ماتېرياللىرى : كارىپ بېلىقىنىڭ گۆشىدىن 300 گ ، تۇز 4 گ ، تېتىتقۇ 2 گ ، زەنجىۋىل ياپراقچىسى 5 گ ، غولپىياز چانالمىسى 5 گ ، تۇخۇم 2 دانە ، قۇرۇق كراخمال ياكى ئۇن 100 گ ، كۈنجۈت 100 گ ، سۇماي 1000 گ ( 80 گ خورايدۇ )
تەييارلاش ئۇسۇلى :
1. بېلىق گۆشىنى قېلىنلىقى 0.4 سانتا ، ئۇزۇنلۇقى 10 سانتا ، كەڭلىكى 5 سانتا قېلىن ياپلاق توغراپ قىڭراق يۈزى بىلەن ئۇرۇپ تەكشىلەپ . تۇز ، تېتىتقۇ ، زەنجىۋىل ، غولپىياز قوشۇپ ئارىلاشتۇرۇپ 15 مىنۇت چىلاپ تەم كىرگۈزىسىز .
2. تۇخۇمنى بىر چىنىگە چېقىپ ، ئېقى بىلەن سېرىقىنى ئارىلاشتۇرۇپ قويىسىز .
3. تەم كىرگۈزۈلگەن بېلىق ياپراقچىسىنى كراخمالغا بېسىپ ، ئاندىن تۇخۇمغا چىلاپ ، ئاخىرىدا كۈنجۈتكە بېسىپ ، ئىككى يۈزىگە كۈنجۈتنى تەكشى يېپىشتۇرىسىز .
4 قازانغا ياغ قۇيۇپ ، 150 سېلسىي گرادوسچە قىززىغاندا ، بېلىق ياپراقچىسىنى سېلىپ ، ئالتۇن رەڭگە كىرگەندد سۈزىۋېلىپ چوكا توملۇقىدا قەلەمچە توغراپ تەخسىگە چىرايلىق ، تەكشى تىزىسىز . چەتلىرىنى زىننەتلەيسىز .
بۇ قورۇمىنى ئىسسىق ، سوغۇق يىسىمۇ بولىۋېلىدۇ .
ئالاھىدىلىكى : رەڭگى ئالتۇندەك ، كۆرۈنىشى چىرايلىق ، قۇرغاق ، يىيىشلىك ، كۈنجۈت پۇرىقى ۋە تەمى كۈچلۈك .
| تەۋسىيە
| ئىزدەش رايۇنى
| مۇلازىمەتلىرىمىز
| بانكا
| مىدال مەركىرى
