بابۇنە ھەققىدە چۈشەنچە

ئەلسىھەت

بابۇنە

洋甘菊

[تونۇش] بۇ بۇ مۇرەككەپ گۈللەر ئائىلسىدىكى بىر يىللىق سامان غوللۇق ئۆسۈملۈك بابۇنەنىڭ گۈلى ۋە پۈتۈن چۆپىدىن ئىبارەت بولۇپ ، بۇ ئۆسۈملۈكنىڭ «گۈلى بابۇنە» يىلتىزى «بىخ بابۇنە» نامىدا دورىغا ئىشلىتىلىدۇ . گۈلى سېرىق ئېچىلىدۇ . چۆپى سارغۇچ يېشىل رەڭدە ، ۋەزنى يەڭگىل ،تەمى قېرىق ، بىر ئاز پۇراقلىق كىلىدۇ .
[تەبىئىيتى] ئىككىنجى دەرىجىدە قۇرۇق ئىسسىق .
[خۇسۇسىيتى] غەيرىي تەبىئى بەلغەم خىلتىنى پىشۇرۇش ،ئىششىق تارقىتىش ، يەل ھەيدەش ، ياللۇغ قايتۇرۇش ، توسالغۇلارنى ئېچىش ، ئاشقازان، مېڭە ۋە پەيلەرنى قۇۋۋەتلەش ، سۈيدۈك ۋە ھەيزنى راۋان قىلىش ، ئاغرىق پەسەيتىش .
[ئىشلىتىلدىغان كىسەللىكلەر] جىگەر ، تال ، بالىياتقۇ،مەقئەت ئىششىقلىرى، ھەرخىل ياللۇغلىنىشلىق كىسەللەر، سۈيدۈك يولى ياللۇغى ،ھەيزتۇتۇلۇش ، بۇغۇم ئاغرىقى ، قۇلاق ئاغرىقى ، ھەرخىل قاتتىق ئىششىقلار ، سېرىقلىق چۈشۈش ، ئۈچەي توسۇلۇش ، مېڭە ۋە پەيلەرنىڭ ئاجىزلىقى قاتارلىقلارغا ئىشلىتىلىدۇ.
[ئىشلىتىش ئۇسۇلى] 1.بابۇنە 15 گرام ،بىخ كاسىنە 15 گرام ، بىخ كەرەپشە 15 گرام ، قىزىلگۈل 15 گرامدىن ئېلىپ قاينىتىپ ئىچىپ بەرسە ھەرخىل ئىششىقلارنى قايتۇرىدۇ. 2. ئىكلىمىلىك ، ئاق لەيلىگۈل ، بابۇنە ، يۇمغاقسۈت ئۇرۇقى ، ھەر بىرى 15 گرامدىن ، گۈل يېغى 60گرام ، قائىدە بويىچە تەييارلاپ يەرلىك ئورۇنغا چاپسا ، سۈت بېزى ياللۇغىغا مەنپىئەت قىلىدۇ . 3. بابۇنە 10 گرام ، ئىكلمىلىك 5 گرام ، ئەنگۇر شىپا 10 گرام ، كاكنەچ10 گرام ، تاۋۇز ئۇرۇقى 10 گرام ، قۇغۇن ئۇرۇقى 10 گرام ، قاينىتىپ ئىچىپ بەرسە ، سۈيدۈك يولىدىكى ياللۇغ ھەم ئىششىقلارغا شىپا بولىدۇ. 4. بابۇنە يېغى تەييارلاپ ، قۇلاققاتېمىتىپ بەرسە ، سوغوقتىن بولغان قۇلاق ئاغرىقىغا مەنپىئەت قىلىدۇ .
[ئىشلىتىش مىقدارى] 2~10 گرام .
[زىيانلىق تەسىرى ] گالغا ، كۆكرەككە قۇرۇقلۇق يەتكۈزىدۇ .
[تۈزەتكۈچىسى] ھەسەل ، بىنەپشە ، نېلۇپەر .