ئەنجۈر توغرىسىدا چۈشەنچە

ئەلسىھەت

ئەنجۈر

无花果

[تونۇش] بۇ ئۈجمە ئائىلسىدىكى ئۆسۈملۈك ھەممىگە مەلۇملۇق يوپۇرماق تاشلايدىغان چاتقال ياكى كىچىك دەرەخ ئەنجۈرنىڭ پىشقان مېۋىسدىن ئىبارەت . شەكلى يۇملاق ، رەڭگى سېرىق گۆشلۈك ، ئەتلىك قىسمىنىڭ ئىچىدە قوڭۇر رەڭلىك ئۇرۇقى بولىدۇ . تەمى تاتلىق ، پۇراقسىز.
[تەبىئىتى] بىرىنجى دەرىجىدە ھۆل ئىسسىق .
[خۇسۇسىيتى] غەيرىي تەبىئى بەلغەم خىلتىنى پىشۇرۇش ، «تەبىئەت» نى، بۆرەكنى قۇۋۋەتلەش ، تۇسالغۇلارنى ئېچىش ، تەرەتنى يۇمشىتىش ، يەل تارقىتىش ، چىراينى پارقىرتىش ، تەرلىتىش ، بەلغەم بوشىتىش ، سۈيدۈك ھەيدەش ، ئىششىق ۋە ياللۇغ قايتۇرۇش .
[ئىشلىتىلدىغان كىسەللىكلەر] باھ ، بۆرەك ئاجىزلىقى ، يۈتەل ، زۇكام ، نەزلە ، قاتارلىق نەپەس يوللىرى كىسەللىكلىرى ، قەۋزىيەت ، ئۆپكە كېسەللىكى يۆتەل ، چېچەك ، تال ئىششىقى ، جىگەر ۋە تال توسۇلۇش، سۈيدۈك تۇتۇلۇش، ھەيز توسۇلۇش ، سۈيدۈك تېمىپ كىلىش ،مىڭە ئاجىزلىقى قاتارلىقلارغا ئىشلىتىلىدۇ .
[ئىشلىتىش ئۇسۇلى] 1. زۇپا 10 گرام، چۈچۈكبۇيا يىلتىزى 7 گرام ، ئەنجۈر 5 دانە ، پىرسىياۋشەن 10 گرام ئېلىپ ، كاشكاپ تەييارلاپ ئىچىپ بەرسە ، زۇكام يۆتەل ، نەزلە قاتارلىقلارغا مەنپىئەت قىلىدۇ . 2.ئەنجۈر 1 كىلوگرام ،شېكەر 2 كىلوگرام ، ئەنجۈر مۇرابباسى تەييارلاپ يەپ بەرسە ، ئۇمۇمىي بەدەننى ، باھنى قۇۋۋەتلەيدۇ . 3. ئۈزۈم 30گرام ، ئەنجۈردىن 10 گرام ئېلىپ قاينىتىپ سۈيىنى ئىچسە ، سوغوقتىن بولغان كۆكيۈتەلگە شىپا قىلىدۇ .
[ئىشلىتىش مىقدارى] 5~7 دانە.
[زىيانلىق تەسىرى ]جىگەر ۋە ئاشقازانغا زىيان قىلىدۇ .
[تۈزەتكۈچىسى] سۆئتەر، رۇم بەدىيان .
[ئورۇنباسارى ]باراۋەر مىقداردىكى چىلغۇزا

ئەلسىھەت ئۇيغۇر تېبابەت تورى يازمىسى  باشقۇرغۇچىنىڭ رۇخسىتىسىز باشقا تور بەتلەرگە يوللاشقا بولمايدۇ!

ئەخلاق

ئەسسىلامۇ ئەلەيكۇم ئۇستاز ئەنجۇر  پىشقان ۋاقىتلاردا ، سەھەردا باغقا كىرىپ 2-3 ئەنجۇر يەپ قويسا چۇشكۇرۇپ بۇنۇمدىن سۇ ئاقىدۇ نىمىشتۇ بۇ؟ ئۇستاز سىلەر تىبابەتتە ئىشلىتىدىغان ئەنجۇر مۇنىكى شۇ ئەنجۇر قىقى شۇمۇ ؟

ئەلسىھەت

ۋەئەلەيكۇم ئەسسالام، سىزنىڭ مىزاجىڭىز  ھۆل سوغوق  ياكى ھۆل ئىسسىق بولسا شۇنداق بۇلىشى مۇمكىن.    ئەنجۈر  قېقى  ياكى ئەنجۈر مۇنىكى  شۇ ئادەتتىكى ئەنجۈرنىڭ قېقى ياكى مۇنىكىنى كۆرسىتىدۇ.