ئېغىر تىنىقلار - ئانا تۇپراق تور بېكىتى

غوپۇر گالى 1974 – يىلى قۇمۇل ۋىلايىتى ئاراتۈرك ناھىيىسىنىڭ تۇخۇلو يېزا بۇلاق بېشى كەنتىدە تۇغۇلغان . 1994 –يىلدىن 1997 –يىلغىچە شىنجاڭ شەھەر قۇرۇلۇش مەكتىۋىدە ئوقۇغان ۋە بۇ جەريانىدا شىنجاڭ سىملىق تېلىۋېزىيە ئىستانسىغا ئاۋاز ئارتىسلىققا تاللىنىپ ۋاقىتلىق ئاۋاز ئارتىسى بولۇپ ئىشلىگەن . كىيىن مەلۇم سەۋەپلەر تۈپەيلى ئانا يۇرتى ئاراتۈرك ناھىيىسىگە قايتىپ كەلگەندىن بۇيان ، تا ھازىرغىچە ، ئاراتۈرك ناھىيىلىك رادىئو –تېلىۋېزىيە ئىدارىسىدا دىكتورلۇق ، مۇخبىرلىق ، ئوپېراتۇرلۇق خىزمەتلىرىنى ئىشلەپ كەلمەكتە .

غوپۇر گالى 2004 – يىلى تۇرپاندا ئۆتكۈزۈلگەن مەملىكەتلىك ئاز سانلىق مىللەت دىكتورلىرىنى باھالاش مۇسابىقىسىدە 2- لىككە ئېرىشكەن . 2008 –يىلى ئاپتۇنۇم رايۇن بويىچە ئۆتكۈزۈلگەن رادىئو –تېلىۋېزىيە دىكتورلىرىنىڭ ماھارەت كۆرسىتىش مۇسابىقىسىدە ‹‹ 10 مۇنەۋۋەر دىكتور ›› نىڭ بىرى بولۇپ باھالانغان . 2005 – يىلى شىنجاڭ تېلىۋېزىيە ئىستانسىسى بىلەن قۇمۇل ۋىلايەتلىك مەمۇرى مەھكىمە بىرلىكتە ئۆتكۈزگەن ‹‹ قوغۇن يۇرتىدا مەشرەپ ›› پىروگىراممىسىدا مەركىزى خەلق رادىئو ئىستانسىسىنىڭ ئەل سۆيگەن پىشقەدەم تالانتلىق دىكتورى ئابدىقادىر ھاشىمنىڭ ئاۋازىنى دوراپ تاماشىبىنلارنىڭ بىردەك ئېتراپ قىلىشى ۋە مۇئەييەنلەشتۈرشىگە ئېرىشكەن . 2011 –يىلى قۇمۇل ۋىلايەتلىك ياشلار ئىتتىپاقى كومتىتى تەرپىدىن ‹‹ ئىقتىدارلىق ياش ›› دىگەن شەرەپلىك نامغا ئېرىشكەن . ھەمدە كۆپ قېتىم ‹‹ شىنجاڭ گېزىتى ›› ‹‹ قۇمۇل گېزىتى ›› قاتارلىق ئاخبارات ئورۇنلىرى تەرپىدىن‹‹ مۇنەۋۋەر ئىختىيارى مۇخبىر ›› بولۇپ باھالانغان .

بىكەت تەۋسىيسى