جىگەر ئاجىزلىقتىن پەيدا بولغان مېڭە كىسەللىكى

ئەلسىھەت

	سەۋەبى : جىگەر خىزمىتىنىڭ ناچارلىقىدىن قان ئازلىق يۈز بىرىپ مېڭىگە قان يىتىشمەي مىڭە ئاغرىقىى پەيدا قىلىدۇ .ئالامىتى : بەزىدە ھوشسىزلىنىپ يىقىلىپ يېتىپ قالىدىغان ئەھۋاللار ھەمدە كۆپ گەپ خالىمايدىغان ، بىردەم ئويلانسا مىڭە ئاغرىپ كىتىدىغان ئالامەتلەر بىلەن بىرگە ، كەيپىياتى بىراقلا  ئۆرلەپ كۆپ سۆزلەيدىغان سەۋەبسىز كۈلىدىغان ، سەۋەبسىز خۇشاللىنىدىغان ، بەزىدە ئەستە تۇتۇش قۇۋۋىتى تۆۋەنلەپ ، ئۇنتۇغاق بۇلۇپ قالىىدىغان ئالامەتلەر كۆرۈلىدۇ . بىمار ئۆزىنىڭ بەدىنىدە يۆتكىلىپ  تۇرىدىغان ئېچىشپ ئاغرىش بارلىقىنى ، ئىچىنىڭ تىت  تىت بولۇپ روھى جەھەتتە جىددىيلىشىپ قالىدىغانلىقدىن ، بەدەنلىرىدە يەڭگىل سانجىق بارلىقىدىن شىكايەت قىلىدۇ . بۇ ئەھۋاللارنى كەلتۈرۈپ چىقارغۇچى يەنە بىر سەۋەب جىگەردە ۋە جىگەرنى تۇتۇپ تۇرغۇچى پەردىلەرگە ئورۇنلاشقان يەلدۇر . كىسەلدە كۆرۈلىدىغان يەنە بىر ئالامەت قول بارماقلىرىنى تۈزلىگەندە بارماقنىڭ تىتىرىگەنلىكى مەلۇم بولىدۇ . كىسەلدە يۇقۇرقىدەك باشقا يەنە قالايمىقان سۆزلەيدىغان ، ئۆزىنى ئۇيان بۇيان تاشلايدىغان ، ئەتراپىدىكىلەرنى تونۇمايدىغان،سورىغان سوئاللارغا قالايمىقان جاۋاب بىرىدىغان روھى ئالامەتلەر كۆرۈلىدۇ .  ئاخىرىقى دەۋىرىگە كەلگەندە كىسەل پۈتۈنلەي ھوشىنى يوقىتىدۇ ، چاقىرسا جاۋاب بەرمەيدۇ ، نەپەس ئاستا ، بەزىدە تىز بولىدۇ . بۇلار مىڭىگە قان يىتىشمەسلىك ھەمدە قاننىڭ قۇيۇلۇپ توسالغۇ پەيدا قىلىشى بىلەن مىڭە توقۇلمىلىرغا ئوزۇقلۇق يىتىشمەسلىك سەۋەبىدىن مىڭە يىگلەش دەۋىرىگە ئۆتۈپ كىتىدۇ . داۋالاش ئۇسۇلى : كىسەللىكنىڭ باشلانغۇچ دەۋرىدە بولسا ، سەۋدانىڭ مونزىجىنى 15 كۈن بېرىش. غىزاسىغا ماددىنى پىشۇرۇش جىەريانىدا توخۇ گۆشى شورپىسىغا نۇقۇت سېلىپ ، پاقلان گۆشى ، سەۋزە سېلىپ شويلا ياكى ئۇماچ ئىتىپ بىرىش لازىم . سەۋدا ماددىسى پىشقاندىن كىيىن مەتبۇخى ئەفتىمۇن بىلەن لوغازىيا بېرىپ ماددىنى تازىلاش ئېلىپ  بېرىش ، ئۇندىن كىيىن سەۋدانىڭ غالىپلىق ئالامەتلىرى بولسا مۇپەررىھ ياقۇت ، مۇپەررىھ قەلىب ، جەۋھىرى رەيھان ، مەجۈنى زەبىب، خېمرى گاۋزىبان ئەنبىرى ، خېمرى ئەۋرىشىم بىرىش . تامىقىغا قايماق ، تۇخۇم سېرىقىنى سېرىق شىكەر بىلەن چاي قىلىپ بىرىشى لازىم . ئەگەر سەپراغا ئائىت ئالامەتلەر كۆرۈلسە ، مالىخۇليا مراقىغا قارىتا داۋالاش ئېلىپ بېرىش، بۇنىڭ ئۈچۈن مەتبۇخى سانائى  مەككى ، شارابى دىنار ، مەجۈنى مىراقى ، مەجۈنى راھەت ، ئەرقى كاسىن ، ئەرقى بېدە مىشكى بېرىش ياخشى ئۈنۈم بېرىدۇ