"ھاراق-سورۇننىڭ گۈلى"مۇ؟ ياق، "ھاراق-سورۇننىڭ گۈلى" ئەمەس، بەلكى ئۇ بىلىمگە، ئەقىلگە دۈشمەن؛ مەينىڭ نامى ھەقىقەتەن جاڭجال ھەم غۇۋغادۇر، شۇنداقلا "ئەپسۇسلۇق سۈيى"دۇر. بۇ خۇلاسىدىن دەرگۇمان بولىدىغانلار كۆپ بولمىسا كېرەك. چۈنكى 1000 يىل بۇرۇن ياشىغان دۇنياۋى ئالىم-ئۇلۇغ بوۋىمىز يۈسۈپ خاس ھاجىپ مۇنداق ئىلتىجا قىلغان:"قانچىلىغان نالايىق ئىشلار مەي ئىچكەندە بولىدۇ، كۆپلىگەن ياخشى ئىشلار مەستلىكتىن قىلىنماي قالىدۇ"،"بىلىملىك (كىشى) مەي ئىچسە بىلىمسىز بولىدۇ، بىلىمسىز مەست بولسا، ئۇنىڭ نېمىسى قالىدۇ؟"،"مەي ئىچمە، مەي ئىچسە كىشىنىڭ بەختى كېتىدۇ".

ئۇلۇغ مەتەپەككۇر ھەم دۇنياغا شۆھرەتلىك شائىر ئەلشىر نەۋائىمۇ مەي-شاراپ توغرىسىدا بىزگە تەبىھ قىلىپ مۇنداق دېگەن:"ئىچىملىككە يېقىن يولىما، ئىچىملىك ئادەمنى ئىپلاس ھەم يىرگىنىشلىك، يالغانچى قىلىپ قويىدۇ"،"شاراپخورلۇق ئىنسان كامالىغا زىيان سالىدىغان ئىش، ئىچىملىككە ھەۋەس ئارتقانسېرى، ئادىمىيلىك سۈپەتلىرى كەملەپ بارىدۇ، ھەتتا يوقىلىپ بارىدۇ..."

ھاراقكەشلىك كىشىگە ئىقتىسادىي جەھەتتىن زىيان كەلتۈرۈپلا قالماستىن، بەلكى سالامەتلىككىمۇ ئىنتايىن ئېغىر زىيان يەتكۈزىدۇ. مەلۇماتلارغا قارىغاندا، ئىسپىرتلىق ئىچىملىكلەر تۈپەيلى ھەريىلى نەچچە ئون مىڭ ئادەم ئىسپىرتتىن زەھەرلىنىپ ئۆلىدىكەن، 60-70 مىڭ ئادەم جانغا زامىن بولىدىغان يامان كېسەللىكلەرگە گىرىپتار بولىدىكەن ياكى ھاياتىدىن ئايرىلىدىكەن. ھەممىگە مەلۇمكى، ھاراق ۋە ئىسپىرتلىق ئىچىملىكلەرنىڭ جىگەرگە بولغان زىيىنى ئەڭ چوڭ بولۇپ، جىگەرنىڭ نورمال خىزمەت ئىقتىدارىنى كۆرۈنەرلىك تۆۋەنلىتىپ، جىگەرنىڭ زەھەرلىك ماددىلارنى پارچىلاپ بىرتەرەپ قىلىشىنى تەسىرگە ئۇچرىتىدۇ. بۇ خىل ھالەت داۋاملىشىۋەرسە، زەھەرلىك مادىلار قانغا يىغىلىپ جىگەر ياللۇغى، جىگەرنى ماي قاپلاش، جىگەر قېتىشىش، ئاشقازان ئاستى بېزى ياللۇغى، يۈرەك قان تۇمۇر كېسەللىكى، بۆرەك ئاجىزلىقى قاتارلىقلارنى كەلتۈرۈپ چىقىرىدۇ.

مۇناسىۋەتلىك ماتىرىياللاردا كۆرسىتىلىشىچە، مەملىكتىمىزدىكى جېدەل-ماجىرا چىقىرىش، جىنايەت ئۆتكۈزۈش تۈپەيلىدىن تۇتۇپ تۇرۇپ ئەمگەككە سېلىنىپ تەربىيلەنگەن ياكى قاماق جازاسى ھۆكۈم قىلىنغان ياشلار-ئۆسمۈرلەر ئىچىدە %63 كىشى ھاراقنى كۆپ ئىچكەنلىك بىلەن بىۋاستە مۇناىسۋەتلىك ئىكەن. لۈكچەكلىك جىنايىتى ئۆتكۈزگۈچىلەر ئىچىدە %38 كىشىنىڭ ھاراقنى كۆپ ئىچىش بىلەن بىۋاستە ياكى ۋاستىلىك  مۇناسىۋىتى بار ئىكەن.

شۇنداقكەن ئادەم بەدىنىگە روھىيىتىگە، پىسخولۇگىيىسىگە ھېچقانداق پايدىسى يوق بۇ ئىچىملىككە كىشىلەر نېمىشقا شۇنچىلا ھېرىسمەن بولۇپ كېتىدۇ ؟



(ئۈرۈمچى كەچلىك گېزىتىدىن ئېلىندى)

چۇنكى كىشىلەرنىڭ ساراڭ بولغۇسى كىلىپ تۇردۇ

ياخشى تېما يولاپسىز  

ئاشتۇز ئۇستام: بۇ تېمىنى مەخسۇس مەندەك .ئىچىمەيدىغان -چەكمەيدىغان كىشىلەرگە ئاتاپ يوللاپ قويدىڭىزمۇ؟

مەن  ھەممە  قېرىنداشلىرىمىزنىڭ  بۇ  بارلىق  گۇنانىڭ  ئانىسى  بولغان نىجىسنى ئىچمەسلىكىنى  ئۈمىت قىلىمەن .

مەيخۇمار دۇسلىرىمىز ئوبدانراق كۆرسە بوپتىكەن بۇتىمىنى ،يىگىت -ئەرلىرىمىزنى تۇسۇپ بولالمايۋاتساق بىر قىسىم قىز-ئاياللارنىڭمۇ يۈزلىنىپ كەتكىنىچۇ تىخى بۇنىڭغا..............      ئەتراپىمدىكىلەرنىغۇ يۈز قارىماي تەنبىھ بىرەلەيمەن لىكىن ....(ھارا قكەش كۆڭلى پەس)................................؟؟؟؟؟؟؟؟؟

ھاراق ئۇ ھارام

ئەھمىيەتلىك تىما ئىكەن.

نە ئۇچۇن ئىچىسەن ئۇشبۇ ھاراقنى
ئىچىپلا بىلمەيسەن تېخى خۇدىڭنى
كۇزۇڭگە ئىلمايسەن تېخى ساراڭنى
ساراڭمۇ سەندىن ياخشىراق ئىچمەيدۇ ھاراقنى

ھاراق ئارىمىزغا قانداق ئازار بىرىشلەرنى سالمىدى. بولسا شۇ نىجىستىن يىراق يۇرايلى قېرىداشلار.