1. سۈت ۋە تۇخۇمنى ناشتىلىق ئورنىدا ئىستىمال قىلىش كېرەك دەپ قاراش.

         ئەگەر ناشتىدا دانلىق زىرائەت تۈرىدىكى يېمەكلىكلەر، مەسىلەن، نان، سۇيۇقئاش شوۋۇگۈرۈچ قاتارلىقلار كەم بولسا بالىلارنىڭ ئۆسۈپ يېتىلىشىگە تەسىر كۆرسىتىدۇ.

                    2. بالىلارغا كۆپرەك كالتسىي بېرىش ئارقىلىق كالتسىي تولۇقلاش كېرەك دەپ قاراش.

        دوختۇرلارنىڭ قارىشىچە، بوۋاقلارنىڭ تېنىدە كالتسىي كەم بولماستىن، بەلكى كالتسىينىڭ بەدەنگە سۈمۈرىلىشىنى ئىلگىرى سۈرىدىغان ۋېتامىن  د  كەم بولىدىكەن. شۇڭا خاس كالتسىي تولۇقلاشقىلا ئېسىلىۋالماي، يېمەكلىك ئارقىلىق تولۇقلاش ياكى بېلىق مېيى ئارقىلىق تولۇقلاش كېرەك.

                    3. بالىلارنى قېلىنراق كىيىندۈرۈش كېرەك دەپ قاراش.

       ئەمىلىيەتتە بالىلار ھەركەت قىلغاندا چىقارغان ئىسسىقلىق ئېنېرگىيىسى چوڭلارنىكىدىن كۆپ بولىدۇ. شۇڭا بالىلارنى بەك قېلىن كىيىندۈرمەسلىك كېرەك.

                  4. پۇرچاق تۈرىدىكلەرنى كۆكتات دەپ قاراش.

       ئەمىلىيەتتە پۇرچاق تۈرىدىكىلەر گۆشلۈك سەي دوپ قارىلىدۇ. ئەگەر بالىلارغا خاس دۇفۇ قورۇمىسىنىلا بەرسە،يېمەكلىك تەركىبىدە كۆكتات كەمچىل بولىدۇ. شۇڭا تۇخۇم، كۆكتات ۋە گۆشنى مۇۋاپىق تەڭشەپ بېرىش لازىم.

                 5. بالىلارنىڭ تەرىتى قۇرغاق بولسا بانان، كۈنجۈت يېغى بېرىش كېرەك دەپ قاراش.

       پەقەت بۇلارنى يېيىش كار قىلمايدۇ. ئەڭ مۇھىمى بالىلاردا ياخشى تەرەت قىلىش ئادىتى ۋە موھىم تەرەت قىلىش ۋاقتىنى يېتىلدۈرۈش كېرەك.

                6. بالىلارنى ئاپتاپقا قاقلاندۇرۇشقا بولمايدۇ دەپ قاراش.

      بەزى ئاتا- ئانىلار بالىلارنى ئاپتاپقا قاقلاندۇرغاندا يۈزىگە ياغلىق يېپىپ ياكى بېشىغا دۇپپا كىيگۈزۈپ قويىدۇ. دوختۇرلارنىڭ كۆرسىتىشىچە، بۇنداق ئاپتاپقا قاقلاندۇرۇشنىڭ ھېچقانداق ئۈنۈمى بولمايدىكەن. توغرا ئۇسۇل بولسا بالىلارنىڭ ئارقا مېڭىسى، قول- پۇتلىرىنى ئاپتاپقا قاقلاش بولۇپ، بۇ ئارقىلىق نۇرغۇن كېسەللىكلەرنىڭ ئالدىنى ئالغىلى بولىدىكەن.

                  7. ھايۋان جىگىرىنى ئاساسلىق ئوزۇقلۇق تولۇقلىغۇچى دەپ قاراش.

      ھايۋانلارنىڭ ئىچكى ئەزالىرىنىڭ بالىلارنىڭ يېتىلىشىگە نىسبەتەن ناھايىتى زور پايدىسى بار. شۇڭا نۇرغۇن ئاتا- ئانىلار بالىلىرىغا كۆپرەك ھايۋان جىگىرى بېرىش كۇپايە دەپ قارايدۇ. ئەمىلىيەتتە ھايۋان جىگىرىدە بەزى زىيانلىق تەركىپلەر ساقلانغان بولۇپ، كۆپ ئىستىمال قىلىشقا بولمايدۇ. شۇڭا خاس ھايۋان خىگىرىنىلا ئەمەس، بەلكى باشقا ئەزالارنىمۇ قوشۇپ بېرىش كېرەك.

                 8. پارچە- پۇرات يېمەكلىكلەر سالامەتلىككە زىيانلىق دەپ قاراش.

      ئەمىلىيەتتە بالىلارغا كۆپرەك پارچە-پۇرات يېمەكلىكلەرنى بېرىش ئارقىلىق بەدىنىدە كەمچىل بولغان ئوزۇقلۇق تەركەپلەرنى تولۇقلىغىلى بولىدۇ. بولۇپمۇ ئورۇق بالىلارغا ئەڭ ياخشىسى كەچلىك تاماقتىن كېيىن مۇۋاپىق مىقتاردا پارچە- پۇرات يېمەكلىكلەرنى بېرىش كېرەك. باشلانغۇچ مەكتەپتە ئوقۇۋاتقان بالىلارغىمۇ بۇ خىل ئۇسۇلنى قوللانسا يېتىلىشىنى ئىلگىرى سۈرىدۇ.

                9. كۆكتاتلارنىڭ پوستىنى، يوپۇرمىقىنى ئېلىۋېتىپ پىشۇرۇپ يېسە ئوزۇقلۇق قىممىتى يوقۇرى بولىدۇ دەپ قاراش.

      ئەمىلىيەتتە كۆكتاتلارنى ئاقلىۋەتمەي ئىستىمال قىلسا تېخىمۇ پايدىلىق بولىدۇ. مەسىلەن، تۇرۇپ، كاۋا، كەرەشە قاتارلىقلارنىڭ پوستىنى ياكى يوپۇرمىقىنى ئېلىۋەتمەي شورپا قىلسا ئوزۇقلۇق قىممىتى يوقۇرى بولىدۇ. ئادەتتە كۆكتات يوپۇرمىقىنىڭ ئوزۇقلۇق قىممىتى غولىغا قارىغاندا تېخىمۇ يوقۇرى بولىدۇ.
   مەنبە: پەن ۋە تۇرمۇش  
            

بۇ   ناھايىتى  ياخشى ساۋاتكەن ، دىمىسىمۇ  ھازىر  بىر قىسىم  كىشىلەر  ئوزۇقلۇقنى  يىمەكلىكتىن  قوبۇل  قىلماستى ، بىۋاستە  ئاقسىل  ، ۋېتامىن ، تۆمۈر  دىگەنلەرنى  يەۋالىدىغان  بوپ  كەتتى .........    بولۇپمۇ   ئەنلىينىڭ !

مانا بۇنىمۇ بىلىۋالدۇق