناھىيىسىنىڭ موللا توختىيۈزى يېزىسىدا نامرات دېھقان ئائىلىسىدە دۇنياغا كەلگەن . سادىرنىڭ ئۆسمۈرلىك چاغلىرى دەل چىڭ خاندانلىقى زۇلمىنىڭ چېكىدىن ئاشقان مەزگىللىرىدە ئۆتتى . دەھشەتلىك ئېزىلىش ۋە ئېغىر ئالۋاڭ - سېلىق دەستىدىن سەۋر قاچىسى تاشقان ئىلى دېھقانلىرى 1861 - يىلى چىڭ خاندانلىقىنىڭ زۇلمىغا قارشى قوزغىلاڭ كۆتۈردى . سادىر ئۇلارنى 1864 - يىلىدىكى بايانداي قەلئەسى بىلەن كۈرە قورغىنىنى ئېلىش جەڭلىرىگە ئۇيۇشتۇردى ، ئۆزى سېپىللارنى پارتلىتىپ ، جەڭنىڭ ھەل قىلغۇچ غەلبىسىنى قولغا كەلتۈرۈشتە ئۆچمەس تۆھپىلەرنى ياراتتى . شۇڭا ، خەلق سادىرنى « پالۋان » دەپ ئاتىدى .

سادىر پالۋان ئۇزاق مۇددەتلىك كۈرەشلەردە كۆپ قېتىم دۈشمەن قولىغا چۈشۈپ قالغان بولسىمۇ ، دۈشمەنگە ھەرگىز باش ئەگمىدى ، پەم - پاراسەت ۋە باتۇرلۇق كۆرسىتىپ ، زىندان - يامۇللارنى تېشىپ چىقتى ، سۈرگۈنلەردىن قېچىپ قۇتۇلۇپ ، جەڭلەرنى داۋاملاشتۇردى .
سادىر پالۋان دېھقانلار قوزغىلىڭىنىڭ باتۇر سەركەردىسى بولۇپلا قالماي ، يەنە داڭلىق خەلق قوشاقچىسى ، ناخشىچىسى ۋە ئەلنەغمىچىسى ئىدى . خەلق ئارىسىدا ئۇنىڭ نۇرغۇن قوشاقلىرى ۋە تەسىرلىك ناخشىلىرى تارقالغان بولۇپ ، كىشىلەر ئۇنى ئەڭ قىممەتلىك مەدەنىي مىراسلار سۈپىتىدە ساقلاپ ۋە قەدىرلەپ كەلمەكتە . ئۆز ئۆمرىنىڭ تەڭدىن تولىسىنى خەلقنى زۇلۇمدىن قۇتقۇزۇش ئىشىغا سەرپ قىلغان بۇ مەشھۇر خەلق پالۋىنى تارىختا شەرەپلىك ئىز ۋە جاراڭلىق ناخشا - قوشاقلارنى قالدۇرۇپ ، 1871 - يىلى ماي ئايلىرىدا ئۆز يېزىسىدا ۋاپات بولدى

بۇ  ئەقىل - پاراسەتلىك ، ئۇرۇشقا  ماھىر  مىللىي قەھرىمانىمىز نى  تونۇشتۇرغىنىڭىزدىن بەك  سۆيۈندۈم ، رەھمەت !

سادىر پالۋان بىزنىڭ ئوبرازىمىز .ئەپسۇس ئۇنى دورىيالمايدىغان ئوخشايمىز .لېكىن ئۇيغۇرنىڭ ئارىسىدا ئۇنى ھۆرمەتلىمەيدىغان ئادەم  يوق.سادىر پالۋان بىزنىڭ ئارىمىزدا .ئۇ تېخى ھايات .

بۇ تارىخنى مۇ بىلىۋالدۇق

  تارىخنى ئۇنتۇش نۇمۇس  يەنە بوسا يوللاڭ