نېمە ئۈچۈن قىزلارغا ئەيدىز ئاسان يۇقىدۇ ؟

ئەلسىھەت

	نېمە ئۈچۈن قىزلارغا ئەيدىز ئاسان يۇقىدۇ ؟ سىتاتىسكىغا ئاساسلانغاندا ، پۈتۈن دۇنيادا ئەيدىز كېسىلىگە گىرىپتار بولغانلارنىڭ يېرىمدەكى 15~24 ياش ئارىسىدىكى ياشلار بولۇپ ، 12~19 ياش دائىرىسىدىكى ئەيدىز ۋىرۇسى يۇقۇملانغۇچىلىرىنىڭ سانى بارغانسىرى ئۆرلىمەكتە . بۇلارنىڭ ئارىسىدا قىزلار كۆپ قىسىمنى ئېگەللەيدۇ . پۈتۈن دۇنيادا كۈنىگە 6000غا يېقىن ئەيدىز ۋىرۇسىغا يۇقۇملانغان ياشلارنىڭ ئىچىدە ئايال، قىزلار كۆپ قىسىمنى ئېگەللەيدۇ. شۇڭا ياش قىزلارغا جىنسىي مۇناسىۋەتتە ئۆزىنى كونتىرول قىلالماسلىق سەۋەبىدىن ئەيدىز كېسىلىگە گىرىپتار بولىدىغانلىقىنى چۈشەندۈرۈش، قانات يايدۇرۇش بەكلا مۇھىم . نېمە ئۈچۈن قىزلار ئاسانلا ئەيدىز كېسىلىگە گىرىپتار بولىدۇ ؟ 1) ياش قىزلار قۇرامىغا يەتكەن خانىملاردىن تېخىمۇ ئاسان ئەيدىز كېسىلىگە گىرىپتار بولىدۇ . ئاياللارنىڭ بەدەن قۇرۇلمىسىنى ئېلىپ ئېتقاندا ، ئاياللارنىڭ بەدەن قۇرۇلمىسى ئەرلەرنىڭكىدىن نازۇك كېلىدۇ ھەم ئەيدىز كېسىلىگە ، جىنسىي كېسەللىكلەرگە ئاسانلا گىرىپتار بولىدۇ . يەنە كېلىپ ياش قىزلارنىڭ جىنسىي يولى ھەم بالىياتقۇ بوينى قۇرامىغا يەتكەن ئاياللارنىڭكىگە قارىغاندا نازۇك ھەم ئاسان يۇقۇملىنىدۇ . شۇڭلاشقا ، ياش قىزلار جىنسىي مۇناسىۋەت ئۆتكۈزگەندە ئاسانلا ئەيدىز كېسىلىگە ، جىنسىي يولى كېسەللىكلىرىگە گىرىپتار بولىدۇ ، بولۇش نىسبىتى قۇرامىغا يەتكەن خانىملارغا قارىغاندا خېلىلا يۇقىرى . 2)ياش قىزلارنىڭ ھامىلدار بولۇپ قېلىش خەتىرى قۇرامىغا يەتكەن ئاياللاردىن يۇقىرى . ئەگەر ھامىلدار بولۇپ قالغاندا ، مەيلى ھامىلىنى چۈشۈرۋەتسۇن ياكى بالىنى تۇغۇسۇن ، ئىككىلا ئەھۋالدا باشقا مەسىلىلەر كۆرۈلىشى مۇمكىن . مەسىلەن بالىياتقۇ زەخىمگە ئۇچراش ، قان كۆپ چىقىپ كېتىش ، ھامىلدارلىق مەزگىلى يۇقىرى قان بېسىمى ، بالدۇر تۇغۇش ھەتتا تۇغۇت مەزگىلىدە ئۆلۈپ كېتىش خەۋپىمۇ بولىدۇ . بۇلارنىڭ نىسبىتى قۇرامىغا يەتكەن خانىملارغا قارىغاندا خېلىلا يۇقىرى . يەنە كېلىپ ، بالا تۇغۇلغاندىن كېيىن ياش قىزچاق بالىنىڭ كېيىنكى كەلگۈسىگە مەسئۇل بولۇش كېرەك ، بۇ خىل بېسىم ئاسانلا يامان ئاقىۋەت ئېلىپ كېلىدۇ . 3)ياش قىزلار بالدۇر جىنسىي مۇناسىۋەت ئۆتكۈزۈپ قويغانلىقتىن ، جەمىيەتكە بالدۇر كىرىشتەك ئەھۋال كۆرۈلىدۇ . لېكىن ياش قىزلاردا تۇرمۇش بىلىملىرى كەمچىل ، ئۆزىنى قانداق قوغداشنى بىلىپ كېتەلمەيدۇ ،شۇڭلاشقا بۇخىل ئەھۋال ئاستىدا ئاسانلا تۇيۇق يولغا كىرىپ قالىدۇ . 4) ياش قىزلار يىگىتلەرگە قارىغاندا روھىي جەھەتتىن خېلىلا نازۇك كېلىدۇ . شۇڭلاشقا يىگىتلەر جىنسىي جەھەتتىن ھوزۇرلىنىش ئېلىۋاتقاندا ، ياش قىزچاق بەدەن جەھەتتىن ھەم روھىي جەھەتتىن زور بېسىم تارتىۋاتقان بولۇشى مۇمكىن . شۇڭلاشقا ياش قىزلار ئۆزىنى تونۇشى ، ئۆزىگە مەسئۇل بولۇشنى ئۆگىنىۋېلىشى ، مۇناسىۋەتلىك جىنسىي بىلىملەر ھەم تۇرمۇش بىلىملىرى ، ئەخلاق بىلىملىرىنى ئۆگىنىۋېلىشى لازىم . قانداق قىلغاندا ئەيدىزدىن يىراق تۇرغىلى بولىدۇ؟ 1.تويدىن بۇرۇن جىنسىي مۇناسىۋەت ئۆتكۈزۈشنى چەكلەش . تويدىن بۇرۇن جىنسىي مۇناسىۋەت ھامىلدار بولۇش ، ھامىلىنى سۈنئىي چۈشۈرۈش ، جىنسىي يولى كېسەللىكلىرىنىڭ پەيدا بولۇشتىكى ئاساسلىق سەۋەبى . تويدىن بۇرۇنقى جىنسىي مۇنسىۋەت بىرخىل مەسئۇلىيەتسىز مۇناسىۋەت ، ھەرگىزمۇ ياخشى ئاقىۋەت ئېلىپ كەلمەيدۇ . ئۇزۇنغا داۋاملاشمىغان جىنسىي مۇناسىۋەتنى توي دىن ئىبارەت بۇ قورال قوغداپ تۇرمىسا ئاسانلا ئىتتىك ئاخىرلىشىدۇ . 2.جىنسىي ئەركىنلىكنى تەشۋىق قىلماسلىق . ھازىر چەتئەلنىڭ يېڭى ئېدىيىسى مەملىكىتىمىزگە، دىيارىمىزغا كىرىش بىلەن بىرگە خىلمۇ خىل چاكىنا ئىدىيىلەرمۇ تەڭلا سىڭىپ كىرىشكە باشلىدى . جىنسىي ئەركىنلىك بۇ تىپىك مىسالى . جىنسىي ئەركىنلىك كىشىلەرنىڭ ئۆزىنى تاشلىۋېتىش ، جەمئىيەت ئىستىلى بۇلغىنىشنى ئېلىپ كېلىدۇ . يەنە ئېلىپ كەلگىنى شۇ ئەيدىز . مەنبە:ئەلكۈيى ئۇنۋېرسال تورى