ياشلار مەزى بېزى ياللۇغى كېسەللىكىگە توغرا مۇئامىلە قىلىشى كېرەك

poskam

	ياشلار مەزى بېزى ياللۇغى كېسەللىكىگە توغرا مۇئامىلە قىلىشى كېرەك     كىشىلەرنىڭ ئىدىيىسىدە مەزى بېزى ياللۇغى ياش چوڭىيىپ مەلۇم دەرىجىگە يەتكەندە ئاندىن يۈز برىدىغان كېسەللىك دىگەن قاراش بار .بولۇپمۇ كۆپ ساندىكى كىشىلەر مەزى بېزى كېسەللىكى ياشانغانلار كېسەللىكى دەپ قارايدۇ .لىكىن ئەمەلىيەت ئۇنداق ئەمەس ،نۇرغۇنلىغان ياشلىرىمىز مەزى بېزى ياللۇغىنىڭ ئازابىنى تارتىۋاتىدۇ.بولۇپمۇ 20نەچچە ياش ئەتراپىدىكى  ياشلاردا مەزى بېزى كېسەللىكى ئەھۋالى تېخىمۇ كۆرۈنەرلىك بولۇۋاتىدۇ.ئۇنداقتا ياشلىرىمىز نىمە ئۈچۈن شۇنچە كىچىك تۇرۇپ بۇخىل كېسەللىكنىڭ ئازابىنى تارتىدۇ؟       شۇ ياشتىكى خىزمەت قىلىۋاتقان ، ئالىي مەكتەپتە ئوقۇۋاتقان ياشلىرىمىز سۈيدۈك قىستاش،كۆپ سىيىش قاتارلىق مەزى بېزى ياللۇغىنى ئالامەتلىرى كۆرۈلگەندە  تەكشۈرتۈپ مەزى بېزى ياللۇغى ئىكەنلىكىنى بىلگەندىن كېيىن ناھايتى ئازابلىنىدۇ ،كۆڭلىدە ياش تۇرۇپ قانداقسىگە بۇخىل كېسەللىك بىلەن ئاغرىشىم مۇمكىن دەپ ئويلايدۇ ،كەيپىياتى نورمالسىزلىشىدۇ،بۇ ئىش داۋاملىق كاللىسىغا كىرىۋالىدۇ،خىزمەتداشلىرىنىڭ ،ساۋاقداشلىرىنىڭ بىلىپ قېلىشىنى خالىمايدۇ،ھەم دوختۇرخانىغا بېرىپ داۋالىنىشىتىن ئۆزىنى ئەپقاچىدۇ نەتىجىدە كېسەللىك ئەھۋالى تېخىمۇ ئېغىرلىشىپ تېخىمۇ يامان ئاقىۋەتلەرنى كەلتۈرۈپ چىقىرىدۇ.       ياشلارنىڭ مەزى بېزى كېسىلگە گىرىپتار بولشى مۇشۇ دەۋرىمىزدە يۈز بېرىۋاتقان ئىش ئەمەس،ئۇنىڭ ئۈستىگە مەزى بېزى كېسەللىكلىرى تۇرمۇش ئادىتىنىڭ ياخشى بولماسلىقىدىن ،سالامەتلىكنى ئاسراش ،جىنسى بىلىمنىڭ كەملىكىدىن مەزى بېزى قوغداش ياكى ياللۇغلىنىپ قېلىشنىڭ ئالدىنى ئېلىشنى بىلمىگەنلىكتىن ياشلاردىمۇ ياشانغانلارغا ئوخشاشلا  مەزى بېزى كېسللىكلىرى پەيدا بولىدۇ،چۈنكى مەزى بېزىمۇ بىزنىڭ باشقا ئەزالىرىمىزغا ئوخشاش بەدەندىكى بىر بەز توقۇلمىسى خالاس.      شۇڭا ياشلارغا تەۋسىيەمىز :ئەگەر سىزدە مەزى بېزى ياللۇغىغا ئالاقىدار ئالامەتلەر سىزىلسە دەرھال دوختۇرخانىغا بېرىپ تەكشۈرتۈپ داۋالىنىڭ ،دوختۇردىن ياكى باشقىلاردىن خىجىل بولىشڭىزنىڭ ھاجىتى يوق ،ئەگەر كەينىگە سوزىۋەرسىڭىز تېخىمۇ ئىغىر ئاقىۋەتلەرنى پەيدا قىلىشى مۇمكىن ،چۈنكى مەزى بېزىنىڭ ئاجىزلىشىىشى ئەرلەرنىڭ جىنسى ئىقتىدارىغا بىۋاستە تەسىر كۆرسىتىدۇ.شۇڭا تۇرمۇش ئادىتىڭىزگە ئەھمىيەت بىرىپ ئىمكانقەدەر مەزى بېزى ياللۇغىدىن نېرى بولۇڭ،يۇقۇملىنىش ئەھۋالى سىزىلسە ئىككىلەنمەي دوختۇرخانىغا بېرىپ داۋالىنىڭ ،بەدەن سىزنىڭ ،سالامەتلىك سىزنىڭ ،ساغلاملىق بىباھا گۆھەر دىگەن ئەقىلىيە سۆز ھەر دائىم ئېسىڭىزدە بولسۇن .   مەنبە؛رۇخسار تورى