ئەڭ خەتەرلىك ئالتە خىل يۇيۇنۇش ئۇسۇلى

ئەلسىھەت

	1.قان بېسىم زىيادە تۆۋەن ۋاقىتتا يۇيۇنماسلىق كېرەك. نۇرغۇن كىشىلەر يۇيۇنغان ۋاقتىدا دائىم بېشى قايغاندەك ۋە نەپىسى يىتىشمىگەندەك ھېس قىلىدۇ، سەل سۈرۈنراق جايغا بېرىپ تۇرسا ئاندىن ياخشى بۇلۇپ قالىدۇ. بۇنداق بۇلىشىنىڭ سەۋەبى بولسا قان بېسىمىنىڭ تۆۋەن بۇلىشىدىن ئىكەن. يۇيۇنغان چاغدا سۇنىڭ تېمپىراتۇرىسى يۇقىرى بولغانلىقتىن قان تۇمۇرلارنىڭ كېڭىيىشىنى كەلتۈرۈپ چىقىرىدىكەن، قان بېسىمى تۆۋەن بولغان ئادەم بۇنداق مۇھىتتا ئۇزۇنراق تۇرۇپ كەتسە مىڭىسىگە قان تەمىنلەش يەتمەيدىكەن بۇنىڭ بىلەن بەدەن ئاجىزلاپ كىتىش پۇت قولدا ماغدۇر قالماسلىق كىلىپ چىقىدىكەن. 2.مەس ھالەتتە يۇيۇنماسلىق كېرەك. مەس ھالەتتە يۇيۇنسا جىگەر بىلەن يۈرەكنىڭ ئىقتىدارىغا تەسىر يىتىپ، بەدەنگە ئېھتىياجلىق بولغان قان شىكىرىنىڭ تەمىنلىنشىگە تەسىر يىتىپ ئاسانلا باش قېيىش ۋە كۆزى چاقناپ كىتىش، بەدىنى ماغدۇرسىزلىنىش ھادىسىسى يۈز بىرىدىكەن، ئېغىر بولغاندا قان شىكىرى تۆۋەنلىكتىن ئايلىنىپ كىتىش ھادىسىسى يۈز بىرىشى مۇمكىن ئىكەن. 3.ئېغىر زۇكام بولۇپ قىزىپ كەتكەندە يۇيۇنماسلىق كېرەك. ئادەمنىڭ بەدەن تېمپۇراتۇراسى ئۆرلەپ 30 گىرادۇسقا چىققاندىن كېيىن بەدەننىڭ ئىسىقلىقنى خورىتىشى %20 بۇلىدىكەن. بۇ چاغدا بەدەن ئاجىزلاپ يۇيۇنغان ۋاقىتتا ئاسانلا باشقا ئەھۋاللار كىلىپ چىقىدىكەن. 4.زىيادە تويۇنۇپ ياكى ئاچ ھالەتتە يۇيۇنماسلىق كېرەك. تاماق يەپ تويغاندىن كېيىن يۇيۇنسا پۈتۈن بەدەن تېرىسى ئىسىق سۇ سەۋەبىدىن غىدىقلىنىپ تەر تۈشۈكچىلىرى كېڭىيىپ، قان ئايلىنىش تىزلىشىدىكەن، لېكىن قۇرساق بوشلۇقىدىكى قاننىڭ تەمىنلىنىشى ئاجىزلاپ بارىدىكەن، بۇنىڭ بىلەن ھەزىم قىلىشقا تەسىر كۆرسىتىدىكەن. قۇرسىقى ئېچىپ كەتكەندە يۇيۇنسا ئاسانلا قان شىكىرى تۆۋەنلەش ھادىسىسى كىلىپ چىقىپ ئايلىنىپ قالىدىكەن. 5.ئەمگەكتىن كېيىن ھارغاندا يۇيۇنماسلىق كېرەك. مەيلى ئەقلىي خىزمەت قىلىڭ ياكى جىسمانىي خىزمەت قىلىڭ بەك ھېرىپ چارچاپ كەتكەندە يۇيۇنسىڭىز بولمايدىكەن. بىردەم ئارام ئېلىۋالغاندىن كېيىن ئاندىن يۇيۇنسىڭىز ياخشى ئىكەن. چۈنكى بەك چارچاپ كەتكەندە يۇيۇنسىڭىز ئاسانلا يۈرەك كىسىلى قوزغۇلۇپ قالىدىكەن ۋە مېڭىگە قان يىتىشمەسلىك كىلىپ چىقىدىكەن. 6.بەدەن سۈپىتى ناچار ھالەتتە يۇيۇنماسلىق كېرەك بىر قىسىم سالامەتلىكى ناچار قىزلار سوغوق سۇدا يۇيۇنسا بولمايدىكەن. سالامەتلىكى ئەسلىدىلا ناچار ئادەم سوغوق سۇدا يۇيۇنسا ئاسانلا زۇكام بۇلۇپ قالىدىغان ياكى بولمىسا قىزىپ قالىدىغان ئىش كىلىپ چىقىدىكەن. لېكىن دائىم سوغوق سۇدا يۈزىنى يۇيۇپ بەرسە بەدەندىكى قاننىڭ ئايلىنىشىنى ئىلگىرى سۈرۈپ تېرىنى تېخىمۇ سىلىق قىلىش بىلەن بىرگە زۇكام بۇلۇپ قېلىشنىڭ ئالدىنى ئالىدىكەن. مەنبەسى چىمبۇلاق

تەبەسسۇم007

	رەھمەت،  بىلۋېلىشقا تىگىشلىك مەزمۇنلار ئىكەن

لوتفىيە

	رەھمەت سىزگە . بۇنىمۇ بىلىۋالدۇق . ھېرىپ كەتكەندە يۇيۇنسا ، مەن تېخى ھاردۇقى چىقىدۇ دەپ ئويلاپتىمەن . ئەسلى زىيانلىق ئىكەندە.