ئومۇرىتقا ئارىلىق تەخسىسى ئۆسۇپ قىلىش

ئەلسىھەت

	ئومۇرىتقا ئارىلىق تەخسىسى ئۆسۇپ قىلىش سەۋەبى: ئومۇرتقا يىنىدىكى كومۇرچەكلەرنىڭ ئىششىشىدىن بولىدۇ، ئومۇرتقا ئارىلىقدا قويۇق يەل تۇرۇپ قېلىشتىن، بوغۇم ئوتتۇرىسىدىكى سۆڭەك بىلەن سۆڭەكنى تۇتاشتۇرۇپ تۇرىدىغان كىچىك پەيلەرنىڭ تارتىشىپ قېلىشىدىن، بوغۇم ئارىلىقىدا سۇيۇقلۇقنىڭ توپلىشىپ پەينى بوشاشتۇرۇپ قويىشىدىن، سىرتقى زەربە سەۋەبىدىن بولىدۇ. يۇقارقى سەۋەبنى كەلتۇرۇپ چىقارغۇچى مەنبە ئىككى تۇرلۇك بولىدۇ. سوغۇقتىن بولغان زۇكامغا سوغۇقلۇق ھەم ئاغرىق پەسەيتكۇچى دورىلارنى ئىشلەتكەندىن ماددىنى ئومۇرتقىغا يۆتكىگەندىن بولىدۇ. تاماق يەپ، سىڭىپ بولماي تۇرۇپ يەنە تاماق يىگەندىن خام قالغان ماددىلار يەلگە ئايلىنىپ بەدەنگە ھەيدەلگەنلىكى ئۇچۇن ئومۇرتقىلارغا بىرىپ قالىدۇ. ئالامىتى: ئومۇرتقا ئارىلىق تەخسىسى ئۆسۇپ قالغانلىقى ئۇچۇن دوك بولۇپ قالىدۇ، يەنى يەلنىڭ بوغۇم ئارىلىقىغا ئورۇنلىشىپ بوغۇم ئارىسىدىكى كۆمۇرچەكلەرنىڭ ئۆسۇشىنى پەيدا قىلىدۇ. داۋالاش: بوشاشتۇرغۇچى ھوللۇكنى چىقىرىش، مىجەزنى تەڭشەش ئارقىلىق داۋالاش لازىم، ھەمدە ئىسسىق ئۆتكۇزۇش، كۇن نورىغا سىلىش بىلەن بىرگە پالەچ كىسلىگە قارىتا قىلىنغان داۋالاش ئۇسۇلى قىلىنىدۇ. ئەگەر ئىششىق بولسا قان ئىلش لازىم، يەلدىن، سۇيۇقلىقتىن بولسا بۇنىڭ داۋاسى بۆرەكنىڭ يەللىك ئاغرىقى بابىدا سۆزلەندى. تارتىشىپ قالغاندىن كىيىن تەشەننۇجنىڭ داۋاسى قىلىنىدۇ. سىرتقى زەربە تەسىردىن بولسا ئومۇرتقا ئۆز جايىغا كەلتۇرىلىدۇ، ئىچىگە ئىگىلىپ كەتكەندىن بولسا ئوتلۇق لوڭقا قويىلىدۇ، يەنە موقەل، كۇچۇلا، ئاقاقىيالارنى خىمىر قىلىپ قويىلىدۇ، سىرتىغا چىقىپ قالسا قول بىلەن ياندۇرۇپ تۇتقۇچى دورا بىلەن تىڭىلىدۇ.