مۇدا قىزىلارغا

گېنرال

                      ‹‹مودا قىزلارغا››
                  
                                (پاكىستان يازغۇچىسى ‹‹ئۈمتۇل قەدرى››نىڭ جىنايەت ۋە نەپرەت ناملىق رومانىدىن ئېلىندى)

                                                                        قىزىم سەن،
                                                                        قاينىغان بازار ئارىلاپ،
                                                                        يۈرىسەن رەستىدە ئويناقلاپ-تاقلاپ،
                                                                       ‹‹ھى-ھى-ھى››،‹‹ھا-ھا-ھا››_كۈلۈپ قاقاقلاپ.
                                                                       يۈرىسەن ئالچاڭلاپ جىلۋىلەر بىلەن،
                                                                       نازلىنىپ ئۆزۈڭنى كۆز-كۆز قىلىسەن،
                                                                       مۈرەڭدىن سىيرىلىپ چۈشمەكنى تىلەپ،
                                                                       باشتىكى ياغلىقنى لەپىلدىتىسەن.

                                                                      ئى قىزىم!
                                                                      كۆرگەندە ئۇشبۇ ھالىڭنى،
                                                                      ئىزادىن ئاقىدۇ تەر مونچاقلىرىم.
                                                                      ئاھ! مېنىڭ ئىززىتىم-
                                                                      كىرسىز ئەينىكىم،
                                                                      كۇمپەيكۇم بولغاندەك ئاغرىيدۇ دىلىم.
                                                                     
                                                                      قىزىم بىل،
                                                                      سەن مېنىڭ شۆھرىتىم -شەنىم،
                                                                      قەرزىڭ ئىدى مەن ئۈچۈن كەلتۈرۈش شەۋكەت،
                                                                      بولمىغىن سەن ئۇنداق مەستۇمەستانە،
                                                                      نەدىكى ئىشلارنى بىلىپ مەدەنىيەت!
                                                                      سەن ئۈچۈن لەۋ گىرىم، ئۇپا ۋە ئەڭلىك،
                                                                      بولدىكى جېنىڭدەك ئەزىز قىممەتلىك.
                                                                      بىر گۈزەل كۆزۈڭگە كۆكلەرنى سۈرۈپ،
                                                                      بويايسەن بۇغىنىڭ كۆزىدەك رەڭلىك،
                                                                      تارايسەن قۇندۇزدەك قارا چېچىڭنى،
                                                                      ئاجايىپ-غارايىپ فوكۇس چىقىرىپ،
                                                                      بويۇڭغا سۇۋارى چاچقان ئەتىردىن،
                                                                      كېتىدۇ ئادەمنىڭ دېمى سىقىلىپ.
                                                                      يۈرىسەن گوياكى گۈلدەك ياسىنىپ،
                                                                      رەڭمۇرەڭ رېدىكول قولۇڭدىن چۈشمەس.
                                                                      دېيىشىدۇ شۇ ھالدا كۆرگەنلەر سېنى:
                                                                      ‹‹سەيلىچى مەستانە سەيلىدىن كەچمەس››.
   
                                                                       ئى قىزىم،
                                                                       دېيىشىدۇ بەزىلەر سېنى:
                                                                       ‹‹يېڭىچە مەدەنىي، گۈزەللىك خىلى...››
                                                                        ۋە لېكىن مەن دەيمەن :
                                                                        پۇشايمان-ھەسرەت_
                                                                        قىلىسەن ئۆكۈنۈپ ئاخىر بىر كۈنى،
                                                                        يۈردۈڭسەن بىردەممۇ تىنىم تاپماستىن،
                                                                       قاقاقلاپ كۈلىسەن تارتىنىپ قويماي،
                                                                        شارابقا بەك خۇمار دىل ئىشتىياقىڭ.
                                                                        تانسىدا بىر ئۆزۈڭ مەلىكە شاھى،
                                                                        زىياپەت بابىدا ناخشا چولپانى؛
                                                                       سورۇندا بىر گۈلسەن -دىلنىڭ مەپتۇنى،
                                                                       سېنىڭسىز ئېچىلماس بېگىملەر كۆڭلى.
                                                                       رېستۇران ۋە ياكى كۇلۇبلار ئارا،
                                                                       كىنوخانا يا يېشىل چىملىقتا،
                                                                        ياسانچۇق نوچىلار يىغىلغان بولسا،
                                                                       قالىدۇ تالىشىپ سېنى ئۆزئارا.
                                                                       
                                                                        نەگىلا بارغىنسەن ماختىشار سېنى:
                                                                        ‹‹بېلىكى يالىڭاچ مەشۇق خېنىم›› دەپ؛
                                                                         ۋە مەيلى بارغىنسەن قايسىبىر جايغا،
                                                                         ئالىدۇ ئەر جىنىس سېنى چۆرىدەپ.
                                                                         ئى قىزىم،
                                                                          بۇ ھەرگىز مەدەنىيەت ئەمەس،
                                                                          بۇ پەقەت خەتەرلىك ئورىدۇر خالاس؛
                                                                         ئۇ رەسمى مۇسۇلمان پاكلىقى بىلەن،
                                                                         ئوت بىلەن سۇدەكلا زادى سىغىشماس.

                                                                        تېز كېچىپ ئاتالمىش بۇ ئەركىنلىكتىن،
                                                                        ھەقىقى ھاياتنىڭ تەكتىگە يەتكىن،
                                                                        سەن ئۆزۈڭ تەقۋادار ئادەمنىڭ قىزى،
                                                                        شۆھرەتلىك بۇ نامنى بىغۇبار ئەتكىن.
                                                                        قايتىپ كەل ئۆيۈڭگە، قايتىپ كەل قىزىم!
                                                                        شۇ ئۆيدە يۈز تېپىپ ،كۈلەر ئىقبالىڭ،
                                                                        قايتىپ كەل ئۆيۈڭگە ،قايتىپ كەل قىزىم!
                                                                        شۇ ئۆيدە ئىگەمدىن يانار چىراغىڭ.

                                                                         ئادەمنىڭ نامىدۇر بىباھا گۆھەر،
                                                                         ھەتتاكى ھاياتتىن ئۈستۈنرەك ئەۋزەل.
                                                                          تارت قىزىم، ئېتىڭنى يارنىڭ لېۋىدىن،
                                                                          ھەق يولغا قايتقاننى سەنلىمەيدۇ ئەل.
                                                                           پۇر كەتسۇن ئەلئارا چىرايلىق نامىڭ،
                                                                          ماختىلىپ تىللاردا ،گۈزەل ئەخلاقىڭ؛
                                                                          بۇرۇنقى ئىپپەتلىك نامىڭنى تاپقىن،
                                                                           كۆتۈرەي بېشىمدا چىقسۇن ئاتاقىڭ.

                                                                           ئى قىزىم!
                                                                           ئاڭلىساڭ شۇ خىتابىمنى،
                                                                           ماقۇللۇق بىلدۈرۈپ كىرسەڭ گېپىمگە.
                                                                            سەن ئازغۇن بەندىنىڭ ئالدىدا چاقناپ،
                                                                            كۆرۈنەر توغرا يول پارلاپ كۆزۈڭگە.
                                                                             چاققانراق قۇتۇلساڭ، مۇسۇلمان قىزى،
                                                                             ئېزىتقۇ تۇمانلار باغرىنى تىلىپ؛
                                                                             شەنىڭگە ھۆر-غىلمان بەزمە تۈزگۈسى،
                                                                             سۆيگۈسى يەر-ئاسمان پۇتۇڭنى كېلىپ.

مەنبە؛ تەپەككۇر مۇنبرى

گېنرال

شۇنداق ياخىشى ،چۇڭقۇر مەنىلىك شېئركەن، باشقلارغا ئازىراق بۇلسمۇ پايدىسى يىتەر دەپ يۇللاپ قۇيدۇم.

ئاپلا...

ھەقىقەتەن ياخشىكەن ئاللا ئەجىترىڭىزنى بەرسۇن